John Wenazhıı 22:2 - Nǫ̀htsı̨ Nı̨htł'è

² Eyı kǫ̀godeè tı̨lı-deè nıɂàa tanı deh nı̨ı̨lı̨. Eyı deh nıɂàa sìı webàa į̀ła-ts'ǫ̀ ts'ı wet'à ts'eedaa nàwheɂa. Eyı ts'ı wek'e xo taàt'eè hoònǫ-daats'ǫ̀-nàkeè wek'e jìecho dehshe, sa taàt'eè wek'e jìecho dehshe. Eyıts'ǫ ts'ı wets'ǫ ı̨t'ǫ̀ą t'à dǫ hazǫǫ̀ xàɂaa k'aàt'ıì agede gha hǫt'e.

John Wenazhıı 22:2 ပူးပေါင်းရင်းမြစ်များ

Dànì Kèhoį̀wo 2:9

Gots'ǫ̀ K'àowo Nǫ̀htsı̨ sìı dechı̨ hazǫǫ̀ xàɂaa dèè k'e dehsheè ayį̀į̀là. Ts'ı wèdaat'ı̨ı̨ xè wets'ǫ jìecho ts'edè gha nezı̨ı̨ sìı dehsheè ayį̀į̀là. Eyı dèè-goehshee-k'è tanı ts'ı wet'à ts'eedaa nàı̨ɂa, eyıts'ǫ ts'ı wet'à nàowo nezı̨ı̨ eyıts'ǫ nàowo nezı̨-le k'èhots'eezǫǫ nàı̨ɂa.

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

John Wenazhıı 2:7

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welè. T'aa hołı̨ı̨ ghǫ hoehnèe sìı ts'ı wet'à ts'eedaa gots'ǫ shètı̨į̀ awehłe ha. Eyı ts'ı sìı Nǫ̀htsı̨ wets'ǫ hoı̨zı̨-nèk'e nàı̨ɂa hǫt'e.

John Wenazhıı 21:21

Enìı̨tǫ hoònǫ-daats'ǫ̀-nàke sìı sǫǫ̀mbakweè degoo wèdaat'ı̨ı̨ t'à hòèlı̨, enìı̨tǫ ı̨łè zǫ kò sǫǫ̀mbakweè degoo ı̨łè zǫ t'à hòèlı̨. Kǫ̀godeè gonı tı̨lı nıɂàa sìı sǫǫ̀mbaekwo deèdlı̨ı̨ t'à hòèlı̨ eyıts'ǫ eja lanì wenı̨ı̨dàà xègaat'ı̨.

John Wenazhıı 21:24

Dǫ hazǫǫ̀ xàɂaa wets'ǫ dzęh nı̨ı̨dı̨ı̨ weghàà k'egedè ha, eyıts'ǫ dıı nèk'e k'àowocho t'asìı wèdaat'ı̨ı̨ gıts'ǫ xè eyı nègedè ha.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.

John Wenazhıı 22:14

“Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.

John Wenazhıı 22:19

Eyıts'ǫ amìı dıı enı̨htł'è k'e yatı mǫ̀hdaa wedę ayį̀į̀là nı̨dè ts'ı wet'à ts'eedaa eyıts'ǫ kǫ̀godeè degaı gots'ǫ t'asìı wets'ǫ ha ı̨lèe sìı Nǫ̀htsı̨ yeghǫ naìchı ha. Ts'ı wet'à ts'eedaa eyıts'ǫ kǫ̀godeè sìı dıı enı̨htł'è k'e wegodıì dek'eèhtł'è hǫt'e.