John Wenazhıı 4:11 - Nǫ̀htsı̨ Nı̨htł'è

¹¹ “Gots'ǫ̀ K'àowo Gonǫ̀htsı̨, t'asìı hazǫǫ̀ wheęhtsı̨ ne t'à enıìyah xè neghàsǫts'eedıı sìı nı̨ zǫ nets'ǫ̀ hats'edı ha hǫt'e eyıts'ǫ t'asìı hazǫǫ̀ ts'ǫ̀ k'àı̨wo welè. Hanì welè neewǫ t'à t'asìı hazǫǫ̀ hòèlı̨ı̨ xè geeda hǫt'e,” gedı.

John Wenazhıı 4:11 ပူးပေါင်းရင်းမြစ်များ

Dànì Kèhoį̀wo 1:1

Kèhoį̀wo ekò Nǫ̀htsı̨ yak'e eyıts'ǫ dèè sı whehtsı̨.

Zezì Wecheekeèdeè 14:15

“Dànìghǫ aaht'ı̨? Goxı̨ naxıxèht'eè dǫ ats'ı̨ı̨t'e. Naxıts'ǫ̀ godı nezı̨ı̨ nèts'ı̨ı̨ɂǫ. T'asìı wet'àaɂà-le k'alaahdèe sìı wedę aahłe, Nǫ̀htsı̨ edaa sìı wets'ǫ̀ aahde. Ededı̨ sìı yak'e, dèe, tı eyıts'ǫ t'asìı hazǫǫ̀ weyìı nàdèe sìı yèhtsı̨ hǫt'e.

Zezì Wecheekeèdeè 17:24

“Nǫ̀htsı̨, dèe eyıts'ǫ t'asìı hazǫǫ̀ edaa whehtsı̨ı̨ sìı yak'e eyıts'ǫ dıı nèk'e gha K'àowo hǫt'e. Yats'ehtıı-kǫ̀-gocho, dǫlà t'à hòèlı̨ı̨ sìı, yeyìı nàdè nıìle.

Rome 11:36

Nǫ̀htsı̨ t'asìı hazǫǫ̀ whehtsı̨, t'asìı hazǫǫ̀ wets'ǫ hǫt'e, eyıts'ǫ t'asìı hazǫǫ̀ wegha hǫt'e. Welǫ whìle ts'ǫ̀ weghàsǫts'eedı welè! Amen.

Ephesus 3:9

Eyı t'asìı enıìyah deɂı̨į̀ wheɂǫǫ sìı dànì agode ha sìı dǫ hazǫǫ̀ nezı̨į̀ gınıedì agehłe ha hǫt'e. Nǫ̀htsı̨ t'asìı hazǫǫ̀ whehtsı̨ı̨ sìı ı̨nę̀ę whaà gots'ǫ deɂı̨į̀ yèhɂǫ ı̨lè.

Hebrew 1:10

Eyıts'ǫ Nǫ̀htsı̨ dıı hadı, “Gots'ǫ̀ K'àowo t'akwełǫ̀ǫ̀ kèhoį̀wo ekò dıı dèè whenehtsı̨ eyıts'ǫ nılà t'à yat'a whenehtsı̨ hǫt'e.

Hebrew 1:2

hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

John Wenazhıı 1:6

Wetà Nǫ̀htsı̨ gha eghàlats'eeda ha t'à, dǫ ı̨łè lats'ı̨ı̨t'e xè yahtıı ts'ı̨ı̨lı̨į̀ agǫ̀ǫ̀là. Zezì-Krı weghàsǫts'eedı eyıts'ǫ welǫ whìle ts'ǫ̀ k'àowocho nàtso welè! Amen.

John Wenazhıı 10:6

Nǫ̀htsı̨ welǫ whìle ts'ǫ̀ edaa sìı yak'e eyıts'ǫ t'asìı hazǫǫ̀ yeyìı nàdèe whehtsı̨. Eyıts'ǫ dıı dèè eyıts'ǫ t'asìı hazǫǫ̀ yek'e nàdèe whehtsı̨. Eyıts'ǫ tıcho eyıts'ǫ t'asìı hazǫǫ̀ yeyìı nàdèe whehtsı̨ı̨ sìı ededı̨ yıızì dahxà dıı hadıì yatı nàtsoo whıhtsı̨: “Hòt'a Nǫ̀htsı̨ naèhɂı̨ ha nıìle!

John Wenazhıı 14:7

Yak'eet'ı̨į̀ hòtł'ò hadı, “Hòt'a dǫ sınìyaetıı dzęę̀ ts'ǫ̀ whaà-le t'à Nǫ̀htsı̨ wek'èaht'e eyıts'ǫ weghàsǫahdı. Ededı̨ sìı yak'e, dıı dèe, tıcho eyıts'ǫ tı xàı̨lı̨ı̨ hazǫǫ̀ yèhtsı̨ hǫt'e, eyıt'à wegha zǫ aahda,” hadı.

John Wenazhıı 19:1

Eyı tł'axǫǫ̀ yak'e gots'ǫ dǫ łǫ ełexè gezeh lagodı, dıı hagedı, “Aleluya! Nǫ̀htsı̨ ededı̨ zǫ dǫ edaxàgole hǫt'e, t'asìı wegha dìì-le, eyıts'ǫ weghàsǫts'eedı ha hǫt'e.

John Wenazhıı 5:12

Hòtł'ò gejı̨, hagedı, “Sahzǫ̀ą ełaı̨wo ı̨lèe sìı nezı̨į̀ weghàhòt'ǫ hǫt'e! Ededı̨ sìı t'asìı hazǫǫ̀ gha K'àowocho welè, t'asìı hazǫǫ̀ weghǫ̀zhe welè, gǫǫzǫǫ̀ weghàhòt'à welè, nàtsoò awedle, eyıts'ǫ enıìyah xè weghàsǫts'eedı welè!” hagedıì gejı̨.

John Wenazhıı 5:2

Yak'eet'ı̨į̀ nàtsoo ı̨łè hòtł'ò dıı hadı, “Amìı eyı enı̨htł'èyeè łǫ̀hdı̨ ts'ǫ̀ wedaàdzeh sìı yets'ǫdaà xàehdlà ha edegha hoèhnǫ?” hadı.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.