Jude 1:20 - Nǫ̀htsı̨ Nı̨htł'è

²⁰ Hanìkò naxı̨ seàgı̨ą aaht'ee sìı degaı k'ę̀ę̀ naxıgha ehkw'ı-ahodı t'à naxınì nàtsoò aahłe, eyıts'ǫ Yedàyeh Nezı̨ı̨ wınì k'ę̀ę̀ yaahtı.

Jude 1:20 ပူးပေါင်းရင်းမြစ်များ

Zezì Wecheekeèdeè 15:9

Goxèht'eè lanì goghàlaı̨dà, gıgha ehkw'ı-ahodı t'à gıdzeè degaı agǫ̀ǫ̀là.

Zezì Wecheekeèdeè 6:7

Eyıt'à dǫ łǫ Nǫ̀htsı̨ yatıì ghǫ gıìkw'o. Kǫ̀ta Jerusalem Nǫ̀htsı̨ wecheekeè łǫ ajà, eyıts'ǫ gıta yahtıı łǫ gıgha ehkw'ı-ahodıì agejà.

Zezì Wecheekeèdeè 9:31

Eyı tł'axǫǫ̀ Nǫ̀htsı̨ wecheekeè hazǫǫ̀ Judea nèk'e, Galılee nèk'e eyıts'ǫ Samarıa nèk'e gıgha łatsaa ts'èwhı̨į̀ hòɂǫǫ̀ agòjà. Yedàyeh Nezı̨ı̨ t'à gınì nàtsoò agejà. Eyıt'à dǫ łǫ gota gı̨ı̨de xè gots'ǫ̀ K'àowo k'èagı̨ı̨t'e ha gı̨ı̨wǫ.

Rome 15:2

Gòet'ı̨ ayìı gıgha sìghà sìı k'ę̀ę̀ eghàlats'eeda xè gınà agets'ele ha hǫt'e, hanì-ı̨dè gınì nàtsoò agets'ele ha.

Rome 8:15

Įnì naxıts'ǫ̀ ajàa sìı naxınì dejı̨ ha anaxį̀į̀là nıìle, hanìkò Yedàyeh Nezı̨ı̨ naxık'e ajà t'à Nǫ̀htsı̨ weza aahłı̨ hǫt'e. Yedàyeh Nezı̨ı̨ wedahxà, “Abà, Setà,” ts'edı hǫt'e.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

1 Corınth 10:23

“T'asìı hazǫǫ̀ gots'ǫ̀ wets'àet'ǫ nıìle,” haahdı sǫnı, hanìkò t'asìı hazǫǫ̀ gogha sìghà nıìle. “T'asìı hazǫǫ̀ gots'ǫ̀ wets'àet'ǫ nıìle,” haahdı sǫnı, hanìkò t'asìı hazǫǫ̀ t'à goınì nàtsoò ade ha nıìle.

1 Corınth 14:15

Eyıt'à dıı haht'ı̨ ha: sets'ǫ ı̨nì t'à yahtı ha, eyıts'ǫ sınì sı t'à yahtı ha. Sets'ǫ ı̨nì t'à ehjı̨ ha, eyıts'ǫ sınì sı t'à ehjı̨ ha.

1 Corınth 14:26

Eyıt'à sèot'ı̨ı̨, łą̀ą nìahdè nı̨dè dıı haaht'ı̨ welì: dǫ mǫ̀hdaa shı̨ t'à gejı̨, dǫ mǫ̀hdaa hoghàgogeehtǫ, dǫ mǫ̀hdaa Nǫ̀htsı̨ ayìı gots'ǫ̀ hadıı sìı dǫ ts'ǫ̀ hagedı, dǫ mǫ̀hdaa yatı ełek'èch'aòt'ı̨ı̨ t'à gogede, dǫ mǫ̀hdaa yatı ełek'èch'aòt'ı̨ı̨ gha etagehtı welì. Eyı hazǫǫ̀ gıghàlaıdà, wet'à Nǫ̀htsı̨ wecheekeè gınì nàtsoò ade ha.

