John Wenazhıı 6:4 - Nǫ̀htsı̨ Nı̨htł'è

⁴ K'achı̨ tłı̨cho ı̨łè dek'o lanıı wègoèht'į̀. Eyı tłı̨cho t'à-at'ı̨ı̨ sìı dıı nèk'e ts'èwhı̨į̀ hòɂǫ-le ayele ha eyıts'ǫ dǫ ełaàłìdeè ayele ha weghàhòt'ǫ. Eyı gha behcho nechàa weghǫ̀t'ǫ.

John Wenazhıı 6:4 ပူးပေါင်းရင်းမြစ်များ

Matthew 10:34

“Dıı nèk'e ts'èwhı̨į̀ agohłe gha jǫ ts'ǫ̀ ahjà dahwhǫ-le. Ts'èwhı̨į̀ hòɂǫ gha jǫ ahjà nıìle; dǫ ełek'èch'a geeda gha jǫ ts'ǫ̀ ahjà hǫt'e.

Matthew 24:6

Ełegegǫ ghǫ aàhkw'o ha, hanìkò weghǫ dahjı̨-le. T'akwełǫ̀ǫ̀ eyı hazǫǫ̀ hagode ha hǫt'e, hanìkò ekòet'ıì nǫǫde dzęę̀ k'e nèhòkw'ı ha nıìle.

John 19:11

Zezì yets'ǫ̀ hadı, “Įdòo gots'ǫ neghàhòt'ǫ lenǫsıı nets'ǫ̀ hoèlı̨ nıìle. Eyıt'à dǫ netł'aàsegį̀ı̨htı̨ı̨ sìı nenahk'e hołı̨ı̨ hogèhtsı̨ hǫt'e,” yèhdı.

John Wenazhıı 12:3

Eyı tł'axǫǫ̀ k'achı̨ t'asìı enıìyah yak'e wègoèht'į̀: tıts'aàdìıcho dek'oo wekwì łǫ̀hdı̨ wek'e whela eyıts'ǫ sǫǫ̀mbaekwo kwìt'ıì łǫ̀hdı̨ wekwì k'e whela wègoèht'į̀.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.

John Wenazhıı 17:3

Eyı tł'axǫǫ̀ Yedàyeh Nezı̨ı̨ wedahxà yak'eet'ı̨į̀ ekìı-ka nèk'e ts'ǫ̀ naseèhtı̨. Ekǫ ts'èko tıts'aàdìı nechàa k'e wheda wègaat'ı̨. Eyı tıts'aàdìı nechàa sìı wek'aàtsı̨į̀ dek'o-dezǫ hǫt'e, Nǫ̀htsı̨ k'èch'a wıızìłı̨ı̨ łǫ gǫ̀hłı̨ı̨ sìı hazǫǫ̀ wedzıìwı k'e aatł'è, eyıts'ǫ wekwì łǫ̀hdı̨ gǫ̀hłı̨ xè edè hoònǫ wek'e whela.

John Wenazhıı 17:6

Eyı ts'èko sìı Nǫ̀htsı̨ wets'ǫ dǫ godoò edǫ t'à yeèhde wègaat'ı̨. Nǫ̀htsı̨ wets'ǫ dǫ Zezì gıgha ehkw'ı adı t'à dagı̨ı̨ɂa hǫt'e. Eyı ts'èko weehɂı̨ ekò sıì segha enıìyah dìì.