Jude 1:8 - Nǫ̀htsı̨ Nı̨htł'è

⁸ Eyı xèht'eè eyı dǫ ekìı-ka godı gehtsı̨ı̨ sìı hołı̨ı̨ t'à xàè edezhį̀į̀ tsį̀gehwhı hǫt'e, k'aodèe k'èagı̨ı̨t'e ha gı̨ı̨wǫ-le, eyıts'ǫ yatıjıı t'à yat'a ı̨nì nàtsoo k'adageedè.

Jude 1:8 ပူးပေါင်းရင်းမြစ်များ

Dànì Kèhoį̀wo 3:5

Wets'ǫ jìecho neeɂà nı̨dè t'asìı łǫ negha wègaat'ı̨į̀ agode ha, Nǫ̀htsı̨ yek'èezǫ t'à hanaxèhdı hǫt'e. Nǫ̀htsı̨ laahde ha, nàowo nezı̨ı̨ eyıts'ǫ nàowo nezı̨-le k'èhoahsǫǫ̀ aahde ha,” gòocho yèhdı.

Luke 11:25

Dǫ yìı nǫ̀ǫtła nı̨dè, t'asìı hazǫǫ̀ nezı̨į̀-ela nǫǫ̀ nıwǫ ha.

Luke 12:11

“Eyıts'ǫ ełègehdèe-kǫ̀ goyìı dǫ nadąą̀, k'aodèe eyıts'ǫ dǫ-sınìyaehtıı-dǫǫ̀ gınadąą̀ nàahza naxegį̀į̀là nı̨dè, dànì edek'edaahdı ha eyıts'ǫ ayìı dàahdı ha sìı weghǫ nànıahdè-le.

Luke 19:14

“Hanìkò wenèk'e gots'ǫ dǫ gıdzaı̨hwhǫ, eyıt'à dǫ mǫ̀hdaa gık'èè geèhɂà, dıı hagedı ha t'à, ‘Eyı dǫ sìı gogha k'àowocho elı̨ ha wets'ı̨ı̨hwhǫ-le,’ gedı.

Zezì Wecheekeèdeè 23:5

Eyıt'à Paul gots'ǫ̀ hadı, “Sèot'ı̨ı̨, yahtıı-wet'àaɂàa-deè elı̨ı̨ wek'èehsǫ-le nǫǫ̀. Yahtıı-wet'àaɂàa-deè elı̨ı̨ wek'èehsǫ nı̨dè haehsı̨ ha-le ı̨lè, ‘Naxıgha k'àowo elı̨ı̨ sìı yatıjıı t'à weghǫ goahde-le,’ hanì dek'eèhtł'è hǫt'e,” Paul gòhdı.

Zezì Wecheekeèdeè 7:27

“Hanìkò dǫ edèot'ı̨ k'aàwoo sìı Moses yı̨ı̨ɂǫ̀ǫ̀ èhtso, hadı, ‘Amìı k'àowo nèhtsı̨ t'à hanì gots'ǫ̀ goı̨de?

Zezì Wecheekeèdeè 7:39

“Hanìkò gòet'ı̨ Moses k'èagı̨ı̨t'e ha gı̨ı̨wǫ-le eyıts'ǫ gots'ǫ̀ k'àowo elı̨ ha gı̨ı̨wǫ-le. Egypt ts'ǫ̀ anagede ha gı̨ı̨wǫ.

1 Corınth 3:17

Dǫ Nǫ̀htsı̨ wekǫ̀ yedıhohtsı̨ nı̨dè Nǫ̀htsı̨ yedıhohtsı̨ ha. Nǫ̀htsı̨ wekǫ̀ degaı hǫt'e, naxı̨ sìı eyı Nǫ̀htsı̨ wekǫ̀ laaht'e.

1 Thessalonıca 4:8

Eyıt'à dıı yatı naxıghàts'ı̨ı̨ɂǫǫ sìı amìı wegha wedę sìı goxı̨ zǫ gok'èı̨t'e-le nıìle, hanìkò Nǫ̀htsı̨ k'èı̨t'e-le hǫt'e. Hanıı dǫ sìı Nǫ̀htsı̨ edets'ǫ Įnì Degaı goghàı̨ɂǫǫ sìı wegha wedę hǫt'e.

1 Tımothy 1:10

ełexè hołı̨ı̨ hogehtsı̨ı̨ dǫǫ̀, dǫzhìı hołı̨ı̨ k'ę̀ę̀ ełek'alagedèe dǫǫ̀, dǫ gıghǫ nàedìı dǫǫ̀, hogets'ìı-dǫǫ̀, eyıts'ǫ nàyaetıı gonı ehkw'ı xàyagehtı-le dǫǫ̀. Dǫ hazǫǫ̀ Nǫ̀htsı̨ enıìyah t'à wegodıì nezı̨ı̨ k'ę̀ę̀ hoghàgoetǫ k'èch'a eghàlageedaa sìı gıgha adlà hǫt'e. Nǫ̀htsı̨ weghàsǫts'eedıı sìı wegodıì t'à dǫ hoghàgeehtǫ ha setł'aà wheɂǫǫ̀ ayį̀į̀là hǫt'e.

Hebrew 13:17

Naxıts'ǫ̀ k'aodèe gı̨ı̨lı̨ı̨ sìı gık'èaht'e. Nezı̨į̀ naxık'ègedì hǫt'e eyıts'ǫ dànì eghàlageeda k'èxa Nǫ̀htsı̨ gosınìyaehtı ha hǫt'e. Gık'èaht'e, hanì-ı̨dè gınà edılaà ghàlageeda ha, eyıts'ǫ gıgha dezhì ha-le. Gılaà gıgha dezhì aahłà nı̨dè gıt'àhoahwhı ha nıìle.

1 Peter 2:17

Nezı̨į̀ ełets'ǫ̀ naahɂa xè dıı hanì aahda: Amìı naxıxèht'eè gıgha ehkw'ı-ahodıı sìı gıghǫnıahtǫ, Nǫ̀htsı̨ wek'èaht'e, eyıts'ǫ k'àowocho wets'ǫ̀ nezı̨į̀ naahɂa.