John Wenazhıı 22:14 - Nǫ̀htsı̨ Nı̨htł'è

¹⁴ “Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.

John Wenazhıı 22:14 ပူးပေါင်းရင်းမြစ်များ

Dànì Kèhoį̀wo 2:9

Gots'ǫ̀ K'àowo Nǫ̀htsı̨ sìı dechı̨ hazǫǫ̀ xàɂaa dèè k'e dehsheè ayį̀į̀là. Ts'ı wèdaat'ı̨ı̨ xè wets'ǫ jìecho ts'edè gha nezı̨ı̨ sìı dehsheè ayį̀į̀là. Eyı dèè-goehshee-k'è tanı ts'ı wet'à ts'eedaa nàı̨ɂa, eyıts'ǫ ts'ı wet'à nàowo nezı̨ı̨ eyıts'ǫ nàowo nezı̨-le k'èhots'eezǫǫ nàı̨ɂa.

Dànì Kèhoį̀wo 3:22

Eyıts'ǫ gots'ǫ̀ K'àowo Nǫ̀htsı̨ hadı, “Dıı dǫ, nàowo nezı̨ı̨ eyıts'ǫ nàowo nezı̨-le k'èhoezǫ t'à goxèht'eè lajà. Ts'ı wet'à ts'eedaa gots'ǫ jìecho yııɂà sǫ̀ǫ̀, yı̨ı̨ɂà nı̨dè welǫ whìle ts'ǫ̀ eda ha,” hadı.

John 10:7

Eyıt'à Zezì k'achı̨ hadı, “Ehkw'ı anaxèehsı̨, sı̨ sìı sahzǫ̀ą gıgha enìı̨tǫ laaht'e.

John 10:9

Sı̨ enìı̨tǫ laaht'e. Amìı eyı enìı̨tǫ k'è goyaetłaa sìı edaxàweetè ha hǫt'e. Ededı̨ goyaetła xè xàetła ha, hanì-ı̨dè nezı̨į̀ shètı̨ xè wek'èhodì.

John 14:15

Zezì edecheekeè ts'ǫ̀ hadı, “Seghǫnıahtǫ nı̨dè seyatıì k'èaht'e ha hǫt'e.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 4:12

Gocho Jacob wenahk'e anet'e nì-ghǫ aı̨dı? Ededı̨ dıı tı-ts'ìhchıı-k'è goghàı̨ɂǫ hǫt'e. Ededı̨ jǫ gots'ǫ tı ats'e, weza sı eyıts'ǫ wets'ǫ tıts'aàdìı sı jǫ tı gıats'e hǫt'e,” yèhdı.

1 Corınth 7:19

Dǫ wekwǫ̀ nàt'àa, dǫ wekwǫ̀ nàt'à-le, eyı Nǫ̀htsı̨ wegha wet'àaɂà nıìle. Nǫ̀htsı̨ wenàowoò k'èts'edì eyı t'aa sıì wet'àaɂà hǫt'e.

1 Corınth 8:9

Eyıt'à edexoahdı, bò hanıı aahdè naxıgha t'asìı nıìle kò, naxèot'ı̨ wınì nàtso-le sìı naxıt'à ekǫ-le awede sǫ̀ǫ̀.

1 Corınth 9:5

Zezì wecheekeèdeè eyıì-le, gots'ǫ̀ K'àowo wechıke, eyıts'ǫ Peter, gıxèht'eè gots'èkeè gıgha ehkw'ı-ahodıı sìı edexè agets'ele ha goghàhòt'ǫ-le nì?

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

1 John 3:3

Dǫ hazǫǫ̀ eyı hagode ha gıgha ehkw'ı-ahodıı sìı degaı k'ę̀ę̀ edek'ègedì ha hǫt'e, Zezì-Krı dànì degaı elı̨ k'ę̀ę̀.

1 John 5:3

Dıı hanì Nǫ̀htsı̨ weghǫnets'eètǫ hǫt'e: Nǫ̀htsı̨ nàowo goghàı̨ɂǫǫ sìı wek'ę̀ę̀ ts'eeda. Wenàowoò k'ę̀ę̀ ts'eedaa sìı dezhì nıìle.

John Wenazhıı 2:7

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welè. T'aa hołı̨ı̨ ghǫ hoehnèe sìı ts'ı wet'à ts'eedaa gots'ǫ shètı̨į̀ awehłe ha. Eyı ts'ı sìı Nǫ̀htsı̨ wets'ǫ hoı̨zı̨-nèk'e nàı̨ɂa hǫt'e.

John Wenazhıı 21:12

Eyı kǫ̀godeè wemǫǫ̀ kwı̨į̀ danı̨ı̨chàa nawheɂa. Eyı kwı̨į̀ sìı dekòo xè dagǫǫwà hǫt'e. Eyı kwı̨į̀ wek'e enìı̨tǫ hoònǫ-daats'ǫ̀-nàke whela eyıts'ǫ yak'eet'ı̨į̀ hoònǫ-daats'ǫ̀-nàke enìı̨tǫ k'ègedì. Eyı enìı̨tǫ k'e Israel got'ı̨į̀ gots'ǫ dǫ hoònǫ-daats'ǫ̀-nàke xàɂaa gı̨ı̨lı̨ı̨ sìı gıızì dek'eèhtł'è.

John Wenazhıı 21:27

T'asìı wejıı sìı eyı kǫ̀godeè ts'ǫ̀ adle ha-le, eyıts'ǫ dǫ wı̨ı̨zìı hołı̨ı̨ hohtsı̨ı̨ xè hots'ì godee sìı eyı kǫ̀godeè goyaetła ha-le. Dǫ welǫ whìle ts'ǫ̀ geeda xè Sahzǫ̀ą wenı̨htł'è k'e gıızì dek'eèhtł'èe sìı eyı kǫ̀godeè goyageedè ha.

John Wenazhıı 22:2

Eyı kǫ̀godeè tı̨lı-deè nıɂàa tanı deh nı̨ı̨lı̨. Eyı deh nıɂàa sìı webàa į̀ła-ts'ǫ̀ ts'ı wet'à ts'eedaa nàwheɂa. Eyı ts'ı wek'e xo taàt'eè hoònǫ-daats'ǫ̀-nàkeè wek'e jìecho dehshe, sa taàt'eè wek'e jìecho dehshe. Eyıts'ǫ ts'ı wets'ǫ ı̨t'ǫ̀ą t'à dǫ hazǫǫ̀ xàɂaa k'aàt'ıì agede gha hǫt'e.

John Wenazhıı 22:7

“Kexoahdı, hòt'a whaà-le-t'ıì jǫ ts'ǫ̀ ahde ha! Dıı enı̨htł'è k'e godı dek'eèhtł'èe sìı hòt'a wek'ę̀ę̀ agode ha. Amìı dıı godı wegha ehkw'ı-ahodıı sìı wexè sìghà hǫt'e.”

John Wenazhıı 7:14

Eyıt'à wets'ǫ̀ haehsı̨, “K'àowo, nı̨ wek'èı̨zǫ hǫt'e.” Sets'ǫ̀ hadı, “Eyı agı̨ı̨t'ee sìı hòtł'ò dagı̨ı̨ɂà hǫt'e. Sahzǫ̀ą wedoò t'à edeɂeè k'enagı̨ı̨htso t'à gıɂeè degoò agį̀į̀là hǫt'e.