Jude 1:3 - Nǫ̀htsı̨ Nı̨htł'è

³ Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.

Jude 1:3 ပူးပေါင်းရင်းမြစ်များ

Zezì Wecheekeèdeè 17:3

Ayìı dek'eèhtł'è ghàà gots'ǫ̀ goı̨de, “Chrıst daı̨ɂa ha, eyıts'ǫ ełaı̨wo gots'ǫ naìdà ha. Dıı Zezì weghǫ naxıts'ǫ̀ gohdee sìı Chrıst hǫt'e,” gòhdı.

Zezì Wecheekeèdeè 18:28

Israel got'ı̨į̀ ełegeèhdì ekò, Apollos gonı ts'ǫ̀ hòtł'ò xàyaı̨htı. Nǫ̀htsı̨ Nı̨htł'è ghàà Zezì Chrıst hǫt'e hadıì gots'ǫ̀ goı̨de.

Zezì Wecheekeèdeè 20:27

Nǫ̀htsı̨ dànıwǫǫ sìı edèdaehdı-le hazǫǫ̀ naxıts'ǫ̀ haehsı̨ ı̨lè.

Zezì Wecheekeèdeè 28:28

“Eyıt'à dıı hanaxèehsı̨ ha dehwhǫ: Nǫ̀htsı̨ Edaxàgolee wegodıì dǫ eyıì-le xàɂaa gıts'ǫ̀ adlà hǫt'e, ededı̨ sìı egeèhkw'ǫ ha hǫt'e,” Paul gòhdı.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Zezì Wecheekeèdeè 6:7

Eyıt'à dǫ łǫ Nǫ̀htsı̨ yatıì ghǫ gıìkw'o. Kǫ̀ta Jerusalem Nǫ̀htsı̨ wecheekeè łǫ ajà, eyıts'ǫ gıta yahtıı łǫ gıgha ehkw'ı-ahodıì agejà.

Zezì Wecheekeèdeè 9:13

Ananıas hadı, “Sets'ǫ̀ K'àowo, eyı dǫ weghǫ godı łǫ eèhkw'o. Nets'ǫ dǫ Jerusalem nàgedèe sìı hoìla łǫ gogha hòèhtsı̨ ghǫ eèhkw'o.

Zezì Wecheekeèdeè 9:22

Hanìkò Saul denahk'e wınì nàtsoò ajà eyıts'ǫ dànì dek'eèhtł'èe sìı weghàà Zezì Chrıst hǫt'e hadıì gots'ǫ̀ goı̨de t'à Israel got'ı̨į̀ kǫ̀ta Damaskus nàgedèe sìı sıì gogha enıìyah adı.

1 Corınth 15:3

Yatı sets'ǫ̀ nìt'ǫǫ sìı yatı t'akwełǫ̀ǫ̀ wek'èahsǫ ha naxıghàehɂǫ hǫt'e. Eyı yatı sìı Zezì-Krı gohołı̨į̀ k'èxa ełaı̨wo hǫt'e, eyı sìı Nǫ̀htsı̨ Nı̨htł'è k'ę̀ę̀ agòjà.

Galatıa 2:5

Hanìkò ı̨łàà-kòo gık'èhots'ı̨ı̨ɂǫ-le, hanì-ı̨dè godı nezı̨ı̨ sìı aį̀hłı̨ xè ehkw'ı naxıxè wheɂǫ ha ts'ı̨ı̨wǫ.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Galatıa 6:11

Dıı yatı nechàa dek'eèhtł'è ghàahda nì? Xàè sılà t'à naxıts'ǫ̀ eehtł'è hǫt'e.

Ephesus 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.

Phılıppı 1:1

Kǫ̀ta Phılıppı dǫ Zezì-Krı wets'ıhɂǫ̀ Nǫ̀htsı̨ wets'ǫ dǫ agı̨ı̨t'ee eyıts'ǫ gıts'ǫ k'aodèe yàgı̨ı̨lı̨ı̨ sìı dıı enı̨htł'è gıts'ǫ̀ aatł'è hǫt'e. Zezì wecheekeè, Paul eyıts'ǫ Tımothy, dıı naxıts'ǫ̀ gı̨ı̨tł'è:

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

1 Thessalonıca 2:2

Naxıts'àts'ede kwe kǫ̀ta Phılıppı dǫ nàgedèe sìı gok'adageedè xè dagogį̀ı̨hɂa ı̨lè wek'èahsǫ hǫt'e. Sıì dǫ gok'èch'a agı̨ı̨wǫ kò, Nǫ̀htsı̨ gots'àı̨dì t'à, Nǫ̀htsı̨ wegodıì nezı̨ı̨ naxıts'ǫ̀ hats'edı ha ts'ejı̨-le ı̨lè.

