John Wenazhıı 7:4 - Nǫ̀htsı̨ Nı̨htł'è

⁴ Eyı tł'axǫǫ̀ dıı hats'edıì hǫt'e, “Dǫ dıı haàtłǫǫ sìı nàgıakwı̨ hǫt'e: Israel got'ı̨į̀ ts'ǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000).

John Wenazhıı 7:4 ပူးပေါင်းရင်းမြစ်များ

Dànì Kèhoį̀wo 15:5

Nǫ̀htsı̨ Abram mǫ̀ht'a nàwo ayı̨į̀là, yets'ǫ̀ hadı, “Įdòo yat'a k'eı̨t'į̀. Negha dìì-le nı̨dè whǫ̀ hazǫǫ̀ ı̨htà,” yèhdı. Eyı tł'axǫǫ̀ hadı, “Nets'ıhɂǫ̀ǫ-dǫǫ̀ hageètłǫǫ̀ agede ha,” yèhdı.

Matthew 19:28

Zezì edecheekeè gots'ǫ̀ hadı, “Ehkw'ı anaxèehsı̨, t'asìı hazǫǫ̀ wegòò anagòjà xè Dǫ-wet'àaɂàa-deè k'àowocho whelı̨ t'à ededaèhchı̨cho k'e wheda nı̨dè naxı̨ sek'èè k'eahdè ı̨lèe sìı daèhchı̨cho hoònǫ-daats'ǫ̀-nàke k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha.

Luke 14:22

“Wecheekeè nǫ̀ǫtła ekò hadı, ‘K'àowo, ayìı dàsį̀ı̨dıı sìı hòt'a hahłà, hanìkò ı̨łaà gòɂǫ,’ yèhdı.

Luke 22:30

K'àowocho whıhłı̨ nı̨dè seladà k'e shèahzhe ha eyıts'ǫ daèhchı̨cho k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha,” gots'ǫ̀ hadı.

Zezì Wecheekeèdeè 26:7

Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı Nǫ̀htsı̨ edeyatıì k'ę̀ę̀ hòɂǫǫ̀ ayele ha sìı gıgha ehkw'ı-ahodı t'à, dzę eyıts'ǫ to Nǫ̀htsı̨ gha hòtł'ò eghàlageeda. K'àowocho Agrıppa, sı̨ sı Nǫ̀htsı̨ dànì edeyatıì k'ę̀ę̀ hòɂǫǫ̀ ayele ha sìı segha ehkw'ı-ahodı t'à Israel got'ı̨į̀ sek'èch'a gogede.

Rome 9:27

Nakwenàoɂǫǫ Isaıah Israel got'ı̨į̀ goghǫ hadıì ezeh ı̨lè: “Israel got'ı̨į̀ sıì łǫ ade ha. Tabàa ewaà dàtłǫǫ sìı eyı laàtłǫǫ̀ agede ha. Łǫ geet'è kò, łǫ-lea zǫ edaxàdè ha.

James 1:1

Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

John Wenazhıı 14:1

K'eeht'į̀ ekò senadąą̀ shìh nechàa Zıon wìyeh k'e sahzǫ̀ą nàwo wègaat'ı̨. Wexè dǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000) nàgeèhza, gıts'abeè k'e sahzǫ̀ą wıızì eyıts'ǫ Wetà wıızì dek'eèhtł'è.

John Wenazhıı 14:3

Daèhchı̨cho wenadąą̀, eyıts'ǫ t'asìı godìı dı̨, ǫhdah naènǫ-daats'ǫ̀-dı̨ gınadąą̀ dǫ łǫ shı̨ wegòò t'à gejı̨. Dǫ wı̨ı̨zìı eyı shı̨ ghàdegeetǫ ha dìì, dǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000) dıı nèè gots'ǫ edaxàgeèlaa sìı ededı̨ zǫ eyı shı̨ k'ègeezǫ.

John Wenazhıı 7:5

Judah got'ı̨į̀ ts'ǫ hoònǫ-daats'ǫ̀-nàke-lemì (12,000), Ruben got'ı̨į̀ ts'ǫ hoònǫ-daats'ǫ̀-nàke-lemì (12,000), Gad got'ı̨į̀ ts'ǫ hoònǫ-daats'ǫ̀-nàke-lemì (12,000),

John Wenazhıı 9:16

Dıı hats'edıı eèhkw'o, “Hazǫǫ̀ t'à eghǫǫ-dǫǫ̀ tłı̨cho k'e dageèhkw'ee sìı nàke-lakw'eènǫ-lemìıyǫǫ̀ hageètłǫ,” hats'edıì hǫt'e.