Jude 1:9 - Nǫ̀htsı̨ Nı̨htł'è

⁹ Yak'eet'ı̨deè Mıchael ededı̨ kò, Moses wekw'ǫǫ̀ ghǫ wehłı̨ı̨ xè nàyaehtı ekò, yek'e nìdahoeɂà ha edèdaedı ı̨lè, hanìkò “Gots'ǫ̀ K'àowo nesınìyahtı welè!” yèhdı ı̨lè.

Jude 1:9 ပူးပေါင်းရင်းမြစ်များ

Mark 15:29

Dǫ gıxanageedèe sìı yatıjıı t'à gık'adaedè xè gıts'ǫ̀ nòkwìgeeye, hagedı, “Nǫ̀htsı̨kǫ̀-gocho wedıhoı̨htsı̨ ha eyıts'ǫ taı dzęę̀ t'à nagoı̨htsı̨ ha, nı̨ı̨dı ı̨lè.

1 Thessalonıca 4:16

Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.

2 Peter 2:11

Yak'eet'ı̨į̀ denahk'e nàgetso xè t'asìı gıgha dìì-le kò, gots'ǫ̀ K'àowo wenadąą̀ yatıjıı t'à yat'a ı̨nì nàgetso gok'e nìdahogeeɂà nıìle.

John Wenazhıı 12:7

Yak'e ełegegǫ xèhǫǫ̀wo. Mıchael edets'ǫ yak'eet'ı̨į̀ xè eyı tıts'aàdìıcho dek'oo ts'ǫ̀ ełegegǫ eyıts'ǫ eyı tıts'aàdìıcho dek'oo wets'ǫ yak'eet'ı̨łı̨ı̨ xè gots'ǫ̀ ek'èt'à ełegegǫ.