John Wenazhıı 22:6 - Nǫ̀htsı̨ Nı̨htł'è

⁶ Yak'eet'ı̨į̀ sets'ǫ̀ hadı, “Dıı yatı sìı hotıì ehkw'ı hǫt'e, eyıts'ǫ weghàà aahda ha hǫt'e. Nǫ̀htsı̨ sìı gots'ǫ̀ K'àowo hǫt'e, ededı̨ zǫ wedahxà nakwenàoɂǫǫ gogede hǫt'e. Whaà-le-t'ıì dàgode ha sìı wecheekeè gık'èezǫ ha nıwǫ t'à edeyak'eet'ı̨į̀ nets'ǫ̀ yı̨ı̨hɂà hǫt'e,” sèhdı.

John Wenazhıı 22:6 ပူးပေါင်းရင်းမြစ်များ

Dànì Kèhoį̀wo 41:32

Nǫ̀htsı̨ hotıì hagode ha nıwǫ t'à k'àowocho Faraoh hanì nàekeè ełèht'eè nàwhetı̨į̀ ayį̀į̀là, whaà-le-t'ıì Nǫ̀htsı̨ hanì hòɂǫǫ̀ hayele ha.

Matthew 13:41

Eyı dzęę̀ k'e Dǫ-wet'àaɂàa-deè edets'ǫ yak'eet'ı̨į̀ dǫ ts'ǫ̀ agole ha. Dǫ nàowołı̨ı̨ k'ę̀ę̀ eghàlageeda xè Nǫ̀htsı̨ wets'ǫ dǫ ta nàgedè eyıts'ǫ dǫ hołı̨ı̨ hogehtsı̨ agehɂı̨ı̨ sìı yak'eet'ı̨į̀ godıhogehtsı̨ ha.

Luke 1:70

(T'akwe whaà wets'ǫ nakwenàoɂǫǫ degaı t'à gots'ǫ̀ dıı hadı ı̨lè,) ‘Dǫ hazǫǫ̀ gots'ǫ̀ xànegı̨ı̨ɂaa eyıts'ǫ dǫ godzagı̨ı̨hwhǫǫ sìı gıch'à edaxàgole ha.

Luke 16:16

“John-Baptıst nììtła haı̨wa gots'ǫ̀ Moses wenàowoò eyıts'ǫ nakwenàoɂǫǫ gıyatıì t'à dǫ hoghàgogeètǫ ı̨lè. Ekò gots'ǫ Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gogı̨ı̨de. Eyıt'à dǫ hazǫǫ̀ sexè welè gı̨ı̨wǫ t'à Nǫ̀htsı̨ Wenàowoò k'ę̀ę̀ hòɂǫǫ goyageedè ha nàhogehdè.

Zezì Wecheekeèdeè 12:11

Peter hǫtsaa ts'ı̨ı̨wo lajà, hanıwǫ, “Sets'ǫ̀ K'àowo edets'ǫ yak'eet'ı̨į̀ sets'ǫ̀ ayį̀į̀là hotıì wek'èehsǫ ne. Herod wech'à xàseèhtı̨ eyıts'ǫ Israel got'ı̨į̀ sexè hoìla hogehtsı̨ ha ı̨lèe sìı Nǫ̀htsı̨ hanàhòwo-le ayį̀į̀là,” hanıwǫ.

Zezì Wecheekeèdeè 3:18

Hanìkò Nǫ̀htsı̨ sìı nakwenàoɂǫǫ hazǫǫ̀ t'à nadąą̀ gots'ǫ̀ goı̨de ı̨lè. Chrıst daı̨ɂa ha, hadı ı̨lè, hanì yek'ę̀ę̀ eghàlaı̨dà.

Rome 1:2

Įdì whaà ekò Nǫ̀htsı̨ Nı̨htł'è k'e nakwenàoɂǫǫ nadąą̀ gogı̨ı̨de t'à Nǫ̀htsı̨ sìı godı nezı̨ı̨ dǫ ts'ǫ̀ ade ha hadı ı̨lè.

1 Corınth 14:32

Dǫ Yedàyeh Nezı̨ı̨ dahxà xàyagehtı ha gıghàhòt'ǫǫ sìı dàht'e k'e gogede ha sìı edets'ǫ̀ k'ahogedè hǫt'e.

1 Corınth 7:29

Sèot'ı̨ı̨, whaà-lea gots'ǫ̀ zǫ ts'eeda dehsı̨į̀-aehsı̨. Jǫ gots'ǫ ı̨daà dǫ gıts'èkeè gǫ̀hłı̨ı̨ sìı gıts'èkeè gǫ̀hłı̨-le lanì gııdà,

2 Thessalonıca 1:7

eyıts'ǫ naxıgha hoìlaa sìı naxıxè ts'èwhı̨į̀ hòɂǫǫ̀ ayele ha, goxı̨ sı goxè hagole ha. Gots'ǫ̀ K'àowo Zezì yak'e gots'ǫ wègoèht'į̀ nı̨dè goxè hagode ha. Ekò nı̨dè kǫ̀woò nàtsoo xè yak'eet'ı̨į̀ nàgetsoo wemǫǫ̀ gìgoèht'į̀ ha.

