John Wenazhıı 3:17 - Nǫ̀htsı̨ Nı̨htł'è

¹⁷ ‘Ahxee ats'ı̨ı̨t'e,’ edèahdı, ‘T'asìı łǫ gots'ǫ t'à t'asìı wets'ı̨ı̨wǫ gǫ̀hłı̨-le,’ dahdı, hanìkò naxıxè gots'eèdı, eteaht'ı̨, naxıdaà goìle xè goht'ǫ dę dahkw'e hǫt'e, wek'èahsǫ-le nì?

John Wenazhıı 3:17 ပူးပေါင်းရင်းမြစ်များ

Dànì Kèhoį̀wo 3:7

Jìecho gı̨ı̨ɂà tł'axǫǫ̀ į̀łah t'asìı łǫ gıgha wègaat'ı̨į̀ agòjà, ı̨ht'edę geèhkw'e nǫǫ̀ gık'èhoèhzà. Eyıt'à ı̨t'ǫ̀ą nechàa ełexègeèlı gà goht'ǫ lanì edek'e nègı̨ı̨wa.

Matthew 5:3

“Amìı eteèt'ı̨ı̨ edek'ègeezǫǫ sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ̀-èlı̨ hǫt'e.

Matthew 9:12

Zezì ıìkw'o t'à gots'ǫ̀ hadı, “Dǫ hotıì geedaa sìı nàèdı-k'èezǫǫ gıgha wet'àaɂà nıìle, dǫ eyagı̨ı̨lı̨ı̨ sìı zǫ nàèdı-k'èezǫǫ gı̨ı̨wǫ hǫt'e.

Luke 1:53

Dǫ degeèhdìı sìı nezı̨į̀ shègezheè agohɂı̨, hanìkò dǫ ahxee sìı t'asìı dę nagoèhɂà.

Luke 6:24

Naxı̨ dǫ ahxee yàahłı̨ı̨ sìı dıì hòt'a naxıgha nàhotì-le hòɂǫ t'à naxıgha hoìla ha hǫt'e.

Rome 11:20

Eyı sìı ehkw'ı t'ıį̀t'e, Nǫ̀htsı̨ gıgha ehkw'ı adı-le t'à dahchı̨gıatǫ̀ ı̨lè. Naxı̨ Nǫ̀htsı̨ naxıgha ehkw'ı-ahodı t'à, eyı ts'ı wets'ǫ kw'ıhchı̨į̀ aaht'e anaxììdlà hǫt'e. Eyıt'à xàhoahdì-le, hanìkò edeghǫ dahjı̨ welè.

Rome 11:25

Sèot'ı̨ı̨, dıı t'asìı enıìyah deɂı̨į̀ wheɂǫǫ sìı wek'èahsǫ ha naxeehwhǫ. Hanì-ı̨dè xàhoahdì aahde ha nıìle. Israel got'ı̨į̀ agı̨ı̨t'e-le gıta gots'ǫ dǫ hazǫǫ̀ edaxàgeedè gots'ǫ̀, Israel got'ı̨į̀ gıkwì dezhì ha.

Rome 12:3

Nǫ̀htsı̨ wesǫnıwǫ seghǫ̀t'ǫ wedahxà naxıts'ǫ̀ dıı haehsı̨: T'asìı deè ats'ı̨ı̨t'e dahwhǫ t'à deɂǫ̀ǫ̀ edeghǫ nànıahdè-le, hanìkò ehkw'ı edeghǫ nànıahdè. Nǫ̀htsı̨ naxınì dànàı̨htsoò ayį̀į̀là k'ę̀ę̀ edeghǫ nànıahdè.

Rome 7:24

Eyıt'à sıì sexè gots'eèdı hǫt'e! Dıı sezhį̀į̀ wet'à ełaehwhı ha sìı amìı yech'à edaxàsį̀ı̨htı̨ lì?

2 Peter 1:9

Ekò dǫ hanì eda-le sìı wedaà goìle lanì hǫt'e, eyıts'ǫ dànì ı̨nę̀ę gots'ǫ wehołı̨į̀ weghǫ whìle adlàa sìı yenadì-le hǫt'e.

John Wenazhıı 16:15

Gots'ǫ̀ K'àowo dıı hadı, “Kexoahdı! Eeɂį̀ı̨-dǫǫ̀ lanì hǫtsaa naxıts'ǫ̀ nèehtła ha. Amìı ts'ıgoedìı xè edegoht'ǫǫ̀ edegà whehłaa sìı wexè sìghà ha hǫt'e. Hanì-ı̨dè goht'ǫ dę edeghǫ į̀į̀zhaelı̨ ha-le,” hadı.

John Wenazhıı 2:9

Dànì naxıxè hoìla xè eteaht'ı̨ı̨ sìı naxık'èehsǫ, hanìkò dǫ ahxee aahłı̨ hǫt'e! Dǫ xàè Israel got'ı̨į̀ ats'ı̨ı̨t'e gedıı sìı naxıızì jıı gehtsı̨ wek'èehsǫ. Hanìkò xàè Israel got'ı̨į̀ agı̨ı̨t'e nıìle, wehłı̨ı̨ wecheekeè agı̨ı̨t'e.

John Wenazhıı 3:16

Eyıt'à segha tı whekǫ̀ǫ eyıts'ǫ tı whek'òo laaht'e-le. Ekìı tı yaazea whekǫ̀ǫ laaht'e t'à sewà gots'ǫ xànaxeehsè ha.