John Wenazhıı 4:8 - Nǫ̀htsı̨ Nı̨htł'è

⁸ Eyı t'asìı dı̨ godìı sìı gı̨ı̨ts'ǫǫ̀ ek'ètaı gǫ̀hłı̨ eyıts'ǫ hazǫǫ̀ ts'ǫ̀ gıdaà gık'e whela, gı̨ı̨ts'ǫǫ̀ wetł'a kò gıdaà whela. Dzęę̀, toò ehk'ę̀ę̀ dıı hagedı: “Gots'ǫ̀ K'àowo t'asìı wegha dìì-le sìı degaı, degaı, degaı zǫ hǫt'e. Nǫ̀htsı̨ hǫt'e; whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha hǫt'e,” t'aats'ǫǫ̀ hagedı.

John Wenazhıı 4:8 ပူးပေါင်းရင်းမြစ်များ

Dànì Kèhoį̀wo 17:1

Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Zezì Wecheekeèdeè 20:31

Eyıt'à sıì kexoahdı! Taı xo gots'ǫ̀, dzę, to senatì xè naxıghǫnatıehɂà ghǫ naht'è-le, eyı wenaahdì.

2 Corınth 6:18

“Naxıtà ehłı̨ ha, eyıts'ǫ naxı̨ seza eyıts'ǫ setì aahłı̨ ha, Nǫ̀htsı̨ t'asìı wegha dìì-le sìı hadı,” hǫt'e.

1 Thessalonıca 2:9

Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.

1 Tımothy 4:16

Eyıt'à dànì ı̨daa eyıts'ǫ ayìı dǫ hoghàı̨htǫǫ sìı t'à hotıì edexonehdı. Nàowo ehkw'ıı t'aats'ǫǫ̀ netǫ̀. Hanì ı̨da nı̨dè edaxàdı̨ı̨tè ha, eyıts'ǫ dǫ negeèhkw'ǫǫ sı edaxàgı̨ı̨le ha.

2 Tımothy 4:2

Nǫ̀htsı̨ yatıì t'à dǫ ts'ǫ̀ goı̨de ha t'aats'ǫǫ̀ sınìwheęda. Nàowo ehkw'ıı k'ę̀ę̀ aahda, hołı̨ı̨ hòahtsı̨-le, eyıts'ǫ eyı gha naxınì nàtsoò aahłe, gìı̨dı. T'aats'ǫǫ̀ dǫ xè ts'èwhı̨į̀ neewǫ eyıts'ǫ hotıì nezı̨į̀ hoghàgı̨ı̨htǫ.

Hebrew 13:8

Zezì-Krı ı̨nę̀ę dànì wexè gòı̨ɂàa sìı dıı dzęę̀ k'e hanì wexè hòɂǫ eyıts'ǫ welǫ whìle ts'ǫ̀ hanì wexè hòɂǫ ha hǫt'e.

John Wenazhıı 1:4

John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.

John Wenazhıı 1:8

Gots'ǫ̀ K'àowo Nǫ̀htsı̨ dıı hadı hǫt'e: “Yatı t'akwełǫ̀ǫ̀ wheɂǫǫ aht'e eyıts'ǫ yatı nǫǫde wheɂǫǫ aht'e. Whaà gots'ǫ sehòhɂǫ, dıì sehòhɂǫ, eyıts'ǫ welǫ whìle ts'ǫ̀ sehòhɂǫ ha. T'asìı wı̨ı̨zìı segha dìì gǫ̀hłı̨ nıìle,” gots'ǫ̀ hadı.

John Wenazhıı 11:17

hagedı, “Gots'ǫ̀ K'àowo eyıts'ǫ Gonǫ̀htsı̨, nı̨ sìı t'asìı negha dìì-le. Nı̨ sìı nexè hòɂǫ ı̨lè eyıts'ǫ dıì nexè hòɂǫ hǫt'e. T'asìı negha dìì-le t'à dıı nèk'e k'àhoı̨wo ha xèhoneehwho, eyıt'à masì nets'ı̨ı̨hwhǫ.