1 Tımothy 1:18

Tımothy seza lanet'e, Yedàyeh Nezı̨ı̨ dahxà neghǫ nadąą̀ xàyagı̨ı̨htı ı̨lèe k'ę̀ę̀ yatı neghàehɂà ha. Dıı yatı nets'ǫ̀ eehtł'èe sìı wek'ènedì nı̨dè, nınì nàtso xè nàowo ehkw'ıı gha hòtł'ò eghàlaı̨da ha,

1 Tımothy 6:12

Daneeɂa ha sǫnı kò, Zezì negha ehkw'ı-ahodıı sìı t'aats'ǫǫ̀ wek'ę̀ę̀ ı̨da. Dǫ gınadąą̀, “Zezì segha ehkw'ı-ahodı,” nı̨ı̨dıì xàyanehtı ekò, welǫ whìle ts'ǫ̀ ı̨da ha nekayaı̨htı. Eyı yatı nezı̨ı̨ neghǫ̀t'ǫǫ sìı wedı̨ı̨chı-le, hanì-ı̨dè welǫ whìle ts'ǫ̀ ı̨da ha hǫt'e.

2 Tımothy 1:13

Nàowo ehkw'ıı hoghàneehtǫǫ sìı nezı̨į̀ wek'ę̀ę̀ ı̨da. T'aats'ǫǫ̀ Zezì-Krı gha nınì nàtso anehwhǫ xè Zezì wets'ıhɂǫ̀ dǫ ghǫneę̀tǫ.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.

Hebrew 13:22

Sèot'ı̨ı̨, eyı yatı nàtsoo naxıghàehɂǫǫ sìı hotıì wek'èahdì, nı̨htł'è nek'ǫ̀ą t'à naxıts'ǫ̀ ııhtł'è ne t'à.

Hebrew 6:9

Seàgı̨ą, dıı hanì naxıts'ǫ̀ gots'ede kò eyı wenahk'e naxıxè hoı̨zı̨į̀ hòɂǫ agode ha hotıì wek'èts'eezǫ. Nǫ̀htsı̨ edaxànaxı̨ı̨la k'ę̀ę̀ nezı̨į̀ eghàlaahda.

1 Peter 5:12

Naxıts'ǫ̀ eehtł'è gha sèot'ı̨ Sılas sets'àı̨dì. Ededı̨ sìı t'aats'ǫǫ̀ segha nezı̨į̀ eghàlaeda hǫt'e. Naxınì nàtsoò ahłe ha eyıts'ǫ Nǫ̀htsı̨ wesǫnıwǫ k'ę̀ę̀ aahda ha dehwhǫ t'à t'asìı mǫ̀hdaa ghǫ naxıts'ǫ̀ ııhtł'è hǫt'e. Nǫ̀htsı̨ naxıts'ǫ̀ sǫnıwǫ ts'ıhɂǫ̀ t'aats'ǫǫ̀ naxınì nàtsoò aahwhǫ.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

2 Peter 2:21

Ehkw'ı ts'eedaa nàowoò k'èhogeezǫ-le nı̨dè denahk'e gıgha nezı̨ ha ı̨lè. Hanìkò gık'èezǫ kò Nǫ̀htsı̨ nàowoò gıts'ǫ̀ adlàa sìı wedę agį̀į̀là t'à denahk'e gıxè hoìla agode ha.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.

Jude 1:17

Hanìkò seàgı̨ą, gots'ǫ̀ K'àowo Zezì-Krı wecheekeèdeè dànì nadąą̀ gogı̨ı̨dee sìı wenaahdì.

Jude 1:20

Hanìkò naxı̨ seàgı̨ą aaht'ee sìı degaı k'ę̀ę̀ naxıgha ehkw'ı-ahodı t'à naxınì nàtsoò aahłe, eyıts'ǫ Yedàyeh Nezı̨ı̨ wınì k'ę̀ę̀ yaahtı.

John Wenazhıı 12:11

Gòet'ı̨ Sahzǫ̀ą wedoò t'à eyıts'ǫ edeyatıì sı t'à gıghǫèhnǫ hǫt'e. Eyı gha ełaàgııde kò gıgha t'asanìle hǫt'e.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.