Jude 1:4 - Nǫ̀htsı̨ Nı̨htł'è

⁴ Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.

Jude 1:4 ပူးပေါင်းရင်းမြစ်များ

Matthew 13:25

Hanìkò dǫ hazǫǫ̀ whete ekò dǫ ı̨łè yets'ǫ̀ xànı̨ı̨ɂaa sìı eyı dèè k'e tł'oh nezı̨-le dehshee sìı weta nèyı̨ı̨la. Eyı tł'axǫǫ̀ naèhtła.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

Zezì Wecheekeèdeè 11:23

Ekǫ nììtła ekò dànì Nǫ̀htsı̨ gots'ǫ̀ sǫnıwǫ t'à dǫ gha eghàlaı̨daa sìı hazǫǫ̀ yaɂı̨ t'à wınà. Gots'ǫ̀ K'àowo ghǫ gınì nàtsoò agole ha gots'ǫ̀ goı̨de.

Zezì Wecheekeèdeè 15:24

“Gota gots'ǫ dǫ mǫ̀hdaa naxıts'ǫ̀ nègı̨ı̨dee sìı naxıgha hoìla gehtsı̨ı̨, gıghǫ ts'ıìkw'o hǫt'e. T'asìı hoghànaxegeehtǫǫ sìı wet'à naxınì tsį̀gehwhı ha aget'ı̨. Hanìkò eyı dǫ godahxà gogede nıìle.

Galatıa 2:4

Dǫ gòet'ı̨ edegeetsı̨ı̨ sìı gokwǫ̀ nàat'àa nàowoò k'èts'edì ha gedı t'à eyı ghǫ gots'ı̨ı̨de ı̨lè. Eyı dǫ agedıı sìı godageeɂį̀ ha gı̨ı̨wǫ t'à gotagı̨ı̨de. Dànìghǫ Zezì-Krı wets'ıhɂǫ̀ gınàowoò tł'a ts'eèhkw'e-le ats'ejà gı̨ı̨wǫ, eyıts'ǫ gınàowoò ts'ǫ̀ anats'ede ha gogı̨ı̨hwhǫ.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

1 Tımothy 5:8

Dǫ edèot'ı̨ ts'àgedı-le, xàè edèot'ı̨ gots'àgedı-le nı̨dè ayìı wegha ehkw'ı-ahodıı sìı k'ę̀ę̀ eda nıìle. Dǫ wegha ehkw'ı-ahodı-le nahk'e ekǫ-le hòèhtsı̨ hǫt'e.

2 Tımothy 2:12

Dats'ı̨ı̨ɂa kò weghǫ goınì nàtso ats'ı̨ı̨hwhǫ nı̨dè, wexè k'ahots'edè ha hǫt'e. Wek'èts'eezǫ-le ts'edı nı̨dè ededı̨ sı gok'èezǫ-le hadı ha.

2 Tımothy 3:6

Dǫ hanıı sìı dǫ kǫ̀ goyageedè gà ts'èko gınì nàtso-le sìı ghǫyageeɂà. Edeyatıì t'à goghǫdageehnè t'à goxè nàgedè xè gots'ǫ̀ k'ahogedè. Dǫ hanıı sìı hołı̨ı̨ zǫ k'ę̀ę̀ geedaa eyıts'ǫ hołı̨ı̨ hazǫǫ̀ xàɂaa sìı gıdaèht'è.

1 Peter 2:16

Dǫ Moses wenàowoò tł'a geèhkw'e-le lanì nàahdè, hanìkò dıı haahwhǫ-le, “Hòt'a Moses wenàowoò tł'a ts'eèhkw'e-le t'à hołı̨ı̨ hots'ehtsı̨ ha dìì-le,” dahwhǫ-le. Į̀le, Nǫ̀htsı̨ wecheekeè lanì nàahdè ha hǫt'e.

