John Wenazhıı 21:15 - Nǫ̀htsı̨ Nı̨htł'è

¹⁵ Eyı yak'eet'ı̨į̀ sets'ǫ̀ godee sìı wet'à ìdzàa sǫǫ̀mbaekwo t'à hòèlı̨ı̨ k'eɂa. Eyı wet'à kǫ̀godeè wemǫǫ̀ kwı̨į̀ danı̨ı̨chàa nawheɂa, enìı̨tǫ eyıts'ǫ kǫ̀godeè dàı̨hchoo sìı yexèɂìhdzà ha k'eyeɂa.

John Wenazhıı 21:15 ပူးပေါင်းရင်းမြစ်များ

John Wenazhıı 21:12

Eyı kǫ̀godeè wemǫǫ̀ kwı̨į̀ danı̨ı̨chàa nawheɂa. Eyı kwı̨į̀ sìı dekòo xè dagǫǫwà hǫt'e. Eyı kwı̨į̀ wek'e enìı̨tǫ hoònǫ-daats'ǫ̀-nàke whela eyıts'ǫ yak'eet'ı̨į̀ hoònǫ-daats'ǫ̀-nàke enìı̨tǫ k'ègedì. Eyı enìı̨tǫ k'e Israel got'ı̨į̀ gots'ǫ dǫ hoònǫ-daats'ǫ̀-nàke xàɂaa gı̨ı̨lı̨ı̨ sìı gıızì dek'eèhtł'è.

John Wenazhıı 21:16

Kǫ̀godeè wedzıì dı̨ gǫ̀hłı̨; dàı̨hdoo sìı wexènìı̨hkò. Yak'eet'ı̨į̀ eyı sǫǫ̀mbaekwo dechı̨ t'à kǫ̀godeè xèɂìhdzà ekò ı̨łè-lemì-daats'ǫ̀-sı̨làekw'eènǫ echı̨ haı̨hdo hǫt'e nǫǫ̀, eyıts'ǫ hanìı̨hkò xè hadagǫǫwà hǫt'e.

John Wenazhıı 21:21

Enìı̨tǫ hoònǫ-daats'ǫ̀-nàke sìı sǫǫ̀mbakweè degoo wèdaat'ı̨ı̨ t'à hòèlı̨, enìı̨tǫ ı̨łè zǫ kò sǫǫ̀mbakweè degoo ı̨łè zǫ t'à hòèlı̨. Kǫ̀godeè gonı tı̨lı nıɂàa sìı sǫǫ̀mbaekwo deèdlı̨ı̨ t'à hòèlı̨ eyıts'ǫ eja lanì wenı̨ı̨dàà xègaat'ı̨.

John Wenazhıı 21:25

To agode ha nıìle t'à, eyı kǫ̀godeè wets'ǫ enìı̨tǫ sìı eneèdo hǫı̨lı̨ ha nıìle.