John Wenazhıı 7:16 - Nǫ̀htsı̨ Nı̨htł'è

¹⁶ Welǫ whìle ts'ǫ̀ degeèhdì ha-le eyıts'ǫ tı sı ghageewı ha-le. Sadeè nàtsoo gık'e ade ha-le, eyıts'ǫ sıì edı t'à dagı̨ı̨ɂa ha-le.

John Wenazhıı 7:16 ပူးပေါင်းရင်းမြစ်များ

Matthew 13:21

Hanìkò weghochı̨į̀ whìle t'à whaà-lea ts'ǫ̀ zǫ yek'ę̀ę̀ eda. Nǫ̀htsı̨ yatıì ts'ıhɂǫ̀ wegha hoìla xè daı̨ɂa nı̨dè ekòet'ıì wedę ayehɂį̀.

Matthew 13:6

Sadeè nàtso t'à weɂı̨t'ǫ̀ą whegǫ xè ełaı̨dè. Weghochı̨į̀ nedè-le t'à whegǫǫ̀ ajà.

Matthew 5:6

Amìı nàowo ehkw'ıı ghǫ sıì hòtł'ò agı̨ı̨wǫǫ sìı gıxè sìghà hǫt'e; ayìı gı̨ı̨wǫǫ sìı gıghǫ̀t'à ha.

Mark 4:17

Hanìkò gıghochı̨į̀ whìle t'à whaà-lea ts'ǫ̀ zǫ gık'ę̀ę̀ eda. Nǫ̀htsı̨ yatıì ts'ıhɂǫ̀ gıgha hoìla xè dagı̨ı̨ɂa nı̨dè ekòet'ıì wedę agehɂį̀.

Mark 4:6

Sadeè sıì nàtso t'à weɂı̨t'ǫ̀ą whegǫǫ̀ xè ełaı̨dè. Weghochı̨į̀ nedè-le t'à whegǫǫ̀ ajà.

Luke 1:53

Dǫ degeèhdìı sìı nezı̨į̀ shègezheè agohɂı̨, hanìkò dǫ ahxee sìı t'asìı dę nagoèhɂà.

Luke 6:21

Dıì deahdì nı̨dè naxıxè sìghà hǫt'e; nezı̨į̀ shèahzhe ha. Dıì aahtse nı̨dè naxıxè sìghà hǫt'e; nàɂaahdlò ha.

John 4:14

Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.

James 1:11

Sadeè nàtsoo wexèıdı nı̨dè eyı ı̨t'ǫ̀chàa sìı egǫ xè weɂı̨t'ǫ̀ą nàtł'ì, eyıts'ǫ wèdaat'ı̨-le at'į̀. Dǫ ahxee eyı lanì hǫt'e, ı̨łaà edılaà ghàlaeda et'ıì wewhìle ade ha.

John Wenazhıı 21:4

Gonatì hazǫǫ̀ deedı ha. K'achı̨ dǫ ełaàde ha-le, gıdzeè nànııtì ha-le, getse ha-le eyıts'ǫ gıkwǫ̀ eya ha-le, ı̨nę̀ę dànì hòı̨ɂàa sìı hagǫ̀ht'e-le agòjà ne t'à,” hats'edıì hǫt'e.