John Wenazhıı 21:8 - Nǫ̀htsı̨ Nı̨htł'è

⁸ Hanìkò dǫ gınì nàtso-le sìı, dǫ ehkw'ı-ahodı gı̨ı̨wǫ-le sìı, dǫjıı, dǫ ełaàgehdee dǫǫ̀, hołı̨ı̨ k'alagedèe dǫǫ̀, ı̨k'ǫǫ̀ gı̨ı̨lı̨ı̨, kwe t'à nǫ̀htsı̨ą hòèlı̨ı̨ ts'ǫ̀ yagehtıı, eyıts'ǫ hots'ìı-dǫǫ̀, hazǫǫ̀ kwe dèk'ǫ̀ǫ whehtǫǫ weta ts'ǫ̀ agedle ha. Nàekeè t'à ełaàgede ha,” sets'ǫ̀ hadı.

John Wenazhıı 21:8 ပူးပေါင်းရင်းမြစ်များ

Matthew 10:28

Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Matthew 25:25

Nets'àehjı̨ t'à dèè goyìı nesǫǫ̀mbaà nàehɂı̨. Jǫ nesǫǫ̀mbaà hazǫǫ̀ whela,’ yèhdı.

Matthew 8:26

Zezì gots'ǫ̀ hadı, “Naxınì nàtso-le. Dànìghǫ sıì dahjı̨ nǫǫ̀?” gòhdı. Elà yìı nàwo xè nı̨hts'ı eyıts'ǫ taatı̨į̀ whìle aahde gòhdı t'à, ts'èwhı̨į̀ hòɂǫǫ̀ agòjà.

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

2 Thessalonıca 2:9

Eyı dǫ wejıı nììtła nı̨dè wehłı̨ı̨ wedahxà eghàlaeda ha, ts'àhohtsı̨ xè enıìyah deè hohtsı̨ ha, eyıt'à dǫ ghǫyaeɂà ha.

1 Tımothy 4:2

Dǫ negezı̨-le sìı eyı nàowo dǫ hoghàgogeehtǫ hǫt'e. Eyı dǫ nezı̨į̀ gìgaat'ı̨ hanìkò hogets'ì agı̨ı̨t'e. Gınì ełaı̨dèe lanì, ayìı ehkw'ıı eyıts'ǫ ayìı ekǫ-le sìı gınıehdì-le.

Tıtus 1:16

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

Hebrew 12:24

Zezì wets'ǫ̀ nìahde hǫt'e, ededı̨ gogha tanı wheda elı̨ t'à nakenahòdlı̨ı̨ wegòò k'ę̀ę̀ Nǫ̀htsı̨ ts'ǫ̀ nègǫǫla hǫt'e. Eyıts'ǫ Zezì wedoò Nǫ̀htsı̨ ladà k'e adlàa sìı ts'ǫ̀ nìahde hǫt'e, eyı sìı Abè wedoò nahk'e gots'ǫ̀ sìghà xàyaetı hǫt'e.

Hebrew 13:4

Hots'et'ı̨ı̨ nàowoò sìı nezı̨į̀ wek'èahdì ha hǫt'e. Dǫzhìı eyıts'ǫ wets'èkeè ełets'ǫ̀ ehkw'ı geeda ha, eyıts'ǫ dǫ eyıì-le xè aget'ı̨ ha-le. Dǫ ełexè hołı̨ı̨ hogehtsı̨ı̨ eyıts'ǫ edezhį̀į̀ t'à hołı̨ı̨ k'alagedèe sìı Nǫ̀htsı̨ gosınìyaehtı ha hǫt'e.

1 John 2:22

Amìı hots'ìı-dǫǫ̀ elı̨? “Zezì, Chrıst hǫt'e-le,” hadıı sìı hots'ìı-dǫǫ̀ elı̨ hǫt'e. Dǫ hanì hots'ìı sìı Chrıst k'èch'a elı̨ hǫt'e, eyıts'ǫ Nǫ̀htsı̨-Gotà yegha ehkw'ı adı-le eyıts'ǫ Weza sı yegha ehkw'ı adı-le.

1 John 3:15

Amìı edèot'ı̨ nèlı̨-le sìı eweèt'ı̨ı̨ gha wııtà hǫt'e, dǫ eweèt'ı̨ı̨ elı̨ı̨ sìı welǫ whìle ts'ǫ̀ eda ha nıìle, eyı wek'èahsǫ hǫt'e.