Hebrew 12:9

Goxı̨ hazǫǫ̀ gotà ehkw'ı ts'eeda gha hoghàgogeèhtǫ ı̨lè t'à dǫ gıts'ı̨ı̨hwhǫ ı̨lè. Eyıt'à Nǫ̀htsı̨ gots'ǫ ı̨nì gha Gotà elı̨ı̨ sìı hoghàgoetǫ nı̨dè denahk'e wek'èats'ı̨ı̨t'e ha hǫt'e. Hanì-ı̨dè welǫ whìle ts'ǫ̀ ts'eeda ha.

2 Peter 1:21

Nǫ̀htsı̨ yatıì sìı dǫ gınì k'ę̀ę̀ aatł'è nıìle, hanìkò Yedàyeh Nezı̨ı̨ gıdzeè yìı nàèhdǫ t'à nakwenàoɂǫǫ Nǫ̀htsı̨ yatıì t'à gogı̨ı̨de hǫt'e.

2 Peter 3:2

Įnę̀ę sìı nakwenàoɂǫǫ degaı yatı goghàgı̨ı̨ɂǫǫ sìı wenaahdì ha naxeehwhǫ, eyıts'ǫ gots'ǫ̀ K'àowo Edaxàgolee elı̨ı̨ sìı wecheekeèdeè gıt'ǫ̀ǫ̀ nàowo nezı̨ı̨ naxıghàı̨ɂǫ hǫt'e, eyı sìı wenaahdì ha naxeehwhǫ.

John Wenazhıı 1:1

Zezì-Krı edecheekeè ayìı ghàgı̨ı̨dà agǫ̀ǫ̀làa sìı dıı enı̨htł'è k'e dek'eèhtł'è hǫt'e. Nǫ̀htsı̨-Gotà ı̨daà dàgode ha sìı wegodıì Zezì ghàı̨ɂǫ hǫt'e. Zezì wecheekeè dıı godıì gık'èezǫ ha t'à, edeyak'eet'ı̨į̀ John ts'ǫ̀ ayį̀į̀là.

John Wenazhıı 18:20

‘Naxı̨ yak'e dahkw'ee sìı eyı ts'èko wets'ǫ̀ dànàhòwo ts'ıhɂǫ̀ naxınà welè. Naxı̨ hazǫǫ̀ Nǫ̀htsı̨ wets'ǫ dǫ aahłı̨, wecheekeèdeè eyıts'ǫ nakwenàoɂǫǫ aahłı̨ı̨ sìı naxınà welè! Eyı ts'èkojıı dànì naxıts'ǫ̀ eghàlaı̨dà k'èxa Nǫ̀htsı̨ yesınìyaehtı hǫt'e,’ ” hats'edıì hǫt'e.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 21:5

Eyı daèhchı̨cho k'e whedaa sìı hadı, “T'asìı hazǫǫ̀ wegòò ahłe ha!” eyıts'ǫ sets'ǫ̀ hadı, “Eyı hazǫǫ̀ dek'enìı̨tł'è, dıı yatı sìı hotıì ehkw'ı hǫt'e eyıts'ǫ weghàà aahda ha hǫt'e.”

John Wenazhıı 21:9

Yak'eet'ı̨į̀ łǫ̀hdı̨ kw'àyį̀ą yìı wet'à hoìla dagoòɂǫ dagıale ı̨lèe sìı k'achı̨ geehɂı̨. Yak'eet'ı̨į̀ ı̨łè sets'ǫ̀ ajà, hasèhdı, “Sek'èı̨tła. Eyı ts'èko sahzǫ̀ą xè honìda ha sìı weghàı̨daà anehłe ha,” sèhdı.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.

John Wenazhıı 22:7

“Kexoahdı, hòt'a whaà-le-t'ıì jǫ ts'ǫ̀ ahde ha! Dıı enı̨htł'è k'e godı dek'eèhtł'èe sìı hòt'a wek'ę̀ę̀ agode ha. Amìı dıı godı wegha ehkw'ı-ahodıı sìı wexè sìghà hǫt'e.”

John Wenazhıı 4:1

Eyı tł'axǫǫ̀ ı̨dòo k'eeht'į̀ là senadąą̀ yak'e enìı̨tǫ enìxàı̨ke. Amìı t'akwełǫ̀ǫ̀ sets'ǫ̀ gode ı̨lèe sìı dechı̨shì dedı lanì k'achı̨ sets'ǫ̀ gode, hadı, “Įdaà dàgode ha sìı weghàı̨daà anehłe ha t'à, jǫ ts'ǫ̀ dekı̨į̀tła,” sèhdı.