John Wenazhıı 14:11

Hanıı dǫ gık'eek'ǫ̀ gots'ǫ ło welǫ whìle ts'ǫ̀ ı̨dòo deekw'e ha. Amìı eyı tıts'aàdìı nechàa ts'ǫ̀ eyıts'ǫ kwe wek'ę̀ę̀ wègaat'ı̨ı̨ ts'ǫ̀ yagehtıı eyıts'ǫ wıızì gık'e aatł'èe sìı ts'èwhı̨į̀ hòɂǫ hǫı̨lı̨ ha-le.”

John Wenazhıı 14:3

Daèhchı̨cho wenadąą̀, eyıts'ǫ t'asìı godìı dı̨, ǫhdah naènǫ-daats'ǫ̀-dı̨ gınadąą̀ dǫ łǫ shı̨ wegòò t'à gejı̨. Dǫ wı̨ı̨zìı eyı shı̨ ghàdegeetǫ ha dìì, dǫ ı̨łèakw'eènǫ-daats'ǫ̀-dı̨ènǫ-daats'ǫ̀-dı̨-lemì (144,000) dıı nèè gots'ǫ edaxàgeèlaa sìı ededı̨ zǫ eyı shı̨ k'ègeezǫ.

John Wenazhıı 15:3

Nǫ̀htsı̨ wecheekeè Moses eyıts'ǫ Sahzǫ̀ą gıts'ǫ shı̨ t'à gejı̨, hagedı, “Gots'ǫ̀ K'àowo t'asìı negha dìì-le anet'e, t'asìı hazǫǫ̀ ghàlaneedàa sìı gogha enıìyah nechàa hǫt'e. Kèhǫǫ̀wo gots'ǫ, welǫ whìle ts'ǫ̀ t'aats'ǫǫ̀ K'àowocho anet'e, eyıts'ǫ nenàowoò sìı ehkw'ı zǫ hǫt'e.

John Wenazhıı 15:7

T'asìı dı̨ godìı gots'ǫ ı̨łè sǫǫ̀mbaekwo kw'àyį̀ą łǫ̀hdı̨ yak'eet'ı̨į̀ łǫ̀hdı̨ goghàyı̨ı̨wa. Nǫ̀htsı̨ welǫ whìle ts'ǫ̀ edaa sìı eyı kw'àyį̀ą łǫ̀hdı̨ weyìı dǫ ts'ǫ̀ wek'èch'a dagoòɂǫ whetł'ı.

John Wenazhıı 16:14

Eyı ı̨nìłı̨ı̨ sìı enıìyah hogehtsı̨, eyıts'ǫ dıı nèk'e k'àowocho hazǫǫ̀ ts'ǫ̀ agejà. Nǫ̀htsı̨ t'asìı wegha dìì-le sìı wets'ǫ dzędeè k'e ełegegǫ ha k'àowocho hazǫǫ̀ łą̀ą ełègehdè agogį̀į̀là.

John Wenazhıı 16:7

Sǫǫ̀mbaekwo ladà gots'ǫ dıı hats'edıì hǫt'e: “Hęɂę, Gonǫ̀htsı̨, t'asìı hazǫǫ̀ negha dìì-le anet'e. Dànì dǫ gısınìyanehtıı sìı ehkw'ı hǫt'e,” ts'edıì hǫt'e.

John Wenazhıı 19:15

Eyı dǫ gık'èè gıadèe sìı behcho dènıı wewà gots'ǫ xàı̨ɂa. Yet'à dıı nèk'e dǫ hazǫǫ̀ ghǫehnè ha. “Eyıts'ǫ satsǫ̀-geh t'à dǫ hazǫǫ̀ ts'ǫ̀ K'àowo elı̨ ha.” Nǫ̀htsı̨ t'asìı wegha dìì-le sìı wek'èch'a t'à, tǫhcho yìı t'asìı whelaa sìı tàtsǫyeèhɂe ha.

John Wenazhıı 19:4

Ǫhdah naènǫ-daats'ǫ̀-dı̨ eyıts'ǫ t'asìı dı̨ godìı sìı Nǫ̀htsı̨ daèhchı̨cho k'e whedaa sìı gà nàgògı̨ı̨hgè eyıts'ǫ gıghàsǫedı, hagedı, “Amen, Aleluya!” gedı.

