John Wenazhıı 7:2 - Nǫ̀htsı̨ Nı̨htł'è

² Eyı tł'axǫǫ̀ sa kàɂàa gots'ǫ yak'eet'ı̨į̀ eyıì-le naetłe wègoèht'į̀. Eyı yak'eet'ı̨į̀ sìı Nǫ̀htsı̨ Edaa wets'ǫ enı̨htł'è k'e nàts'eekwį̀ı̨ k'eɂa. Yak'eet'ı̨į̀ dı̨ tı eyıts'ǫ dèè tsį̀gehwhı ha gıghàhòt'ǫǫ sìı gots'ǫ̀ hòtł'ò naìdzeh hadı,

John Wenazhıı 7:2 ပူးပေါင်းရင်းမြစ်များ

Matthew 16:16

Sımon-Peter Zezì ts'ǫ̀ hadı, “Nı̨ sìı Chrıst anet'e. Nı̨ sìı Nǫ̀htsı̨ edaa weza anet'e,” yèhdı.

Matthew 26:63

Hanìkò Zezì xàyaı̨htı-le. Eyıt'à yahtıı-wet'àaɂàa-deè hayèhdı, “Nǫ̀htsı̨ edaa sìı wıızì dahxà gots'ǫ̀ ehkw'ı goı̨de. Nǫ̀htsı̨ Weza, Chrıst anet'e nı̨dè gots'ǫ̀ haı̨dı,” yèhdı.

John 6:27

Łèt'è tsį̀wı ha sìı gha eghàlaahda-le, hanìkò łèt'è wet'à welǫ whìle ts'ǫ̀ aahda ha sìı gha eghàlaahda. Dǫ-wet'àaɂàa-deè eyı łèt'è naxıghàɂà ha. Ededı̨ sìı Nǫ̀htsı̨-Gotà wınì k'ę̀ę̀ eghàlaeda wek'èedzǫǫ̀ ayı̨į̀là hǫt'e,” hadı.

2 Corınth 1:22

eyıts'ǫ wets'ǫ ats'ı̨ı̨t'e wek'èhoedzǫǫ̀ ayį̀į̀là. Eyıt'à edets'ǫ Įnì Degaı godzeè yìı nàdè ayį̀į̀là, wet'à gogha sǫǫ̀mba nìı̨ɂǫ lanì, eyı weghàà ı̨daà ayìı godawhelaa sìı hotıì goghǫ̀t'à ha wek'èhoedzǫǫ̀ ayį̀į̀là.

Ephesus 1:13

Naxı̨ sı yatı ehkw'ıı ghǫ aàhkw'ǫ eyıts'ǫ godı nezı̨ı̨ wet'à dànì edaxàahdè ha weghǫ aàhkw'ǫ t'à Zezì-Krı wexè ı̨łè laahjà. Naxıgha ehkw'ı-ahodıì aahjà ekò, Nǫ̀htsı̨ Yedàyeh Nezı̨ı̨ goghàyeɂà ha dı ı̨lèe sìı wet'à naxık'e nàekwı̨ lanì hǫt'e, eyı weghàà Zezì-Krı wets'ǫ aaht'e naxık'èhoedzǫ.

Ephesus 4:30

Eyıts'ǫ Nǫ̀htsı̨ wets'ǫ Įnì Degaı sìı wedzeè nànııtì aweahłe-le. Ededı̨ sìı weghàà Nǫ̀htsı̨ wets'ǫ dǫ aaht'e eyıts'ǫ nǫǫde dzęę̀ k'e edaxànaxeetè gha naxık'èhoedzǫ hǫt'e.

1 Thessalonıca 1:9

Dànì naxıkǫ̀ gots'ǫ̀ enìxàı̨tǫǫ̀ aahłàa sìı ghǫ nezı̨į̀ xàyagı̨ı̨htı. Naxıghǫ gots'ǫ̀ dıı hagedı: Nǫ̀htsı̨ą hòèlı̨ı̨ ts'ǫ̀ yaahtı-le aahjà, eyıts'ǫ Nǫ̀htsı̨ edaa xè ehkw'ı hǫt'e sìı wets'ǫ̀ naahɂa xè ededı̨ zǫ wegha eghàlaahdaà aahjà, naxègedı.

2 Tımothy 2:19

Hanìkò Nǫ̀htsı̨ wenàowoò sìı yìetł'aà nàtsoo whetǫ lanì hǫt'e. Wek'e dıı hanì dek'eèhtł'è: “Gots'ǫ̀ K'àowo amìı wets'ǫ agı̨ı̨t'ee sìı gok'èezǫ hǫt'e,” dek'eèhtł'è. Eyıts'ǫ dıı hanì dek'eèhtł'è: “Amìı gots'ǫ̀ K'àowo wegha ehkw'ı-ahodıı sìı hołı̨ı̨ nàowoò wedę ayele ha hǫt'e,” dek'eèhtł'è.

