John Wenazhıı 6:1 - Nǫ̀htsı̨ Nı̨htł'è

¹ Sahzǫ̀ą weghàehda ekò eyı enı̨htł'èyeè łǫ̀hdı̨ ts'ǫ̀ wedaàdzeh t'akwełǫ̀ǫ̀ wheɂǫǫ sìı nàyı̨ı̨zhì. Eyı tł'axǫǫ̀ t'asìı dı̨ godìı sìı ı̨łè eezhıı ladıì xàyaı̨htı, “Jǫ-ı̨tłe,” sèhdı.

John Wenazhıı 6:1 ပူးပေါင်းရင်းမြစ်များ

John 1:29

Ek'èdaedzęę̀ k'e John-Baptıst, Zezì yets'ǫ̀ etłe yaɂı̨ ekò, hadı, “K'eaht'į̀. Nǫ̀htsı̨ wesahzǫ̀ą wet'à dıı nèk'e dǫ gıhołı̨į̀ hazǫǫ̀ nahoezhe ha!

Zezì Wecheekeèdeè 4:20

Ayìı ghàts'ı̨ı̨dàa eyıts'ǫ ayìı weghǫ ts'ıìkw'oo sìı weghǫ gots'ede-le ha dìì,” gedı.

John Wenazhıı 11:19

Eyı tł'axǫǫ̀ yak'e ts'ǫ Nǫ̀htsı̨kǫ̀-gocho enìxàetǫ. Nǫ̀htsı̨kǫ̀-gocho goyìı nakenahòdlı̨ı̨ gha sǫǫ̀mbaekwo-ladzè wègoèht'į̀. Hǫtsaa eezhı xè kǫ̀ naìtł'ı̨, dèè hòtł'ò nàèhdǫ xè ı̨hlı łǫ hodàètł'ı.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 14:2

Eyı tł'axǫǫ̀ yak'e gots'ǫ tı nàı̨lı̨ı̨ lagodı, eyıts'ǫ eezhıı lagodı. Dǫ tł'ık'eetı̨ı̨ t'à sǫnàgedè lagodı eèhkw'o.

John Wenazhıı 19:6

Eyı tł'axǫǫ̀ k'achı̨ yak'e gots'ǫ dǫ łǫ ełexè gezeh lagodı, deh nàtsoo sı lagodı eyıts'ǫ hòtł'ò eezhıı sı lagodı. Gezeh xè dıı hagedı, “Aleluya! Gonǫ̀htsı̨ t'asìı wegha dìì-le sìı ededı̨ zǫ t'asìı hazǫǫ̀ ts'ǫ̀ K'àowo hǫt'e!

John Wenazhıı 4:8

Eyı t'asìı dı̨ godìı sìı gı̨ı̨ts'ǫǫ̀ ek'ètaı gǫ̀hłı̨ eyıts'ǫ hazǫǫ̀ ts'ǫ̀ gıdaà gık'e whela, gı̨ı̨ts'ǫǫ̀ wetł'a kò gıdaà whela. Dzęę̀, toò ehk'ę̀ę̀ dıı hagedı: “Gots'ǫ̀ K'àowo t'asìı wegha dìì-le sìı degaı, degaı, degaı zǫ hǫt'e. Nǫ̀htsı̨ hǫt'e; whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha hǫt'e,” t'aats'ǫǫ̀ hagedı.

John Wenazhıı 5:1

Eyı daèhchı̨cho k'e whedaa sìı nàgòts'ehnèe ts'ǫ enı̨htł'èyeè dayeɂa. Eyı enı̨htł'è į̀ła-ts'ǫ̀ wek'e aatł'èe eyıts'ǫ łǫ̀hdı̨ ts'ǫ̀ wedaàdzeh.

John Wenazhıı 5:12

Hòtł'ò gejı̨, hagedı, “Sahzǫ̀ą ełaı̨wo ı̨lèe sìı nezı̨į̀ weghàhòt'ǫ hǫt'e! Ededı̨ sìı t'asìı hazǫǫ̀ gha K'àowocho welè, t'asìı hazǫǫ̀ weghǫ̀zhe welè, gǫǫzǫǫ̀ weghàhòt'à welè, nàtsoò awedle, eyıts'ǫ enıìyah xè weghàsǫts'eedı welè!” hagedıì gejı̨.

John Wenazhıı 5:8

Sahzǫ̀ą eyı enı̨htł'èyeè neyıìchı tł'axǫǫ̀ t'asìı dı̨ godìı eyıts'ǫ ǫhdah naènǫ-daats'ǫ̀-dı̨ sìı gıts'ǫ̀ nàgògı̨ı̨hgè. Hazǫǫ̀ tł'ık'eetı̨ı̨ lanıı k'egele eyıts'ǫ sǫǫ̀mbaekwo kw'àyį̀ą weyìı dzèh-łekǫǫ dèk'ǫ̀ǫ dagıale. Eyı dzèh-łekǫǫ dèk'ǫ̀ǫ sìı Nǫ̀htsı̨ wets'ǫ dǫ degaı xàyageetı lanì hǫt'e.

John Wenazhıı 6:3

Eyı tł'axǫǫ̀ sahzǫ̀ą eyı enı̨htł'èyeè wedaàdzeh nàke t'à wheɂǫǫ sìı nàyı̨ı̨zhì. K'achı̨ t'asìı dı̨ godìı sìı wets'ǫ ı̨łè hadı, “Jǫ-ı̨tłe,” sèhdı.

John Wenazhıı 6:5

Eyı tł'axǫǫ̀ sahzǫ̀ą enı̨htł'èyeè wedaàdzeh taı t'à wheɂǫǫ sìı nàyı̨ı̨zhì. K'achı̨ t'asìı dı̨ godìı sìı wets'ǫ ı̨łè hadı, “Jǫ-ı̨tłe,” sèhdı. Hǫtsaa senadąą̀ tłı̨cho dezǫǫ wègoèht'į̀! Eyı tłı̨cho t'à-at'ı̨ı̨ sìı wet'à t'asìı wedaeda yàıtǫ̀.

John Wenazhıı 6:7

Eyı tł'axǫǫ̀ sahzǫ̀ą eyı enı̨htł'èyeè wedaàdzeh dı̨ t'à wheɂǫǫ sìı nàyı̨ı̨zhì. K'achı̨ t'asìı dı̨ godìı sìı wets'ǫ ı̨łè hadı, “Jǫ-ı̨tłe,” sèhdı.

John Wenazhıı 8:1

Sahzǫ̀ą eyı enı̨htł'èyeè wedaàdzeh łǫ̀hdı̨ t'à wheɂǫǫ sìı nàyı̨ı̨zhì ekò hazǫǫ̀ yak'e geèhkw'ee sìı tanı sadzeè ts'ǫ̀ gıxè t'asagodı-le agòjà.