1 Peter 2:8

eyıts'ǫ dıı hanì dek'eèhtł'è: “Eyı kwe wet'à dǫ dagıìtà eyıts'ǫ wet'à dèè k'e nàgeetł'ì hǫt'e,” hanì dek'eèhtł'è. Godı nezı̨ı̨ k'ę̀ę̀ geeda-le ts'ıhɂǫ̀ dagıìtà. Gıts'ǫ̀ hagot'ı̨ı̨ sìı hanì gıgha hòɂǫǫ̀ adlà hǫt'e.

1 Peter 4:18

Dıı hanì dek'eèhtł'è: “Dǫ ehkw'ı geeda kò edaxàgeedè ha gıgha kèhoedı-le nı̨dè dǫ Nǫ̀htsı̨ k'ègeezǫ-le eyıts'ǫ hołı̨ı̨-hogehtsı̨ı̨-dǫǫ̀ sìı gıgha dàgǫ̀ht'e ha sǫnı?” hanì dek'eèhtł'è.

2 Peter 2:10

Dǫ edınìłı̨ı̨ k'ę̀ę̀ geeda xè gıts'ǫ̀ k'aodèe nègelı̨-le sìı hotıì gıxè hagode ha. Hanıı dǫ sìı gıkwì nàtso xè xàhogedì t'à, yat'a ı̨nì nàtsoo k'adageedè gha edègeejı̨-le.

2 Peter 2:7

Hanìkò Lot ehkw'ı edaa sìı Nǫ̀htsı̨ edaxàyį̀ı̨htı̨, dǫ wemǫǫ̀ hołı̨ı̨ nàowoò k'ę̀ę̀ geeda ts'ıhɂǫ̀ sıì wegha dìì ı̨lè.

2 Peter 3:7

Nǫ̀htsı̨ weyatıì et'ıì t'à yak'e eyıts'ǫ dıı nèk'e gok'eek'ǫ̀ gha wek'èhodì hǫt'e. T'asìı hazǫǫ̀ wesınìyaetıı dzęę̀ k'e ts'ǫ̀ wek'èhodì, eyıts'ǫ ekìıyeè k'e nı̨dè dǫ hazǫǫ̀ Nǫ̀htsı̨ k'èch'a geedaa sìı gıdıhołè ha.

1 John 2:22

Amìı hots'ìı-dǫǫ̀ elı̨? “Zezì, Chrıst hǫt'e-le,” hadıı sìı hots'ìı-dǫǫ̀ elı̨ hǫt'e. Dǫ hanì hots'ìı sìı Chrıst k'èch'a elı̨ hǫt'e, eyıts'ǫ Nǫ̀htsı̨-Gotà yegha ehkw'ı adı-le eyıts'ǫ Weza sı yegha ehkw'ı adı-le.

Jude 1:15

eyıts'ǫ dǫ hazǫǫ̀ gosınìyaehtı ha. Nǫ̀htsı̨ dǫ hazǫǫ̀ yınì k'ę̀ę̀ geeda-le xè hołı̨ı̨ hogehtsı̨ı̨ sìı eyı k'èxa gosınìyaehtı ha, eyıts'ǫ yatıjıı hazǫǫ̀ t'à Nǫ̀htsı̨ k'èch'a xàyagehtı k'èxa gosınìyaehtı ha,” dek'eèhtł'è.

Jude 1:18

Dıı hanaxègedı ı̨lè, “Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha,” gedı ı̨lè.

John Wenazhıı 15:4

Gots'ǫ̀ K'àowo, dǫ hazǫǫ̀ nek'èagı̨ı̨t'e ha hǫt'e eyıts'ǫ neghàsǫgeedı ha. Nı̨ zǫ degaı anet'e. Ehkw'ı eghàlaı̨dàa sìı wek'èhoedzǫǫ̀ adlà ne t'à, dǫ hazǫǫ̀ xàɂaa nets'ǫ̀ aget'ı̨ xè neghàsǫgeedı ha hǫt'e,” hagedıì gejı̨.