Hebrew 12:22

Ekò naxı̨ sìı shìh Zıon wìyeh ghǫ nìahde hǫt'e. Nǫ̀htsı̨ edaa sìı wets'ǫ kǫ̀godeè Jerusalem yak'e gòɂǫǫ sìı ghǫ nìahde hǫt'e. Ekǫ yak'eet'ı̨į̀ łǫ-t'à-łǫ gınà xè łą̀ą ełègehdè.

John Wenazhıı 1:3

Dıı godı ı̨daà dàgode ha sìı weghǫ hǫt'e. Amìı dıı godıì k'eyahtıı sìı wexè sìghà hǫt'e. Eyıts'ǫ amìı yıìkw'o xè wegha ehkw'ı-ahodıı sìı wexè sìghà hǫt'e. Įdaà dàgode ha sìı hòt'a wets'ǫ̀ hawe hǫt'e.

John Wenazhıı 10:1

Eyı tł'axǫǫ̀ k'achı̨ yak'e gots'ǫ yak'eet'ı̨į̀ nàtsoo hodàèhtła weehɂı̨. K'oh wemoèhdo eyıts'ǫ k'àlemį̀į̀ wekwì godo nawhet'ıì wègaat'ı̨. Wınì sa lanì wek'e saı̨dı̨ eyıts'ǫ wedzaà kǫ̀ dèk'ǫ̀ǫ nàı̨ɂa lanì.

John Wenazhıı 10:4

Eezhıı łǫ̀hdı̨ goı̨de kò ayìı dàgedıı sìı dek'enèehtł'è ha dehwhǫ ı̨lè, hanìkò yak'e gots'ǫ sets'ǫ̀ hats'edıì hǫt'e, “Eyı eezhıı łǫ̀hdı̨ dàgedıı sìı dǫ wı̨ı̨zìı ts'ǫ̀ haı̨dı-le eyıts'ǫ dek'enìı̨tł'è-le,” hasèts'edıì hǫt'e.

John Wenazhıı 16:12

Eyı tł'axǫǫ̀ yak'eet'ı̨į̀ ek'ètaı t'à whedaa sìı edets'ǫ kw'àyį̀ą dehcho Euphrates gòyeh k'e nałayeèhtł'ı. Hǫtsaa tı hazǫǫ̀ whìle ajà xè dèè whegǫ. Dıı hagòjàa sìı sa kàɂàa nèk'e gots'ǫ k'àowocho nìgıdè ha gıdasınìhòt'ǫ hǫt'e.

John Wenazhıı 5:2

Yak'eet'ı̨į̀ nàtsoo ı̨łè hòtł'ò dıı hadı, “Amìı eyı enı̨htł'èyeè łǫ̀hdı̨ ts'ǫ̀ wedaàdzeh sìı yets'ǫdaà xàehdlà ha edegha hoèhnǫ?” hadı.

John Wenazhıı 8:3

Yak'eet'ı̨į̀ eyıì-le ı̨łè sǫǫ̀mbaekwo kw'àyį̀ą k'ehtı̨ xè sǫǫ̀mbaekwo ladà ts'ǫ̀ èhtła. Dzèh-łekǫǫ dèk'ǫ̀ǫ łǫ kw'àyį̀ą yìı adlà. Eyı sìı Nǫ̀htsı̨ wets'ǫ dǫ degaı ayìı gha yagehtıı sìı wexè sǫǫ̀mbaekwo ladà k'e Nǫ̀htsı̨ ts'ǫ̀ yek'eehk'ǫ̀. Eyı ladà daèhchı̨cho wenadąą̀ wheɂǫ hǫt'e.

John Wenazhıı 9:14

Eyı yak'eet'ı̨į̀ ek'ètaı t'à whedaa wets'ǫ̀ dıı hats'edıì hǫt'e, “Yak'eet'ı̨į̀ dı̨ dehcho Euphrates gà dageetł'ı̨ı̨ sìı dagı̨ı̨ge,” wèts'edıì hǫt'e.

John Wenazhıı 9:4

Yatı gıghǫ̀t'ǫǫ hagìts'edı, “Dıı nèk'e tł'oh, ı̨t'ǫ̀ą xàɂaa eyıts'ǫ ts'ı wı̨ı̨zìı wedıhoahtsı̨ ha-le. Hanìkò amìı Nǫ̀htsı̨ nı̨htł'è gıts'abeè k'e nàekwı̨-le sìı eyı zǫ dagı̨ı̨ɂaà agıahłe ha,” gìts'edı.