1 John 5:10

Amìı, Nǫ̀htsı̨ Weza ehkw'ı adı nıwǫǫ sìı Nǫ̀htsı̨ Edeza ghǫ dàdıı sìı ededzeè yìı yek'èdì hǫt'e. Amìı wegha ehkw'ı-ahodı-le sìı Nǫ̀htsı̨ hots'ì adı nıwǫ, Nǫ̀htsı̨ Edeza ghǫ dàdıı sìı wegha ehkw'ı-ahodı-le t'à.

John Wenazhıı 14:10

Nǫ̀htsı̨ hòtł'ò nàyeehkwa ha. Nǫ̀htsı̨ sıì wets'ǫ̀ wek'èch'a t'à hòtł'ò daı̨ɂa yeghàhòɂà ha. Sahzǫ̀ą eyıts'ǫ yak'eet'ı̨į̀ gınadąą̀ kwe dèk'ǫ̀ǫ t'à daı̨ɂaà awedle ha hǫt'e.

John Wenazhıı 19:20

Hanìkò tıts'aàdìı nechàa dagıachì eyıts'ǫ wets'ǫ nakwenàoɂǫǫ ehkw'ı gode-le sìı eyı sı dagıachì. Eyı nakwenàoɂǫǫ sìı tıts'aàdìı nechàa dahxà enıìyah hòèhtsı̨ t'à dǫ łǫ tıts'aàdìı nechàa wıızì gık'e wheɂǫǫ eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgèe sìı ts'ıɂǫ̀ geèdeè agǫ̀ǫ̀là. Eyı tıts'aàdìı nechàa eyıts'ǫ wets'ǫ nakwenàoɂǫǫ-łı̨ı̨ ı̨łaà geeda et'ıì, kwe dèk'ǫ̀ǫ ta ts'ǫ̀ gogeèhde.

John Wenazhıı 2:11

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı nàekeè t'à ełaàts'ewıı sìı t'à daı̨ɂa ha-le.

John Wenazhıı 2:2

“Dànì aahdaa sìı naxık'èehsǫ hǫt'e. Segha hòtł'ò eghàlaahda eyıts'ǫ hoìla kò seghǫ naxınì nàtso wek'èehsǫ hǫt'e. Dǫ hołı̨ı̨ k'ę̀ę̀ geedaa sìı gıxè aaht'ı̨-le naxık'èehsǫ. Eyıts'ǫ dǫ hogets'ì t'à Nǫ̀htsı̨ wecheekeèdeè ats'ı̨ı̨t'e gedıı sìı gıahdzà t'à ehkw'ı agedı-le gıgòahɂǫ hǫt'e.

John Wenazhıı 21:27

T'asìı wejıı sìı eyı kǫ̀godeè ts'ǫ̀ adle ha-le, eyıts'ǫ dǫ wı̨ı̨zìı hołı̨ı̨ hohtsı̨ı̨ xè hots'ì godee sìı eyı kǫ̀godeè goyaetła ha-le. Dǫ welǫ whìle ts'ǫ̀ geeda xè Sahzǫ̀ą wenı̨htł'è k'e gıızì dek'eèhtł'èe sìı eyı kǫ̀godeè goyageedè ha.

John Wenazhıı 22:15

Hanìkò hołı̨ı̨-dǫǫ̀ mǫ̀ht'a geèhkw'e ha, ı̨k'ǫǫ̀-gı̨ı̨lı̨ı̨-dǫǫ̀, hołı̨ı̨ k'ę̀ę̀ dǫ k'alagedèe dǫǫ̀, dǫ ełaàgehdee dǫǫ̀, nǫ̀htsı̨ą hòèlı̨ı̨ ts'ǫ̀ yagehtıı dǫǫ̀, eyıts'ǫ hogets'ìı ghageewıı dǫǫ̀, hazǫǫ̀ mǫ̀ht'a geèhkw'e ha.

John Wenazhıı 9:17

Tłı̨cho eyıts'ǫ dǫ gık'e dageèhkw'ee sìı dıı hanì senazhıı gìgoèht'į̀: Satsǫ̀ gıdzǫ whelaa sìı kǫ̀ lanì dek'o, dèhtł'è-dezǫǫ xè dekwo-degoo lanì wègaat'ı̨. Tłı̨cho gıkwì sìı goòjìıkwì lanì eyıts'ǫ gıwà gots'ǫ kǫ̀ xè ło, eyıts'ǫ kwe dèk'ǫ̀ǫ xàewì.

John Wenazhıı 9:21

Ełaàłegìhde, ı̨k'ǫǫ̀ t'à ałegehɂı̨, edezhį̀į̀ t'à hołı̨ı̨ k'alagedè eyıts'ǫ egeeɂį̀, hanìkò edek'egı̨ı̨lı̨-le.