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Ephesus 4:12

Hanì-ı̨dè Nǫ̀htsı̨ wets'ǫ dǫ dànì Nǫ̀htsı̨ gha eghàlageeda ha sìı gık'èezǫǫ̀ agede ha, eyıts'ǫ hazǫǫ̀ ełexè Nǫ̀htsı̨ gha goınì ı̨łè zǫ lats'ede gots'ǫ̀, eyıts'ǫ Nǫ̀htsı̨ weza deghàà wek'èts'eezǫ ats'ede gots'ǫ̀, Nǫ̀htsı̨ wets'ǫ dǫ hazǫǫ̀ ełexè nàgetsoò agede ha. Hanì-ı̨dè dànì Zezì-Krı wexè hòɂǫǫ sìı wexèht'eè goxè hòɂǫ ats'ede ha.

Ephesus 4:16

Ededı̨ wet'à wezhį̀į̀ hǫt'ıì eyıts'ǫ t'asìı hazǫǫ̀ wek'e whelaa sìı yàłııtǫ̀, eyıts'ǫ wet'à goxı̨ wezhį̀į̀ ats'ı̨ı̨t'ee sìı wegha goılaà ghàlats'eeda t'à eyıts'ǫ ełeghǫnets'eètǫ t'à wezhį̀į̀ nàtsoò ats'ehɂı̨ hǫt'e.

Ephesus 4:29

Yatıjıı t'à goahde-le, hanìkò yatı wet'à dǫ gınì nàtsoò ade ha sìı t'à goahde, hanì-ı̨dè dǫ egeèhkw'ǫǫ sìı wet'à nezı̨į̀ edexègeedì xè gıt'àhoehwhı ha.

Ephesus 6:18

Eyıts'ǫ Yedàyeh Nezı̨ı̨ naxıts'àdı t'à t'asìı hazǫǫ̀ xàɂaa gha yaahtı eyıts'ǫ naxıts'àdı ha weahkè. Eyıt'à hotıì kexoahdı eyıts'ǫ t'aats'ǫǫ̀ Nǫ̀htsı̨ wets'ǫ dǫ hazǫǫ̀ gha yaahtı.

Colosse 2:7

Wexè ı̨łè zǫ laaht'e eyıts'ǫ wet'à naxınì nàtsoò aahłe welè. Ayìı hoghànaxeètǫ k'ę̀ę̀ eghàlaahda, wet'à naxınì nàwetso, eyıts'ǫ t'aats'ǫǫ̀ naxıdzeè t'à masì dahwhǫ.

1 Thessalonıca 5:11

Eyıt'à nezı̨į̀ ełets'ǫ̀ goahde xè ełınì nàtsoò aahłe, hòt'a haaht'ı̨ lanì.

1 Tımothy 1:4

Ekìı godı hòèlı̨ı̨ t'à eyıts'ǫ gòet'ı̨ gıızì łǫ dek'eèhtł'è hanıı t'à dǫ hoghàgıahtǫ-le, gìı̨dı. Eyı hanıı ts'ıhɂǫ̀ dǫ ełets'ǫ̀ nàyagehtı t'à Nǫ̀htsı̨ wılaà k'ę̀ę̀ dǫ hoghàgeetǫ-le; gogha ehkw'ı-ahodıı zǫ t'à Nǫ̀htsı̨ wılaà ghàlats'eeda hǫt'e.

2 Tımothy 1:5

Dànì nınì ehkw'ıı t'à negha ehkw'ı-ahodıı sìı wenahdì. Netsı̨ Loıs eyıts'ǫ nemǫ Eunıce dànì Nǫ̀htsı̨ gha gınì nàtso ı̨lè lanì, nı̨ sı hanì nınì nàtso hǫt'e wek'èehsǫ.

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

James 2:22

Wegha ehkw'ı-ahodı xè yek'ę̀ę̀ eghàlaı̨dàa sìı ełexè at'ı̨ hǫt'e. Yek'ę̀ę̀ eghàlaı̨dà t'à wegha ehkw'ı-ahodıı sìı deghàà ajà hǫt'e.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

1 John 5:4

Amìı Nǫ̀htsı̨ gots'ǫ wegǫ̀hłı̨ı̨ sìı dıı nèè ts'ǫ nàowołı̨ı̨ nahk'e elı̨ hǫt'e. Gogha ehkw'ı-ahodıı t'à, dıı nèè ts'ǫ nàowołı̨ı̨ ghǫts'eèhnǫ hǫt'e.

Jude 1:3

Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.