John Wenazhıı 7:3 - Nǫ̀htsı̨ Nı̨htł'è

³ “Nǫ̀htsı̨ wecheekeè gıts'abeè k'e nàts'eekwį̀ gots'ǫ̀, dèè, tıcho eyıts'ǫ ts'ı tsį̀ahwhı-le,” gòhdı.

John Wenazhıı 7:3 ပူးပေါင်းရင်းမြစ်များ

Matthew 24:22

Eyı hagode ha sìı weghǫnahǫ̀t'eè adlà-le nı̨dè dǫ wı̨ı̨zìı edaxàeda ha nıìle. Hanìkò amìı Nǫ̀htsı̨ gòį̀hchìı sìı gıgha dzę łǫ-lea adle ha.

Matthew 24:31

Dechı̨shì hòtł'ò dedı ekìıyeè k'e nı̨dè, Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha, Nǫ̀htsı̨ dǫ gòį̀hchìı sìı nàgogehtsį̀ ha.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

John 3:33

Amìı ehkw'ı adı yı̨ı̨hwhǫǫ sìı ‘Nǫ̀htsı̨ ehkw'ı hǫt'e,’ hadı hǫt'e.

Rome 6:22

Hanìkò dıì sìı hołı̨ı̨ naxıts'ǫ̀ k'àowo-le ajà, eyıts'ǫ Nǫ̀htsı̨ naxıts'ǫ̀ k'àowoò aahjà. Hanì goxè hòɂǫ nı̨dè degaı ts'ı̨ı̨lı̨į̀ ats'ede ha, eyıts'ǫ welǫ whìle ts'ǫ̀ ts'eedaà agole ha.

John Wenazhıı 13:16

Dǫ hazǫǫ̀ nàgòts'ehnèe gılà k'e hanì-le-ı̨dè gıts'abeè k'e t'asìı dek'eèhtł'è ha agǫ̀ǫ̀là. Dǫ wet'àaɂàa, dǫ wet'àaɂà-le, dǫ ahxee, dǫ-teèt'ı̨ı̨, dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le, hazǫǫ̀ t'asìı gık'e dek'eèhtł'è ha agǫ̀ǫ̀là.

John Wenazhıı 13:17

Eyı tıcho yìı gots'ǫ tıts'aàdìı nechàa wekwì łǫ̀hdı̨ wıızì hanì-le-ı̨dè wets'ǫ ıtàa gık'e dek'eèhtł'è lenǫsıı dǫ wı̨ı̨zìı t'asìı nàehdì ha dìì, eyıts'ǫ t'asìı gıghǫ nàedì ha dìì.

John Wenazhıı 14:1

K'eeht'į̀ ekò senadąą̀ shìh nechàa Zıon wìyeh k'e sahzǫ̀ą nàwo wègaat'ı̨. Wexè dǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000) nàgeèhza, gıts'abeè k'e sahzǫ̀ą wıızì eyıts'ǫ Wetà wıızì dek'eèhtł'è.

John Wenazhıı 14:9

Eyı tł'axǫǫ̀ k'achı̨ yak'eet'ı̨į̀ ı̨łè wègoèht'į̀, hòtł'ò dıı hadı: “Amìı eyı tıts'aàdìı nechàa eyıts'ǫ kwe t'à wek'ę̀ę̀ wègaat'ı̨ı̨ ts'ǫ̀ yahtı eyıts'ǫ amìı wets'abeè k'e hanì-le-ı̨dè wılà k'e wıızì aatł'èe sìı

John Wenazhıı 19:2

Dànì dǫ sınìyaehtıı sìı ehkw'ı hǫt'e. Eyı ts'èkojıı dıı nèk'e dǫ xè hołı̨ı̨ k'ę̀ę̀ eghàlaı̨dàa sìı yesınìyaı̨htı hǫt'e. Nǫ̀htsı̨ wecheekeè ełaàgòı̨hdè k'èxa Nǫ̀htsı̨ nàyı̨ı̨hkwa hǫt'e,” hagedı.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 22:4

Nǫ̀htsı̨ wınì geɂį̀ ha eyıts'ǫ gıts'abeè k'e wıızì dek'eèhtł'è ha.

John Wenazhıı 6:6

Eyı t'asìı dı̨ godìı sìı gıta ts'ǫ dıı hats'edıì hǫt'e, “Łè denahk'e dètì ha; łè nàke aı̨hda elı̨ı̨ sìı ı̨łè dzęę̀ gots'àɂeedì xètłǫ elı̨ ha, eyıts'ǫ łè eładı̨ı̨ xàɂaa ek'èta aı̨hdaa elı̨ı̨ sìı ı̨łè dzęę̀ gots'àɂeedì xètłǫ elı̨ ha. Hanìkò tłeh eyıts'ǫ jìetì sı wedıhoı̨htsı̨-le!” hats'edıì hǫt'e.

John Wenazhıı 7:1

Eyı tł'axǫǫ̀ yak'eet'ı̨į̀ dı̨ dıı nèk'e wedzıì dı̨ gòlaa gà nàgeèhza gìgoèht'į̀. Dèè gok'e, tı k'e eyıts'ǫ ts'ı ta nı̨hts'ı ade ha-le t'à nı̨hts'ı ı̨dè ts'ǫ̀ gıtǫ̀.

John Wenazhıı 7:2

Eyı tł'axǫǫ̀ sa kàɂàa gots'ǫ yak'eet'ı̨į̀ eyıì-le naetłe wègoèht'į̀. Eyı yak'eet'ı̨į̀ sìı Nǫ̀htsı̨ Edaa wets'ǫ enı̨htł'è k'e nàts'eekwį̀ı̨ k'eɂa. Yak'eet'ı̨į̀ dı̨ tı eyıts'ǫ dèè tsį̀gehwhı ha gıghàhòt'ǫǫ sìı gots'ǫ̀ hòtł'ò naìdzeh hadı,

John Wenazhıı 9:4

Yatı gıghǫ̀t'ǫǫ hagìts'edı, “Dıı nèk'e tł'oh, ı̨t'ǫ̀ą xàɂaa eyıts'ǫ ts'ı wı̨ı̨zìı wedıhoahtsı̨ ha-le. Hanìkò amìı Nǫ̀htsı̨ nı̨htł'è gıts'abeè k'e nàekwı̨-le sìı eyı zǫ dagı̨ı̨ɂaà agıahłe ha,” gìts'edı.