Jude 1:7 - Nǫ̀htsı̨ Nı̨htł'è

⁷ Eyı xèht'eè kǫ̀ta Sodom eyıts'ǫ kǫ̀ta Gomorah eyıts'ǫ gımǫǫ̀ kǫ̀ta yàgòlaa sìı ekǫ gots'ǫ dǫ hołı̨ı̨ hazǫǫ̀ xàɂaa k'ę̀ę̀ ełek'alagedè ı̨lè. Gıgodıì ghàà dǫ hołı̨ı̨ hohtsı̨ı̨ sìı wets'ǫ̀ dàgode ha wek'èts'eezǫ. Dǫ hanıı sìı welǫ whìle ts'ǫ̀ kǫ̀ nàtsoo t'à dagı̨ı̨ɂa ha hǫt'e.

Jude 1:7 ပူးပေါင်းရင်းမြစ်များ

Dànì Kèhoį̀wo 13:13

Dǫzhìı kǫ̀ta Sodom nàgedèe sìı hołı̨ı̨ nàowoò k'ę̀ę̀ geeda, gots'ǫ̀ K'àowo k'èch'a hołı̨ı̨ hogehtsı̨.

Dànì Kèhoį̀wo 18:20

Eyıt'à gots'ǫ̀ K'àowo hadı, “Sodom got'ı̨į̀ eyıts'ǫ Gomorah got'ı̨į̀ sıì hołı̨ı̨ nechàa hogèhtsı̨ t'à gıghǫ yatı nezı̨-le eèhkw'o.

Dànì Kèhoį̀wo 19:5

Lot ts'ǫ̀ yagìzeh hagedı, “Dıı toò eyı dǫ nets'ǫ̀ nègı̨ı̨dee sìı gılaedì? Gots'ǫ̀ xàgııdè agı̨ı̨le, gık'alats'edè ha t'à,” hagedı.

Matthew 10:15

Ehkw'ı anaxèehsı̨, gosınìyaetıı dzęę̀ k'e nı̨dè eyı kǫ̀ta gots'ǫ dǫ dagı̨ı̨ɂa ha. Kǫ̀ta Sodom eyıts'ǫ kǫ̀ta Gomorah dǫ nàı̨dè ı̨lèe sìı nahk'e dagı̨ı̨ɂa ha.

Matthew 11:24

Ehkw'ı anaxèehsı̨, gosınìyaetıı dzęę̀ k'e nı̨dè Sodom got'ı̨į̀ naxık'aɂį̀ gıgha hoìla ha hǫt'e,” Zezì gòhdı.

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Luke 17:29

Hanìkò Lot, kǫ̀ta Sodom gots'ǫ nakwı̨èhtłaa dzęę̀ k'e yak'e gots'ǫ kwe dèk'ǫ̀ǫ hodàètł'ı t'à dǫ hazǫǫ̀ ełaàgı̨ı̨dè ı̨lè.

1 Corınth 6:9

Dǫ wejıı sìı Nǫ̀htsı̨ Wenàowoò k'ę̀ę̀ hòɂǫǫ sìı gıghàhòt'à ha nıìle wek'èahsǫ-le nì? Edeghǫyaahɂà sǫ̀ǫ̀. Dǫ edezhį̀į̀ t'à hołı̨ı̨ k'alagedèe, dǫ nǫ̀htsı̨ą hòèlı̨ı̨ ts'ǫ̀ yagehtıı, dǫ ełexè hołı̨ı̨ hogehtsı̨ı̨, sǫǫ̀mba k'èxa dǫzhìı et'ıì ełexè aget'ı̨ı̨, eyıts'ǫ dǫzhìı hołı̨ı̨ k'ę̀ę̀ ełek'alagedèe,

2 Thessalonıca 1:7

eyıts'ǫ naxıgha hoìlaa sìı naxıxè ts'èwhı̨į̀ hòɂǫǫ̀ ayele ha, goxı̨ sı goxè hagole ha. Gots'ǫ̀ K'àowo Zezì yak'e gots'ǫ wègoèht'į̀ nı̨dè goxè hagode ha. Ekò nı̨dè kǫ̀woò nàtsoo xè yak'eet'ı̨į̀ nàgetsoo wemǫǫ̀ gìgoèht'į̀ ha.

2 Thessalonıca 1:8

Ekò nı̨dè dǫ Nǫ̀htsı̨ k'ègeezǫ-le xè gots'ǫ̀ K'àowo Zezì wegodıì nezı̨ı̨ k'èagı̨ı̨t'e-le sìı dagı̨ı̨ɂaà agole ha.

2 Peter 2:2

Dǫ łǫ edenàowołı̨ı̨ k'ę̀ę̀ eghàlageedaà agede ha, eyıt'à dǫ eyıì-le nàowo ehkw'ıı ghǫ nezı̨į̀ xàyagehtı ha-le.

2 Peter 2:6

Eyıts'ǫ Sodom got'ı̨į̀ eyıts'ǫ Gomorah got'ı̨į̀ gots'ǫ̀ hoìla eghàlaı̨dà; łèbè gı̨ı̨lı̨ ts'ǫ̀ gok'enı̨hk'ǫ. Eyı hanì gots'ǫ̀ eghàlaı̨dàa sìı weghàà dǫ Nǫ̀htsı̨ k'èch'a hogehtsı̨ı̨ sìı dànì ı̨daà Nǫ̀htsı̨ gots'ǫ̀ eghàlaeda ha wek'èhoedzǫǫ̀ ayį̀į̀là hǫt'e.

2 Peter 3:7

Nǫ̀htsı̨ weyatıì et'ıì t'à yak'e eyıts'ǫ dıı nèk'e gok'eek'ǫ̀ gha wek'èhodì hǫt'e. T'asìı hazǫǫ̀ wesınìyaetıı dzęę̀ k'e ts'ǫ̀ wek'èhodì, eyıts'ǫ ekìıyeè k'e nı̨dè dǫ hazǫǫ̀ Nǫ̀htsı̨ k'èch'a geedaa sìı gıdıhołè ha.