John Wenazhıı 22:19 - Nǫ̀htsı̨ Nı̨htł'è

¹⁹ Eyıts'ǫ amìı dıı enı̨htł'è k'e yatı mǫ̀hdaa wedę ayį̀į̀là nı̨dè ts'ı wet'à ts'eedaa eyıts'ǫ kǫ̀godeè degaı gots'ǫ t'asìı wets'ǫ ha ı̨lèe sìı Nǫ̀htsı̨ yeghǫ naìchı ha. Ts'ı wet'à ts'eedaa eyıts'ǫ kǫ̀godeè sìı dıı enı̨htł'è k'e wegodıì dek'eèhtł'è hǫt'e.

John Wenazhıı 22:19 ပူးပေါင်းရင်းမြစ်များ

Luke 11:52

“Naxı̨ Nǫ̀htsı̨-yatıì-k'èahdìı-dǫǫ̀ yàahłı̨ı̨ sìı naxıgha hoìla ha! Wet'à gots'ı̨ı̨zǫǫ sìı dǫ ghǫ ààhchı. Naxı̨ wet'à goahsǫǫ̀ aahjà-le eyıts'ǫ dǫ gıt'à gogı̨ı̨zǫǫ̀ agede ha gıahwhǫ-le,” Zezì gòhdı.

John Wenazhıı 1:3

Dıı godı ı̨daà dàgode ha sìı weghǫ hǫt'e. Amìı dıı godıì k'eyahtıı sìı wexè sìghà hǫt'e. Eyıts'ǫ amìı yıìkw'o xè wegha ehkw'ı-ahodıı sìı wexè sìghà hǫt'e. Įdaà dàgode ha sìı hòt'a wets'ǫ̀ hawe hǫt'e.

John Wenazhıı 11:2

Hanìkò Nǫ̀htsı̨kǫ̀-gocho gomǫ̀ht'a kwekwı̨į̀ nechàa weyìı kwekwı̨į̀ nechà-lea nawheɂaa wege gòɂǫǫ sìı wexèɂį̀hdzà-le, eyı sìı dǫ eładı̨ı̨ gıgha ne t'à. Dı̨ènǫ-daats'ǫ̀-nàke sa gots'ǫ̀ kǫ̀godeè degaı sìı wedıhogehtsı̨ ha.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 14:13

Eyı tł'axǫǫ̀ yak'e gots'ǫ dıı hats'edıì hǫt'e: “Dıı dek'enìı̨tł'è: Jǫ gots'ǫ ı̨daà amìı gots'ǫ̀ K'àowo gıgha ehkw'ı adıı xè ełaàgedee sìı gıxè sìghà hǫt'e,” hats'edıì hǫt'e. Yedàyeh Nezı̨ı̨ hadı, “Hęɂę, hòtł'ò eghàlagı̨ı̨dà k'èxa k'èhogeèɂa ha eyıts'ǫ ayìı dàgı̨ı̨laa sìı t'aats'ǫǫ̀ gıxè whela ha,” hadı.

John Wenazhıı 2:11

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı nàekeè t'à ełaàts'ewıı sìı t'à daı̨ɂa ha-le.

John Wenazhıı 2:26

“T'aa hołı̨ı̨ ghǫehnèe eyıts'ǫ nǫǫde ts'ǫ̀ sek'ę̀ę̀ edaa sìı dǫ hazǫǫ̀ xàɂaa ts'ǫ̀ k'àowoò awehłe ha.

John Wenazhıı 2:7

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welè. T'aa hołı̨ı̨ ghǫ hoehnèe sìı ts'ı wet'à ts'eedaa gots'ǫ shètı̨į̀ awehłe ha. Eyı ts'ı sìı Nǫ̀htsı̨ wets'ǫ hoı̨zı̨-nèk'e nàı̨ɂa hǫt'e.

John Wenazhıı 21:2

Yak'e gots'ǫ Kǫ̀godeè Degaı ı̨zhıì ajà wègaat'ı̨. Kǫ̀godeè wegòò Jerusalem, Nǫ̀htsı̨ gots'ǫ ı̨zhıì ajà. Ts'èko dǫzhìı xè honìda ha goht'ǫ wèdaat'ı̨ı̨ yìı wheda lanì eyı kǫ̀godeè wèdaat'ı̨.

John Wenazhıı 21:5

Eyı daèhchı̨cho k'e whedaa sìı hadı, “T'asìı hazǫǫ̀ wegòò ahłe ha!” eyıts'ǫ sets'ǫ̀ hadı, “Eyı hazǫǫ̀ dek'enìı̨tł'è, dıı yatı sìı hotıì ehkw'ı hǫt'e eyıts'ǫ weghàà aahda ha hǫt'e.”

John Wenazhıı 22:12

“Kexoahdı, hòt'a whaà-le-t'ıì jǫ ts'ǫ̀ ahde ha! Ayìı dǫ ghàehłe ha sìı edexè k'ehłe. Dǫ dànì eghàlagı̨ı̨dà k'èxa t'asìı gıghàehłe ha.

John Wenazhıı 22:2

Eyı kǫ̀godeè tı̨lı-deè nıɂàa tanı deh nı̨ı̨lı̨. Eyı deh nıɂàa sìı webàa į̀ła-ts'ǫ̀ ts'ı wet'à ts'eedaa nàwheɂa. Eyı ts'ı wek'e xo taàt'eè hoònǫ-daats'ǫ̀-nàkeè wek'e jìecho dehshe, sa taàt'eè wek'e jìecho dehshe. Eyıts'ǫ ts'ı wets'ǫ ı̨t'ǫ̀ą t'à dǫ hazǫǫ̀ xàɂaa k'aàt'ıì agede gha hǫt'e.

John Wenazhıı 22:7

“Kexoahdı, hòt'a whaà-le-t'ıì jǫ ts'ǫ̀ ahde ha! Dıı enı̨htł'è k'e godı dek'eèhtł'èe sìı hòt'a wek'ę̀ę̀ agode ha. Amìı dıı godı wegha ehkw'ı-ahodıı sìı wexè sìghà hǫt'e.”

John Wenazhıı 3:12

T'aa hołı̨ı̨ ghǫehnèe sìı Nǫ̀htsı̨kǫ̀-gocho goyìı kwe nàtsoo nàı̨ɂa elı̨į̀ awehłe xè t'aats'ǫǫ̀ ekǫ wehòhɂǫ ha. Nǫ̀htsı̨ wıızì eyıts'ǫ Nǫ̀htsı̨ wekǫ̀godeè wıızì wek'e dek'eèhtł'è ha. Eyı kǫ̀godeè wegòò sìı Jerusalem wìyeh; Nǫ̀htsı̨ yak'e gots'ǫ ı̨zhıì adeè ayele ha. T'aa wınì nàtsoo sìı sıızì wegòò wek'e dek'enèehtł'è ha.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.