John Wenazhıı 21:5 - Nǫ̀htsı̨ Nı̨htł'è

⁵ Eyı daèhchı̨cho k'e whedaa sìı hadı, “T'asìı hazǫǫ̀ wegòò ahłe ha!” eyıts'ǫ sets'ǫ̀ hadı, “Eyı hazǫǫ̀ dek'enìı̨tł'è, dıı yatı sìı hotıì ehkw'ı hǫt'e eyıts'ǫ weghàà aahda ha hǫt'e.”

John Wenazhıı 21:5 ပူးပေါင်းရင်းမြစ်များ

Luke 5:38

Į̀le ne, jìetìgòò hoèlı̨ı̨ sìı jìetìwò wegòò yìı ts'ehtł'ì ha hǫt'e.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Hebrew 12:27

“K'achı̨ ı̨łàà,” hadıı sìı t'asìı hazǫǫ̀ wexè nàgoìdà ha sìı wedę adle ha dıì-adı. T'asìı hòèlı̨ı̨ sìı whìle adle ha, eyıts'ǫ t'asìı nàeda ha dìì sìı welǫ whìle ts'ǫ̀ whela ha.

John Wenazhıı 1:11

dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 1:19

“Eyıt'à ayìı ghàı̨daa sìı dek'enìı̨tł'è. Dıì dàgode ha eyıts'ǫ ı̨daà dàgode ha sìı dek'enìı̨tł'è.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.

John Wenazhıı 22:19

Eyıts'ǫ amìı dıı enı̨htł'è k'e yatı mǫ̀hdaa wedę ayį̀į̀là nı̨dè ts'ı wet'à ts'eedaa eyıts'ǫ kǫ̀godeè degaı gots'ǫ t'asìı wets'ǫ ha ı̨lèe sìı Nǫ̀htsı̨ yeghǫ naìchı ha. Ts'ı wet'à ts'eedaa eyıts'ǫ kǫ̀godeè sìı dıı enı̨htł'è k'e wegodıì dek'eèhtł'è hǫt'e.

John Wenazhıı 22:6

Yak'eet'ı̨į̀ sets'ǫ̀ hadı, “Dıı yatı sìı hotıì ehkw'ı hǫt'e, eyıts'ǫ weghàà aahda ha hǫt'e. Nǫ̀htsı̨ sìı gots'ǫ̀ K'àowo hǫt'e, ededı̨ zǫ wedahxà nakwenàoɂǫǫ gogede hǫt'e. Whaà-le-t'ıì dàgode ha sìı wecheekeè gık'èezǫ ha nıwǫ t'à edeyak'eet'ı̨į̀ nets'ǫ̀ yı̨ı̨hɂà hǫt'e,” sèhdı.

John Wenazhıı 4:2

Ekòet'ıì Nǫ̀htsı̨ wets'ǫ Įnì Degaı sexèhdı t'à senadąą̀ yak'e daèhchı̨cho whetǫǫ eyıts'ǫ wek'e ts'edaa segha wègoèht'į̀.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,

John Wenazhıı 5:1

Eyı daèhchı̨cho k'e whedaa sìı nàgòts'ehnèe ts'ǫ enı̨htł'èyeè dayeɂa. Eyı enı̨htł'è į̀ła-ts'ǫ̀ wek'e aatł'èe eyıts'ǫ łǫ̀hdı̨ ts'ǫ̀ wedaàdzeh.