John Wenazhıı 6:12 - Nǫ̀htsı̨ Nı̨htł'è

¹² Eyı tł'axǫǫ̀ sahzǫ̀ą weghàehda kò enı̨htł'èyeè wets'ǫdaàdzeh ek'ètaı t'à wheɂǫǫ sìı nàyı̨ı̨zhì. Hǫtsaa dèè hòtł'ò nàgoèhdǫ. Sa dezǫǫ̀ ajà, eyıts'ǫ adzęzah edoò lajà,

John Wenazhıı 6:12 ပူးပေါင်းရင်းမြစ်များ

Matthew 11:21

Zezì hadı, “Kǫ̀ta Korazın, naxıgha hoìla nechà ha! Kǫ̀ta Bethsaıda, naxıgha hoìla nechà ha! Naxıkǫ̀ta enıìyah eghàlaıhdàa sìı kǫ̀ta Tyre got'ı̨į̀ eyıts'ǫ Sıdon got'ı̨į̀ gıxè hanàhòwo nı̨dè whaà edek'egı̨ı̨lı̨ ha ı̨lè, dǫhshǫ̀ǫ goht'ǫǫ̀ t'à-aget'ı̨ xè łèbè ta geèhkw'e ha ı̨lè.

Matthew 24:29

“Hanì dǫ gıxè hoìla tł'axǫǫ̀-t'ıì sa daaɂa-le agode ha, adzęzah xè togoòtł'ò agode ha, eyıts'ǫ whǫ̀ hazǫǫ̀ hodàetł'ì xè yat'a hòtł'ò nàgoìdà ha.

Matthew 24:7

Dıı nèk'e dǫ hazǫǫ̀ xàɂaa ełegegǫ ha. Hazǫǫ̀ gots'ǫ̀ bò whìle agode ha eyıts'ǫ dèè hòtł'ò nàgoìdà ha.

Matthew 27:45

Dzętanı nìı̨ɂǫ ekò taı sadzeè ts'ǫ̀ eyı nèk'e hazǫǫ̀ ts'ǫ̀ togoòtł'ò agòjà.

Matthew 27:54

Eghǫǫ-dǫǫ̀ gha k'àowo eyıts'ǫ eghǫǫ-dǫǫ̀ Zezì xogııhdı ı̨lèe sìı dèè nàgoèhdǫ eyıts'ǫ hazǫǫ̀ gıdaà hagòjà ekò, sıì geèhyeh, hagedı, “Ehkw'ı t'à Nǫ̀htsı̨ Weza hǫt'e!” gedı.

Matthew 28:2

Hǫtsaa dèè hòtł'ò nàgoèhdǫ. Gots'ǫ̀ K'àowo weyak'eet'ı̨į̀ yak'e gots'ǫ kwe yìı gòɂǫǫ ts'ǫ̀ hodàèhtła, kwe nechàa enìı̨ɂǫǫ sìı yı̨ı̨ɂǫ̀ǫ̀ deyeèyı̨ gà yeka wheda.

Mark 15:33

Dzętanı nìı̨ɂǫ ekò taı sadzeè ts'ǫ̀ eyı nèk'e hazǫǫ̀ ts'ǫ̀ togoòtł'ò agòjà.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.

John Wenazhıı 16:18

Ekòet'ıì kǫ̀ naìtł'ı̨, hòtł'ò eezhıı eyıts'ǫ dèè hòtł'ò nàèhdǫ. Dıı nèk'e dǫ ajà gots'ǫ haį̀tł'ò dèè nagoèhdǫ whìle.

John Wenazhıı 16:8

Yak'eet'ı̨į̀ dı̨ t'à whedaa sìı edets'ǫ kw'àyį̀ą sa k'e nałayeèhtł'ı. Sa wekǫ̀ nàtsoo t'à dǫ k'eek'ǫ̀ ha, hanì weghàhòt'ǫ hǫt'e.

John Wenazhıı 8:12

Yak'eet'ı̨į̀ dı̨ t'à whedaa sìı edets'ǫ dechı̨shì yeèhdı. Sadeè, adzęzah, eyıts'ǫ whǫ̀ hazǫǫ̀ tanı k'aɂį̀ı̨ ts'ǫ̀ gıxèɂeèhdı t'à tanı k'aɂį̀ı̨ ts'ǫ̀ gıxè togoòtł'ò agòjà. Dzę eyıts'ǫ to dı̨ sadzeè haı̨wa ts'ǫ̀ togoòtł'ò agòjà.

John Wenazhıı 8:5

Eyı tł'axǫǫ̀ yak'eet'ı̨į̀ eyı sǫǫ̀mbaekwo kw'à neyıìchı gà sǫǫ̀mbaekwo ladà k'e gots'ǫ kǫ̀ dèk'ǫ̀ǫ yeyìı ayı̨į̀là, eyıts'ǫ dıı nèk'e ts'ǫ̀ xàyeèhtł'ı. Eyı hayı̨į̀là ts'ıhɂǫ̀ eèzhıı, hòtł'ò agodı, kǫ̀ naìtł'ı̨ eyıts'ǫ dèè hòtł'ò nàèhdǫ.