John Wenazhıı 4:5 - Nǫ̀htsı̨ Nı̨htł'è

⁵ Daèhchı̨cho whetǫǫ gots'ǫ kǫ̀ naìtł'ı̨, eezhıı dèekw'ǫ xè hǫtsaa eezhıı xèeta lagodı. Daèhchı̨cho wenadąą̀ tłeèk'ǫ̀ǫ łǫ̀hdı̨ wekǫ̀ nàtsoo wègaat'ı̨; eyı sìı Nǫ̀htsı̨ wets'ǫ ı̨nì łǫ̀hdı̨ agı̨ı̨t'e.

John Wenazhıı 4:5 ပူးပေါင်းရင်းမြစ်များ

Dànì Kèhoį̀wo 15:7

Eyıts'ǫ Nǫ̀htsı̨ yets'ǫ̀ hadı, “Nets'ǫ̀ K'àowo aht'e. Dıı dèè neghaelı̨ ha dehwhǫ t'à Kaldea got'ı̨į̀ gıkǫ̀ta Ur gots'ǫǫ̀ xàneèhtı̨ hǫt'e,” yèhdı.

Matthew 25:1

“Ekìıyeè k'e nı̨dè Nǫ̀htsı̨ Wenàowoò k'ę̀ę̀ dıı lagode ha: T'eekoa hoònǫ tłeèk'ǫ̀ǫ xè xàgeède gà mǫ̀ht'a dǫzhìı honìda ha sìı k'enageèhɂı̨.

Matthew 3:11

“Edek'eahłı̨ nı̨dè tı t'à naxık'ètaìhdzı̨ hǫt'e, hanìkò dǫ ı̨łè senahk'e elı̨ı̨ sìı sek'èè nììtła ha. Wekechı̨į̀tł'ıì ejıehge ha kò dǫ lahoeht'ı̨ nıìle. Ededı̨ sìı Yedàyeh Nezı̨ı̨ eyıts'ǫ kǫ̀ nàtsoo t'à naxık'ètaìdzı̨ ha hǫt'e.

Zezì Wecheekeèdeè 2:3

Dǫ eyı geèhkw'ee sìı kǫ̀woò nechà-lea lanıı ełets'ǫǫ̀ ajà gà hazǫǫ̀ gıtaàt'eè gık'e ajà gıaɂı̨.

John Wenazhıı 1:4

John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.

John Wenazhıı 10:3

Goìjìıcho lanì hòtł'ò whezeh. Hòtł'ò whezeh ekò eezhıı łǫ̀hdı̨ ek'èt'à xàyagı̨ı̨htı.

John Wenazhıı 11:19

Eyı tł'axǫǫ̀ yak'e ts'ǫ Nǫ̀htsı̨kǫ̀-gocho enìxàetǫ. Nǫ̀htsı̨kǫ̀-gocho goyìı nakenahòdlı̨ı̨ gha sǫǫ̀mbaekwo-ladzè wègoèht'į̀. Hǫtsaa eezhı xè kǫ̀ naìtł'ı̨, dèè hòtł'ò nàèhdǫ xè ı̨hlı łǫ hodàètł'ı.

John Wenazhıı 3:1

“Kǫ̀ta Sardıs Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ Nǫ̀htsı̨ wets'ǫ ı̨nì degaı łǫ̀hdı̨ eyıts'ǫ whǫ̀ łǫ̀hdı̨ welatł'aà whelaa sìı dıı weyatıì hǫt'e: Dànì aahdaa sìı wek'èehsǫ, dǫ nezı̨į̀ aahda naxegı̨ı̨hwhǫ hanìkò dǫ ełaı̨dèe laaht'e.

John Wenazhıı 5:6

Eyı tł'axǫǫ̀ Sahzǫ̀ą ełaàwìgwo lanì wègaat'ı̨, eyı daèhchı̨cho gà tanı nàwo. Wemǫǫ̀ t'asìı dı̨ godìı eyıts'ǫ ǫhdah naènǫ-daats'ǫ̀-dı̨ nàgeèhza. Eyı sahzǫ̀ą wek'e edè łǫ̀hdı̨ gǫ̀hłı̨ eyıts'ǫ wedaà łǫ̀hdı̨ gǫ̀hłı̨. Eyı sìı Nǫ̀htsı̨ wets'ǫ ınì degaı łǫ̀hdı̨ dıı nèk'e hazǫǫ̀ ts'ǫ̀ adlàa sìı agı̨ı̨t'e.

John Wenazhıı 8:5

Eyı tł'axǫǫ̀ yak'eet'ı̨į̀ eyı sǫǫ̀mbaekwo kw'à neyıìchı gà sǫǫ̀mbaekwo ladà k'e gots'ǫ kǫ̀ dèk'ǫ̀ǫ yeyìı ayı̨į̀là, eyıts'ǫ dıı nèk'e ts'ǫ̀ xàyeèhtł'ı. Eyı hayı̨į̀là ts'ıhɂǫ̀ eèzhıı, hòtł'ò agodı, kǫ̀ naìtł'ı̨ eyıts'ǫ dèè hòtł'ò nàèhdǫ.