John Wenazhıı 4:2 - Nǫ̀htsı̨ Nı̨htł'è

² Ekòet'ıì Nǫ̀htsı̨ wets'ǫ Įnì Degaı sexèhdı t'à senadąą̀ yak'e daèhchı̨cho whetǫǫ eyıts'ǫ wek'e ts'edaa segha wègoèht'į̀.

John Wenazhıı 4:2 ပူးပေါင်းရင်းမြစ်များ

Matthew 22:43

Zezì gots'ǫ̀ hadı, “Hanì-ı̨dè dànìghǫ k'àowocho Davıd Yedàyeh Nezı̨ı̨ dahxà ‘sets'ǫ̀ K'àowo’ yèhdı, dek'eèhtł'è. K'àowocho Davıd yeghǫ dıı hadı ı̨lè:

Hebrew 8:1

Ayìı awèts'edıı sìı dıı awèts'edı: Yahtıı-wet'àaɂàa-deè deghàà degaı elı̨ gots'ǫ hǫt'e, eyı sìı yak'e Nǫ̀htsı̨ wexè enıìyah hòɂǫǫ gà nàgòts'ehnèe wheda,

John Wenazhıı 1:10

Nǫ̀htsı̨ Dzęę̀ k'e Yedàyeh Nezı̨ı̨ sets'ǫ̀ ajà. Įdè sechį̀ht'a dechı̨shì t'à hòtł'ò gots'edeè lagodı,

John Wenazhıı 12:5

Eyı ts'èko dǫzhìa nìı̨htı̨. Eyı dǫzhìa sìı satsǫ̀-geh t'à dǫ hazǫǫ̀ xàɂaa ts'ǫ̀ k'ahowo ha. Ekòet'ıì eyı dǫzhìa sìı ı̨dòo Nǫ̀htsı̨ ts'ǫ̀ eyıts'ǫ wedaèhchı̨cho ts'ǫ̀ nıwıìtı̨.

John Wenazhıı 17:3

Eyı tł'axǫǫ̀ Yedàyeh Nezı̨ı̨ wedahxà yak'eet'ı̨į̀ ekìı-ka nèk'e ts'ǫ̀ naseèhtı̨. Ekǫ ts'èko tıts'aàdìı nechàa k'e wheda wègaat'ı̨. Eyı tıts'aàdìı nechàa sìı wek'aàtsı̨į̀ dek'o-dezǫ hǫt'e, Nǫ̀htsı̨ k'èch'a wıızìłı̨ı̨ łǫ gǫ̀hłı̨ı̨ sìı hazǫǫ̀ wedzıìwı k'e aatł'è, eyıts'ǫ wekwì łǫ̀hdı̨ gǫ̀hłı̨ xè edè hoònǫ wek'e whela.

John Wenazhıı 19:4

Ǫhdah naènǫ-daats'ǫ̀-dı̨ eyıts'ǫ t'asìı dı̨ godìı sìı Nǫ̀htsı̨ daèhchı̨cho k'e whedaa sìı gà nàgògı̨ı̨hgè eyıts'ǫ gıghàsǫedı, hagedı, “Amen, Aleluya!” gedı.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.

John Wenazhıı 21:10

Yedàyeh Nezı̨ı̨ wedahxà yak'eet'ı̨į̀ shìh danı̨ı̨chàa ts'ǫ̀ naseèhtı̨. Yak'e gots'ǫ Kǫ̀godeè Degaı ı̨zhıì ts'ǫ̀ ajà weehɂı̨į̀ asį̀į̀là. Kǫ̀godeè Jerusalem hǫt'e, Nǫ̀htsı̨ gots'ǫ ı̨zhıì ajà.

John Wenazhıı 21:5

Eyı daèhchı̨cho k'e whedaa sìı hadı, “T'asìı hazǫǫ̀ wegòò ahłe ha!” eyıts'ǫ sets'ǫ̀ hadı, “Eyı hazǫǫ̀ dek'enìı̨tł'è, dıı yatı sìı hotıì ehkw'ı hǫt'e eyıts'ǫ weghàà aahda ha hǫt'e.”

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.

John Wenazhıı 4:10

ǫhdah naènǫ-daats'ǫ̀-dı̨ sìı eyı daèhchı̨cho k'e whedaa ts'ǫ̀ nàgògehge eyıts'ǫ welǫ whìle ts'ǫ̀ wehòhɂǫǫ sìı ghàsǫgeedı. Edets'ǫ sǫǫ̀mbaekwo kwìt'ıì eyı daèhchı̨cho nadąą̀ nègewa xè hagedı,

John Wenazhıı 4:5

Daèhchı̨cho whetǫǫ gots'ǫ kǫ̀ naìtł'ı̨, eezhıı dèekw'ǫ xè hǫtsaa eezhıı xèeta lagodı. Daèhchı̨cho wenadąą̀ tłeèk'ǫ̀ǫ łǫ̀hdı̨ wekǫ̀ nàtsoo wègaat'ı̨; eyı sìı Nǫ̀htsı̨ wets'ǫ ı̨nì łǫ̀hdı̨ agı̨ı̨t'e.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,

John Wenazhıı 5:1

Eyı daèhchı̨cho k'e whedaa sìı nàgòts'ehnèe ts'ǫ enı̨htł'èyeè dayeɂa. Eyı enı̨htł'è į̀ła-ts'ǫ̀ wek'e aatł'èe eyıts'ǫ łǫ̀hdı̨ ts'ǫ̀ wedaàdzeh.

John Wenazhıı 5:13

Eyı tł'axǫǫ̀ yak'e gots'ǫ, dıı nèk'e gots'ǫ, dèè wetł'a gots'ǫ eyıts'ǫ tı yìı gots'ǫ, t'asìı hazǫǫ̀ dıı hagedıì gejı̨, “Amìı daèhchı̨cho k'e whedaa eyıts'ǫ eyı sahzǫ̀ą sı enıìyah xè gıghàsǫhoedı welè. Welǫ whìle ts'ǫ̀ t'asìı hazǫǫ̀ ts'ǫ̀ k'agewo welè!” hagedıì gejı̨.

John Wenazhıı 6:16

Shìh eyıts'ǫ kwe ts'ǫ̀ nagıìdzeh hagedı, “Gok'e hodàahtł'ì, eyı daèhchı̨cho k'e whedaa eyıts'ǫ Sahzǫ̀ą nàgoehkwa ch'à gok'èahdì.