John Wenazhıı 9:2 - Nǫ̀htsı̨ Nı̨htł'è

² Eyı dèè goyìı gǫǫ̀ɂàa sìı yets'ǫdaà xàechì ekò weyìı gots'ǫ ło łǫ xàı̨t'ı lanì, kǫ̀ nàtsoo dèk'ǫ̀ǫ gots'ǫ lanì. Ło łǫ xàekw'e t'à sadeè eyıts'ǫ yat'a goèhzǫǫ̀ agòjà.

John Wenazhıı 9:2 ပူးပေါင်းရင်းမြစ်များ

Dànì Kèhoį̀wo 15:17

Sa nàı̨ɂǫ xè to agòjà ekò kwetǫ weyìı kǫ̀ dèk'ǫ̀ǫ xè weyìı ło deekw'e eyıts'ǫ dechı̨ welǫ dèk'ǫ̀ǫ wègoèht'į̀. Eyı tıts'aàdìıkwǫ̀ tàet'aa ełegà whelaa sìı wege tanı ts'ǫ̀ ajà.

Dànì Kèhoį̀wo 19:28

Kǫ̀godeè Sodom eyıts'ǫ Gomorah, eyıts'ǫ dèe goı̨tłoa hazǫǫ̀ ts'ǫ̀ k'eet'į̀ là, dèè gots'ǫ ło dezǫǫ ı̨dòo deekw'e, kǫ̀ nàtsoo gots'ǫ ło deekw'e lanì wègaat'ı̨.

Zezì Wecheekeèdeè 2:19

Įdòo yat'a enıìyah hohtsı̨ ha eyıts'ǫ dèè gok'e enıìyah nàhòwoò ahłe ha. Edoò łǫ nı̨ı̨lı̨ ha, kǫ̀ nàtsoo xè ło łǫ agode ha.

John Wenazhıı 14:11

Hanıı dǫ gık'eek'ǫ̀ gots'ǫ ło welǫ whìle ts'ǫ̀ ı̨dòo deekw'e ha. Amìı eyı tıts'aàdìı nechàa ts'ǫ̀ eyıts'ǫ kwe wek'ę̀ę̀ wègaat'ı̨ı̨ ts'ǫ̀ yagehtıı eyıts'ǫ wıızì gık'e aatł'èe sìı ts'èwhı̨į̀ hòɂǫ hǫı̨lı̨ ha-le.”

John Wenazhıı 16:10

Yak'eet'ı̨į̀ sı̨làı t'à whedaa sìı edets'ǫ kw'àyį̀ą tıts'aàdìı nechàa wedaèhchı̨cho k'e nałayeèhtł'ı. Tıts'aàdìı nechàa wenèk'e hǫtsaa gıxè togoòtł'ò agòjà. Dǫ sıì dagı̨ı̨ɂà t'à edewalıì k'ètsǫgìɂà

John Wenazhıı 8:12

Yak'eet'ı̨į̀ dı̨ t'à whedaa sìı edets'ǫ dechı̨shì yeèhdı. Sadeè, adzęzah, eyıts'ǫ whǫ̀ hazǫǫ̀ tanı k'aɂį̀ı̨ ts'ǫ̀ gıxèɂeèhdı t'à tanı k'aɂį̀ı̨ ts'ǫ̀ gıxè togoòtł'ò agòjà. Dzę eyıts'ǫ to dı̨ sadzeè haı̨wa ts'ǫ̀ togoòtł'ò agòjà.

John Wenazhıı 9:1

Yak'eet'ı̨į̀ sı̨làı t'à whedaa sìı wets'ǫ dechı̨shì yeèhdı ekò yat'a ts'ǫ dıı nèk'e ts'ǫ̀ whǫ̀ hodàdeèwò wègaat'ı̨. Eyı whǫ̀ sìı ı̨zhıì dèè goyìı gǫǫ̀ɂàa yets'ǫdaà xàede ha ladlì weghǫ̀t'ǫ.

John Wenazhıı 9:11

Gıts'ǫ k'àowo sìı dèè yìı gǫǫ̀ɂàa gots'ǫ yak'eet'ı̨łı̨ı̨ hǫt'e. Eyı yak'eet'ı̨łı̨ı̨ sìı Israel got'ı̨į̀ gıyatıì k'ę̀ę̀ “Abadon” wìyeh eyıts'ǫ Greece got'ı̨į̀ gıyatıì k'ę̀ę̀ “Apollyon” wìyeh (eyı sìı “t'asìı yedıhohtsı̨” gedıì-agedı).

John Wenazhıı 9:17

Tłı̨cho eyıts'ǫ dǫ gık'e dageèhkw'ee sìı dıı hanì senazhıı gìgoèht'į̀: Satsǫ̀ gıdzǫ whelaa sìı kǫ̀ lanì dek'o, dèhtł'è-dezǫǫ xè dekwo-degoo lanì wègaat'ı̨. Tłı̨cho gıkwì sìı goòjìıkwì lanì eyıts'ǫ gıwà gots'ǫ kǫ̀ xè ło, eyıts'ǫ kwe dèk'ǫ̀ǫ xàewì.