John Wenazhıı 5:5 - Nǫ̀htsı̨ Nı̨htł'è

⁵ Eyıt'à ǫhdah naènǫ-daats'ǫ̀-dı̨ gots'ǫ ı̨łè sets'ǫ̀ hadı, “Netse-le. ‘Judah got'ı̨į̀ ts'ǫ goìjìıcho’ wìyeh sìı eyıts'ǫ ‘Davıd wets'ǫ ts'ıghòochı̨į̀’ wìyeh sìı hoèhnǫ hǫt'e. Ededı̨ sìı eyı enı̨htł'èyeè łǫ̀hdı̨ ts'ǫ̀ wedaàdzeh sìı yets'ǫdaà xàehdlà ha weghàhòt'ǫ hǫt'e,” sèhdı.

John Wenazhıı 5:5 ပူးပေါင်းရင်းမြစ်များ

Luke 23:28

Zezì gots'ǫ̀ hadı, “Jerusalem gots'ǫ ts'èko, seghǫ aahtse-le, edeghǫ aahtse eyıts'ǫ naxızaa sı gıghǫ aahtse.

Luke 7:13

Gots'ǫ̀ K'àowo ts'èko eɂı̨ ekò weghǫ wedzeè dìì, hayèhdı, “Netse-le,” yèhdı.

Luke 8:52

Zezì goyaèhtła ekò dǫ łǫ t'eekoa ghǫ hòtł'ò getse. Zezì gots'ǫ̀ hadı, “Aahtse-le! Ełaı̨wo nıìle, ekìı whetı̨ hǫt'e,” gòhdı.

John 20:13

Yak'eet'ı̨į̀ dageehke, “Ts'èko, ayìıha netse?” gıìhdı. Mary hadı, “Sets'ǫ̀ K'àowo t'asį̀ı̨ nageèhchì, edı̨į̀ nègı̨ı̨htı̨ı̨ sìı wek'èehsǫ-le,” gòhdı.

Rome 1:3

Eyı godı nezı̨ı̨ sìı Nǫ̀htsı̨ Weza weghǫ hǫt'e. Ededı̨ sìı dıı nèk'e k'àowocho Davıd wets'ıhɂǫ̀ǫ-dǫǫ̀ hǫt'e, hanìkò ełaı̨wo gots'ǫ naìdà t'à Įnì Degaı wedahxà Nǫ̀htsı̨ Weza hǫt'e wek'èts'eezǫǫ̀ agǫ̀ǫ̀là. Eyı sìı Zezì-Krı gots'ǫ̀ K'àowo hǫt'e.

Rome 15:12

Eyıts'ǫ nakwenàoɂǫǫ Isaıah dıı hadı dek'eèhtł'è, “Jesse wèot'ı̨ gıta gots'ǫ chekoa dǫ elı̨ ha, ededı̨ sìı dıı nèk'e dǫ hazǫǫ̀ gha k'àowo elı̨ ha. Israel got'ı̨į̀ agı̨ı̨t'e-le sìı weghǫ gınì nàtsoò ade ha,” dek'eèhtł'è.

Hebrew 7:14

Gots'ǫ̀ K'àowo sìı Judah wets'ıhɂǫ̀ǫ-dǫǫ̀ elı̨ wek'èts'eezǫ. Moses eyı dǫ xàɂaa gots'ǫ yahtıı wı̨ı̨zìı ghǫ xàyaı̨htı nıìle.

John Wenazhıı 1:1

Zezì-Krı edecheekeè ayìı ghàgı̨ı̨dà agǫ̀ǫ̀làa sìı dıı enı̨htł'è k'e dek'eèhtł'è hǫt'e. Nǫ̀htsı̨-Gotà ı̨daà dàgode ha sìı wegodıì Zezì ghàı̨ɂǫ hǫt'e. Zezì wecheekeè dıı godıì gık'èezǫ ha t'à, edeyak'eet'ı̨į̀ John ts'ǫ̀ ayį̀į̀là.

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.

John Wenazhıı 4:10

ǫhdah naènǫ-daats'ǫ̀-dı̨ sìı eyı daèhchı̨cho k'e whedaa ts'ǫ̀ nàgògehge eyıts'ǫ welǫ whìle ts'ǫ̀ wehòhɂǫǫ sìı ghàsǫgeedı. Edets'ǫ sǫǫ̀mbaekwo kwìt'ıì eyı daèhchı̨cho nadąą̀ nègewa xè hagedı,

John Wenazhıı 4:4

Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.

John Wenazhıı 5:4

T'asìı godìı degaı elı̨ı̨ sìı eyı enı̨htł'èyeè ts'ǫdaà xàehdlà gà yek'eyahtı ha sìı gogìhɂà ha dìì t'à, sıì ııtsè.

John Wenazhıı 6:1

Sahzǫ̀ą weghàehda ekò eyı enı̨htł'èyeè łǫ̀hdı̨ ts'ǫ̀ wedaàdzeh t'akwełǫ̀ǫ̀ wheɂǫǫ sìı nàyı̨ı̨zhì. Eyı tł'axǫǫ̀ t'asìı dı̨ godìı sìı ı̨łè eezhıı ladıì xàyaı̨htı, “Jǫ-ı̨tłe,” sèhdı.

John Wenazhıı 7:13

Eyı tł'axǫǫ̀ ǫhdah ı̨łè daseehke, “Eyı dǫ ɂeh degoo nedèe yìı geèhkw'ee sìı amìı agı̨ı̨t'e? Eyıts'ǫ edı̨į̀ gots'ǫ aget'ı̨?” sèhdı.