Jude 1:12 - Nǫ̀htsı̨ Nı̨htł'è

¹² Eyı dǫ naxıxè ełeghǫnets'eètǫǫ gha nàsı̨ ghǫ shègezhe nı̨dè naxıta t'asìı ı̨hjı lagı̨ı̨t'e, eyıts'ǫ edeghǫ į̀į̀zhagı̨ı̨lı̨į̀ honàedı-le, sahzǫ̀ą-k'èdìı-dǫǫ̀ ededı̨ zǫ edewà-geedı lagı̨ı̨t'e. Chǫhk'oò wets'ǫ chǫh whìle, ekìı nı̨hts'ı k'eyehts'ıı lagı̨ı̨t'e. Xat'ǫ̀ jìechı̨į̀ wek'e jìe whìle xè wexochı̨į̀ xàts'ı̨ı̨hdla t'à nàekeè ełaı̨wo, eyı lagı̨ı̨t'e.

Jude 1:12 ပူးပေါင်းရင်းမြစ်များ

Matthew 13:6

Sadeè nàtso t'à weɂı̨t'ǫ̀ą whegǫ xè ełaı̨dè. Weghochı̨į̀ nedè-le t'à whegǫǫ̀ ajà.

Matthew 15:13

Zezì gots'ǫ̀ hadı, “Setà yak'e whedaa sìı ts'ı hazǫǫ̀ dehsheè ayį̀į̀là-le sìı dèè goyìı ts'ǫ weghochı̨į̀ xè xàgehdlà ha.

Mark 4:6

Sadeè sıì nàtso t'à weɂı̨t'ǫ̀ą whegǫǫ̀ xè ełaı̨dè. Weghochı̨į̀ nedè-le t'à whegǫǫ̀ ajà.

Luke 12:45

Ekò edahxǫ eyı dǫ edets'ǫ̀ dıı hadı, ‘Sets'ǫ̀ k'àowo whaà nı̨dè jǫ nǫ̀ǫtła ha ne,’ hadı t'à k'àowo wecheekeè dagǫ̀ǫhɂa eyıts'ǫ shètı̨ xè yedǫ zǫ k'alawo.

Luke 16:19

Zezì dǫ xè godo, hadı, “Įłàà dǫ ahxee ı̨łè, dzę taàt'eè goht'ǫ wèdaat'ı̨ı̨ yìı wheda xè hoı̨zı̨ zǫ nàde ı̨lè.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

Luke 8:6

Wet'à t'asìı dehshee mǫ̀hdaa kwe ta nàı̨tł'ı. Xànı̨ı̨shǫ ekò tı whìle t'à whegǫǫ̀ ajà.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

1 Tımothy 5:6

Hanìkò ts'èko gıdǫǫ̀ ełaı̨dèe sìı sìgoèt'ı̨ı̨ zǫ gı̨ı̨wǫ nı̨dè, ı̨łaà geeda et'ıì dǫ ełaı̨dèe lagı̨ı̨t'e.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

James 5:5

Dıı nèk'e dǫ ahxee k'ę̀ę̀ aahda, eyıts'ǫ t'asìı hazǫǫ̀ edegha zǫ wet'à-aaht'ı̨. Tıts'aàdìı ełaàgıìhwhıı gha łek'à agehɂı̨ lanì gosınìyaetıı dzęę̀ gha dǫ ahxee edèwhahtsı̨.