John Wenazhıı 21:22

Eyı kǫ̀godeè gonı Nǫ̀htsı̨kǫ̀-gocho wègaat'ı̨-le, Gonǫ̀htsı̨ t'asìı wegha dìì-le sìı eyıts'ǫ Sahzǫ̀ą gogha Nǫ̀htsı̨kǫ̀-gocho lagı̨ı̨t'e t'à.

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.

John Wenazhıı 4:4

Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.

John Wenazhıı 4:6

Eyıts'ǫ daèhchı̨cho wenadąą̀ tı nechàa lanıı whehtǫǫ wègaat'ı̨, eja lanì wenı̨ı̨dàà xègaat'ı̨. Eyı tanı daèhchı̨cho whehtǫ wemǫǫ̀ t'asìı dı̨ godìı dèhkw'e, gıdaà łǫ gık'e whela; gıwèdzǫ gıdaà whela eyıts'ǫ gıchį̀ht'a sı gıdaà whela.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,

John Wenazhıı 5:6

Eyı tł'axǫǫ̀ Sahzǫ̀ą ełaàwìgwo lanì wègaat'ı̨, eyı daèhchı̨cho gà tanı nàwo. Wemǫǫ̀ t'asìı dı̨ godìı eyıts'ǫ ǫhdah naènǫ-daats'ǫ̀-dı̨ nàgeèhza. Eyı sahzǫ̀ą wek'e edè łǫ̀hdı̨ gǫ̀hłı̨ eyıts'ǫ wedaà łǫ̀hdı̨ gǫ̀hłı̨. Eyı sìı Nǫ̀htsı̨ wets'ǫ ınì degaı łǫ̀hdı̨ dıı nèk'e hazǫǫ̀ ts'ǫ̀ adlàa sìı agı̨ı̨t'e.

John Wenazhıı 6:1

Sahzǫ̀ą weghàehda ekò eyı enı̨htł'èyeè łǫ̀hdı̨ ts'ǫ̀ wedaàdzeh t'akwełǫ̀ǫ̀ wheɂǫǫ sìı nàyı̨ı̨zhì. Eyı tł'axǫǫ̀ t'asìı dı̨ godìı sìı ı̨łè eezhıı ladıì xàyaı̨htı, “Jǫ-ı̨tłe,” sèhdı.

John Wenazhıı 6:6

Eyı t'asìı dı̨ godìı sìı gıta ts'ǫ dıı hats'edıì hǫt'e, “Łè denahk'e dètì ha; łè nàke aı̨hda elı̨ı̨ sìı ı̨łè dzęę̀ gots'àɂeedì xètłǫ elı̨ ha, eyıts'ǫ łè eładı̨ı̨ xàɂaa ek'èta aı̨hdaa elı̨ı̨ sìı ı̨łè dzęę̀ gots'àɂeedì xètłǫ elı̨ ha. Hanìkò tłeh eyıts'ǫ jìetì sı wedıhoı̨htsı̨-le!” hats'edıì hǫt'e.

John Wenazhıı 7:11

Yak'eet'ı̨į̀ hazǫǫ̀ eyı daèhchı̨cho, ǫhdah naènǫ-daats'ǫ̀-dı̨ eyıts'ǫ t'asìı dı̨ godìı sìı gomǫǫ̀ nàgeèhza. Daèhchı̨cho wenadąą̀ nàgògı̨ı̨hgè, gınì dèè xèedìı xè Nǫ̀htsı̨ ghàsǫgeedı,

John Wenazhıı 7:15

Eyıt'à, Nǫ̀htsı̨ wedaèhchı̨cho nadąą̀ nàgeèhza hǫt'e. Dzęę̀, toò, Nǫ̀htsı̨kǫ̀-gocho goyìı gıgha eghàlaeda. Eyı daèhchı̨cho k'e whedaa sìı edets'ǫ nı̨hbàa gok'e ayele ha.