John Wenazhıı 7:15 - Nǫ̀htsı̨ Nı̨htł'è

¹⁵ Eyıt'à, Nǫ̀htsı̨ wedaèhchı̨cho nadąą̀ nàgeèhza hǫt'e. Dzęę̀, toò, Nǫ̀htsı̨kǫ̀-gocho goyìı gıgha eghàlaeda. Eyı daèhchı̨cho k'e whedaa sìı edets'ǫ nı̨hbàa gok'e ayele ha.

John Wenazhıı 7:15 ပူးပေါင်းရင်းမြစ်များ

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

1 Corınth 3:16

Naxı̨ sìı Nǫ̀htsı̨ wekǫ̀ laaht'e, eyıts'ǫ Nǫ̀htsı̨ wets'ǫ Įnì Degaı naxıdzeè yìı nàdè hǫt'e wek'èahsǫ-le nì?

2 Corınth 6:16

Nǫ̀htsı̨kǫ̀-gocho eyıts'ǫ nǫ̀htsı̨ hòèlı̨ı̨ wets'ǫ yahtıı-kǫ̀ sìı ełek'ę̀ę̀ agı̨ı̨wǫ nıìle. Goxı̨ sìı Nǫ̀htsı̨ edaa wekǫ̀ lats'ı̨ı̨t'e hǫt'e. Nǫ̀htsı̨ dıı hadı ı̨lè, “Gıdzeè yìı nàhdè ha eyıts'ǫ gıta aht'e ha, Gınǫ̀htsı̨ ehłı̨ ha, eyıts'ǫ sets'ǫ dǫ gı̨ı̨lı̨ ha.”

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 8:1

Ayìı awèts'edıı sìı dıı awèts'edı: Yahtıı-wet'àaɂàa-deè deghàà degaı elı̨ gots'ǫ hǫt'e, eyı sìı yak'e Nǫ̀htsı̨ wexè enıìyah hòɂǫǫ gà nàgòts'ehnèe wheda,

John Wenazhıı 11:19

Eyı tł'axǫǫ̀ yak'e ts'ǫ Nǫ̀htsı̨kǫ̀-gocho enìxàetǫ. Nǫ̀htsı̨kǫ̀-gocho goyìı nakenahòdlı̨ı̨ gha sǫǫ̀mbaekwo-ladzè wègoèht'į̀. Hǫtsaa eezhı xè kǫ̀ naìtł'ı̨, dèè hòtł'ò nàèhdǫ xè ı̨hlı łǫ hodàètł'ı.

John Wenazhıı 13:6

Nǫ̀htsı̨ ededı̨, Nǫ̀htsı̨ nàdèe k'è, eyıts'ǫ hazǫǫ̀ yak'e nàgedèe sìı k'èch'a xàyaı̨htı.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 21:22

Eyı kǫ̀godeè gonı Nǫ̀htsı̨kǫ̀-gocho wègaat'ı̨-le, Gonǫ̀htsı̨ t'asìı wegha dìì-le sìı eyıts'ǫ Sahzǫ̀ą gogha Nǫ̀htsı̨kǫ̀-gocho lagı̨ı̨t'e t'à.

John Wenazhıı 22:3

Ekǫ dǫ wı̨ı̨zìı daı̨ɂa gha wesınìyaetı ha nıìle. Nǫ̀htsı̨ eyıts'ǫ Sahzǫ̀ą gıdaèhchı̨cho eyı kǫ̀godeè wheɂǫ ha eyıts'ǫ wecheekeè gıgha eghàlaeda ha.

John Wenazhıı 22:5

To agode ha nıìle. Nǫ̀htsı̨ ededı̨ sìı gok'e daaɂa ha ne t'à, dǫ wı̨ı̨zìı ek'aèk'ǫ nıwǫ ha nıìle eyıts'ǫ dǫ wı̨ı̨zìı sadeè nıwǫ ha nıìle. Eyıts'ǫ welǫ whìle ts'ǫ̀ k'àowo gı̨ı̨lı̨ ha.

John Wenazhıı 4:4

Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.

John Wenazhıı 4:8

Eyı t'asìı dı̨ godìı sìı gı̨ı̨ts'ǫǫ̀ ek'ètaı gǫ̀hłı̨ eyıts'ǫ hazǫǫ̀ ts'ǫ̀ gıdaà gık'e whela, gı̨ı̨ts'ǫǫ̀ wetł'a kò gıdaà whela. Dzęę̀, toò ehk'ę̀ę̀ dıı hagedı: “Gots'ǫ̀ K'àowo t'asìı wegha dìì-le sìı degaı, degaı, degaı zǫ hǫt'e. Nǫ̀htsı̨ hǫt'e; whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha hǫt'e,” t'aats'ǫǫ̀ hagedı.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,

John Wenazhıı 7:9

Eyı tł'axǫǫ̀ senadąą̀ dǫ łǫ t'à łǫ gìgoèht'į̀. Dǫ sıì łǫ t'à dǫ wı̨ı̨zìı goıhtà ha dìì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gots'ǫ dǫ agı̨ı̨t'e. Daèhchı̨cho eyıts'ǫ eyı Sahzǫ̀ą nadąą̀ nàgeèhza. ʔeh degoo nedèe yìı geèhkw'e eyıts'ǫ ɂorı dagıale.