John Wenazhıı 22:15 - Nǫ̀htsı̨ Nı̨htł'è

¹⁵ Hanìkò hołı̨ı̨-dǫǫ̀ mǫ̀ht'a geèhkw'e ha, ı̨k'ǫǫ̀-gı̨ı̨lı̨ı̨-dǫǫ̀, hołı̨ı̨ k'ę̀ę̀ dǫ k'alagedèe dǫǫ̀, dǫ ełaàgehdee dǫǫ̀, nǫ̀htsı̨ą hòèlı̨ı̨ ts'ǫ̀ yagehtıı dǫǫ̀, eyıts'ǫ hogets'ìı ghageewıı dǫǫ̀, hazǫǫ̀ mǫ̀ht'a geèhkw'e ha.

John Wenazhıı 22:15 ပူးပေါင်းရင်းမြစ်များ

Matthew 7:6

“Łèt'è degaı sìı tłı̨ ghàahdı-le. Whǫǫ̀zaa dètìı sìı gogòò ts'ǫ̀ aahdè-le. Haahłà nı̨dè tłı̨ naxıdzıìgeɂà ha eyıts'ǫ gogòò whǫǫ̀zaa tàtsǫgeèhɂe ha.

Matthew 8:12

Hanìkò Nǫ̀htsı̨ wets'ǫ dǫ ts'ı̨ı̨lı̨ı̨ sìı togoòtł'ò ts'ǫ̀ xàgıdeezhı ha. Ekǫ getse xè sıì gıgha hoìla ha,” Zezì gòhdı.

John 8:46

Asį̀į̀ naxı̨ ı̨łè hołı̨ı̨ hòwhıhtsı̨ sèhdı sek'e nìdahoeɂà ha dìì-le? Ehkw'ı gohde nı̨dè dànìghǫ naxıgha ehkw'ı aehsı̨-le?

Zezì Wecheekeèdeè 8:11

Whaà gots'ǫ edets'ǫ ı̨k'ǫǫ̀ t'à gogha sììdì hòèhtsı̨ t'à dǫ łǫ gık'èè k'edè.

Phılıppı 3:2

Dǫ, tłı̨ wets'àhoejı̨ı̨ lagı̨ı̨t'ee sìı gıxoahdı. Hanıı dǫ sìı hołı̨ı̨ hogehtsı̨ eyıts'ǫ dǫkwǫ̀ tàgeehwhe ha gı̨ı̨wǫ.

Colosse 3:6

Dǫ eyı hanıı hołı̨ı̨ k'alagedè ts'ıhɂǫ̀ Nǫ̀htsı̨ nàgoehkwa ha hǫt'e.

1 Tımothy 1:10

ełexè hołı̨ı̨ hogehtsı̨ı̨ dǫǫ̀, dǫzhìı hołı̨ı̨ k'ę̀ę̀ ełek'alagedèe dǫǫ̀, dǫ gıghǫ nàedìı dǫǫ̀, hogets'ìı-dǫǫ̀, eyıts'ǫ nàyaetıı gonı ehkw'ı xàyagehtı-le dǫǫ̀. Dǫ hazǫǫ̀ Nǫ̀htsı̨ enıìyah t'à wegodıì nezı̨ı̨ k'ę̀ę̀ hoghàgoetǫ k'èch'a eghàlageedaa sìı gıgha adlà hǫt'e. Nǫ̀htsı̨ weghàsǫts'eedıı sìı wegodıì t'à dǫ hoghàgeehtǫ ha setł'aà wheɂǫǫ̀ ayį̀į̀là hǫt'e.

John Wenazhıı 18:23

Ekǫ ek'aèk'ǫ wı̨ı̨zìı k'achı̨ dèk'ǫ̀ǫ ha-le. Ekǫ dǫzhìı eyıts'ǫ ts'èko honìgedè ha-le. Kǫ̀godeè Babylon gots'ǫ k'aàwı sìı dıı nèk'e gogha dǫ wet'àaɂàa deè gı̨ı̨lı̨ ı̨lè. Eyı ts'èkojıı wet'à dǫ hazǫǫ̀ xàɂaa gıghǫyahoòt'ǫ t'à ts'ıɂǫ̀ geède.

John Wenazhıı 21:27

T'asìı wejıı sìı eyı kǫ̀godeè ts'ǫ̀ adle ha-le, eyıts'ǫ dǫ wı̨ı̨zìı hołı̨ı̨ hohtsı̨ı̨ xè hots'ì godee sìı eyı kǫ̀godeè goyaetła ha-le. Dǫ welǫ whìle ts'ǫ̀ geeda xè Sahzǫ̀ą wenı̨htł'è k'e gıızì dek'eèhtł'èe sìı eyı kǫ̀godeè goyageedè ha.

John Wenazhıı 21:8

Hanìkò dǫ gınì nàtso-le sìı, dǫ ehkw'ı-ahodı gı̨ı̨wǫ-le sìı, dǫjıı, dǫ ełaàgehdee dǫǫ̀, hołı̨ı̨ k'alagedèe dǫǫ̀, ı̨k'ǫǫ̀ gı̨ı̨lı̨ı̨, kwe t'à nǫ̀htsı̨ą hòèlı̨ı̨ ts'ǫ̀ yagehtıı, eyıts'ǫ hots'ìı-dǫǫ̀, hazǫǫ̀ kwe dèk'ǫ̀ǫ whehtǫǫ weta ts'ǫ̀ agedle ha. Nàekeè t'à ełaàgede ha,” sets'ǫ̀ hadı.