Luke 1:27 - Nǫ̀htsı̨ Nı̨htł'è

²⁷ Yak'eet'ı̨į̀, t'eekogòò Mary wìyeh ts'ǫ̀ yatı nìı̨ɂǫ. Eyı t'eekoa sìı dǫ Joseph wìyeh xè honìda ha wììchì ı̨lè. Joseph, k'àowocho Davıd wets'ıhɂǫ̀ǫ-dǫǫ̀ hǫt'e.

Luke 1:27 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 1:16

Jacob, Joseph wetà hǫt'e. Joseph, Mary wedǫzhıì hǫt'e. Zezì, Chrıst wèts'edıı sìı, Mary ts'ǫ dǫ elı̨ hǫt'e.

Matthew 1:18

Dıı sìı Zezì-Krı dǫ-elı̨ wegodıì hǫt'e: Wemǫ Mary, Joseph xè honìda ha wììchì ı̨lè. Įłaà ełexè nàgedè-le et'ıì Yedàyeh Nezı̨ı̨ dahxà hotıì eda-le ajà.

Matthew 1:23

“T'eekogòò hotıì eda-le ade ha, dǫzhìa nìhtè ha eyıts'ǫ Emmanuel wìyeh ha,” hadı ı̨lè. (Emmanuel ts'edıı sìı “Nǫ̀htsı̨ goxè nàwo” ts'edıì-ats'edı.)

Luke 1:28

Yak'eet'ı̨į̀ Mary ts'ǫ̀ ajà hayèhdı, “Nexè sìghà welè! Nı̨ sìı ts'èko hazǫǫ̀ nahk'e nexè sìghà hòɂǫ hǫt'e. Nǫ̀htsı̨ nexè hǫt'e,” yèhdı.