Luke 1:17 - Nǫ̀htsı̨ Nı̨htł'è

¹⁷ Ededı̨ sìı gots'ǫ̀ K'àowo nakweè etłe ha, eyıts'ǫ nakwenàoɂǫǫ Elıjah wets'ǫ ı̨nì nàtsoo wets'ǫ̀-èlı̨ ha. Dǫ edeza ghǫnegeètǫ anagole ha. Eyıts'ǫ Nǫ̀htsı̨ k'èagı̨ı̨t'e-le sìı gogı̨ı̨zǫ xè ehkw'ı geedaà agole ha. Gots'ǫ̀ K'àowo gha dǫ ts'atà geèhkw'eè agole ha,” yak'eet'ı̨į̀ yèhdı.

Luke 1:17 ပူးပေါင်းရင်းမြစ်များ

Matthew 11:14

Eyı naxıgha ehkw'ı-ahodı nı̨dè ededı̨ sìı Elıjah jǫ nììtła ha ts'edı ı̨lèe sìı eyı lanì hǫt'e.

Matthew 14:4

John-Baptıst Herod ts'ǫ̀ hadı ı̨lè: “Dıı ts'èko xè nàądè t'à hołı̨ı̨-hoı̨htsı̨ hǫt'e,” yèhdı ı̨lè.

Matthew 3:3

Eyı dǫ nakwenàoɂǫǫ Isaıah yeghǫ goı̨de ı̨lè, dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe,’ ” dek'eèhtł'è.

Matthew 3:4

John-Baptıst wegoht'ǫǫ̀ tıts'aàdìıcho weghà t'à hòèlı̨ eyıts'ǫ ewò t'à wewè elı̨. Ts'aelǫ̀ą eyıts'ǫ kw'ıahnǫ-dıì hanıı ghǫ shètı̨ t'à eda.

Luke 1:16

Ededı̨ sìı Israel got'ı̨į̀ łǫ, Nǫ̀htsı̨ gıts'ǫ̀ K'àowo ts'ǫ̀ anagole ha.

Luke 1:76

Ekò nı̨, seza, Nǫ̀htsı̨ wenahk'e gǫ̀hłı̨-le wets'ǫ nakwenàoɂǫǫ nègedı ha. Gots'ǫ̀ K'àowo wenakweè naı̨tłe ha wegha ts'atà sıìgoı̨le ha.

John 1:13

Wezaa gı̨ı̨lı̨ı̨ sìı dǫkwǫ̀ t'à gıgǫ̀hłı̨ı̨ awèts'edı-le, dǫ hanıwǫ t'à le, eyıts'ǫ dǫzhìı wınì k'ę̀ę̀ sı t'à le, hanìkò Nǫ̀htsı̨ dahxà gıgǫ̀hłı̨ t'à Nǫ̀htsı̨ wezaa gı̨ı̨lı̨ hǫt'e.

John 1:34

Eyı dǫ wets'ǫ̀ dàgòjàa sìı sedaà agòjà t'à, Nǫ̀htsı̨ Weza hǫt'e wek'èehsǫ,” John-Baptıst gòhdı.

John 3:28

Naxıts'ǫ̀ dıı haehsı̨ ı̨lèe sìı wek'èahsǫ ne, ‘Sı̨ Chrıst aht'e nıìle, hanìkò sı̨ sìı wenakweè jǫ ts'ǫ̀ sets'ı̨ı̨hɂà hǫt'e,’ haehsı̨ ı̨lè.

Zezì Wecheekeèdeè 10:33

Eyıt'à ekòet'ıì nekàwhıhɂà. Jǫ nàwheętła t'à masì neehwhǫ. Nǫ̀htsı̨ wenadąą̀ hazǫǫ̀ jǫ ts'eèhkw'e, gots'ǫ̀ K'àowo ayìı gots'ǫ̀ haı̨dı ha nèhdıı sìı wets'eèhkw'ǫ ha ts'ı̨ı̨wǫ,” yèhdı.

Rome 9:23

Nǫ̀htsı̨ dǫ etegoèhɂı̨ı̨ sìı dànì wexè enıìyah hòɂǫǫ sìı dǫ gıdzeè t'à gık'èezǫ ha nıwǫ t'à, whaà gots'ǫ ts'èwhı̨į̀ godanaèhɂı̨ ı̨lè. Dǫ gıxè enıìyah hòɂǫ ha sìı nadąą̀ gòį̀hchì ı̨lè. Nǫ̀htsı̨ hanì eghàlaeda ha wets'ǫ̀ hoèlı̨ hǫt'e.

Colosse 1:12

Nǫ̀htsı̨-Gotà masì wèahdı ha. Nǫ̀htsı̨ Wenàowoò k'ę̀ę̀ hòɂǫǫ sìı t'aats'ǫǫ̀ dzęh nı̨ı̨dı̨ lanì hǫt'e. Ekǫ Nǫ̀htsı̨ wets'ǫ dǫ t'asìı gıda whelaa sìı gıxè naxıghǫ̀zhe ha hǫt'e.

2 Tımothy 2:21

Dǫ hołı̨ı̨ wedę ayį̀į̀là nı̨dè kw'à wet'àaɂàa lanì hǫt'e. Wets'ǫ̀ K'àowo gha degaı xè wet'àhoòɂà at'į̀, eyıts'ǫ la nezı̨ı̨ ghàlaeda gha sınìwheda ha.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.