John Wenazhıı 3:4 - Nǫ̀htsı̨ Nı̨htł'è

⁴ “Hanìkò dǫ łǫ-lea kǫ̀ta Sardıs nàgedèe sìı hołı̨ı̨ t'à edegoht'ǫǫ̀ tsį̀gı̨ı̨hwho-le. Edegha hogeèhnǫ ne t'à goht'ǫ degoo t'à-aget'ı̨ xè sexè k'egedè ha.

John Wenazhıı 3:4 ပူးပေါင်းရင်းမြစ်များ

Matthew 10:11

“Kǫ̀ta nìahde nı̨dè dǫ wedzeè nezı̨ı̨ sìı hak'eaht'į̀; naahdè gots'ǫ̀ wekǫ̀ aaht'e.

Mark 16:5

Kwe yìı Zezì wekw'ǫǫ̀ whetǫǫ k'è goyageède ekò nàgòts'ehnèe k'e cheko wheda gıaɂı̨. ɂeh degoo nedèe yìı wheda. Ts'èko gıaɂı̨ ekò sıì dahdzıgı̨ı̨dè.

Luke 20:35

Hanìkò ekìıyeè k'e dǫ negezı̨ t'à gıxè agode gha gııtàa sìı nagìdà agole ha. Eyı dǫ nagìdà nı̨dè honìgedè ha nıìle.

Luke 21:36

Eyıt'à t'aats'ǫǫ̀ kexoahdı, hoìla hawee sìı naxıxè agode ha-le gha yaahtı. Eyıts'ǫ Dǫ-wet'àaɂàa-deè wenadąą̀ nàahza nı̨dè edeghǫ į̀į̀zhaahłı̨ ha-le gha yaahtı,” Zezì gòhdı.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

2 Thessalonıca 1:5

Eyı hazǫǫ̀ weghàà Nǫ̀htsı̨ ehkw'ı naxısınìyaehtıı sìı wek'èts'eezǫ hǫt'e. Nǫ̀htsı̨ Wenàowoò k'ę̀ę̀ hòɂǫǫ sìı gha daahɂaà anaxììdlà t'à ekǫ goyaahde ha edegha deahnǫ k'ę̀ę̀ naxııtà.

Jude 1:23

Dǫ kǫ̀ dèk'ǫ̀ǫ yìı geetł'ì ch'à dagıahchı xè edaxàgıahłe, eyıts'ǫ dǫ mǫ̀hdaa gıts'ǫ̀ naxıdzeè eteèɂı̨ welè, hanìkò edexoahdı, edezhį̀į̀ t'à hołı̨ı̨ k'alagedè ts'ıhɂǫ̀ gıgoht'ǫǫ̀ kò dats'eechı ha dìì lanì.

John Wenazhıı 1:11

dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.

John Wenazhıı 14:4

Eyı dǫ haàtłǫǫ sìı ts'èko xè hołı̨ı̨ k'ę̀ę̀ eghàlagı̨ı̨dà whìle, degaı k'ę̀ę̀ edek'ègıadì t'à. Sahzǫ̀ą edı̨į̀ k'etłoo sìı gık'èè k'edè. Dǫ gıta gots'ǫ nàgeèdìı agı̨ı̨t'e, eyıts'ǫ jìecho t'akwełǫ̀ǫ̀ dıìdìı Nǫ̀htsı̨ eyıts'ǫ Sahzǫ̀ą ghàgogį̀ı̨laa lagı̨ı̨t'e.

John Wenazhıı 19:14

Yak'e gots'ǫ eghǫǫ-dǫǫ̀ gık'èè k'edè. Tłı̨cho degoo t'à-aget'ı̨ eyıts'ǫ ɂeh degoo wèdaat'ı̨ı̨ yìı geèhkw'e.

John Wenazhıı 19:8

Ehtł'ı̨ degoo wèdaat'ı̨ı̨ yeyìı wheda ha weghǫ̀chì hǫt'e,” hagedıì gezeh. (Ehtł'ı̨ degoo wèdaat'ı̨ı̨ sìı Nǫ̀htsı̨ wets'ǫ dǫ ehkw'ı eghàlagı̨ı̨dà gha hǫt'e.)

John Wenazhıı 3:18

Sǫǫ̀mbaekwo kǫ̀-dèk'ǫ̀ǫ t'à wedeèdlı̨į̀ adlàa sìı seghǫ nàahdì nı̨dè ahxee aahłı̨ ha. Goht'ǫ degoo seghǫ nàahdì, hanì-ı̨dè goht'ǫ dę edeghǫ į̀į̀zhaahłı̨ ha-le, eyıts'ǫ godaàtłeè seghǫ nàahdì, hanì-ı̨dè k'eaht'į̀ ha.

John Wenazhıı 3:5

T'aa hołı̨ı̨ ghǫehnèe sìı eyı lanì goht'ǫ degoo yìı geèhkw'e ha. Nı̨htł'è k'e dǫ welǫ whìle ts'ǫ̀ geeda gha gıızì dek'eèhtł'èe sìı gots'ǫ gıızì ejınahwha ha-le, hanìkò Setà wenadąą̀ eyıts'ǫ yak'eet'ı̨į̀ gınadąą̀ eyı dǫ wek'èehsǫ dehsı̨ ha.

John Wenazhıı 4:4

Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.

John Wenazhıı 6:11

Eyı tł'axǫǫ̀ hazǫǫ̀ ɂeh degoo nedèe gıghǫ̀zha eyıts'ǫ dıı hagèts'edı, “Įłaà whaà hoògǫ gots'ǫ̀ naahɂı̨ ha. Dànì ełaànaxegį̀ı̨hdèe sìı eyı lanì, naxıxèht'eè Nǫ̀htsı̨ wecheekeè gı̨ı̨lı̨ı̨ sìı mǫ̀hdaa ełaàgede ha. Hazǫǫ̀ ełaàgogį̀ı̨hdè tł'axǫǫ̀ nı̨dè ayìı k'enaahɂı̨ ı̨lèe sìı wek'ę̀ę̀ agode ha,” gìts'edıì hǫt'e.

John Wenazhıı 7:9

Eyı tł'axǫǫ̀ senadąą̀ dǫ łǫ t'à łǫ gìgoèht'į̀. Dǫ sıì łǫ t'à dǫ wı̨ı̨zìı goıhtà ha dìì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gots'ǫ dǫ agı̨ı̨t'e. Daèhchı̨cho eyıts'ǫ eyı Sahzǫ̀ą nadąą̀ nàgeèhza. ʔeh degoo nedèe yìı geèhkw'e eyıts'ǫ ɂorı dagıale.