John Wenazhıı 20:8 - Nǫ̀htsı̨ Nı̨htł'è

⁸ Dıı nèk'e hazǫǫ̀ ts'ǫ̀ wek'eèhoowo ha, dǫ hazǫǫ̀ xàɂaa goghǫyaeɂà t'à ełegegǫ gha ełègoowa ha. Eyı dǫ xàɂaa agole ha sìı Gog eyıts'ǫ Magog gìyeh. Tabàa ewaà dàtłǫǫ sìı dǫ wexètłǫ hǫt'e.

John Wenazhıı 20:8 ပူးပေါင်းရင်းမြစ်များ

Hebrew 11:12

Eyıt'à Abraham ełaı̨wo k'ę̀ę̀ wııtà kò, wets'ıhɂǫ̀ǫ-dǫǫ̀ gı̨ı̨tłǫǫ̀ ajà t'à yat'a whǫ̀ dawhelaa lageètłǫ eyıts'ǫ tabàa ewaà xètłǫ lagejà.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 16:14

Eyı ı̨nìłı̨ı̨ sìı enıìyah hogehtsı̨, eyıts'ǫ dıı nèk'e k'àowocho hazǫǫ̀ ts'ǫ̀ agejà. Nǫ̀htsı̨ t'asìı wegha dìì-le sìı wets'ǫ dzędeè k'e ełegegǫ ha k'àowocho hazǫǫ̀ łą̀ą ełègehdè agogį̀į̀là.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 20:3

Įzhıì dèè goyìı gǫǫ̀ɂàa ekǫ goyìı yı̨ı̨hxà gà wets'ǫdaàdoò ayį̀į̀là. Dǫ wı̨ı̨zìı yets'ǫ̀ enìxàechı ha-le ayį̀į̀là. Eyıt'à ı̨łè-lemì xo gots'ǫ̀ eyı tıts'aàdìıcho dek'oo sìı dǫ hazǫǫ̀ xàɂaa ts'ıɂǫ̀ geedè agole ha-le. Eyı tł'axǫǫ̀ nı̨dè whaà-lea ts'ǫ̀ xàetłaà agele ha.

John Wenazhıı 7:1

Eyı tł'axǫǫ̀ yak'eet'ı̨į̀ dı̨ dıı nèk'e wedzıì dı̨ gòlaa gà nàgeèhza gìgoèht'į̀. Dèè gok'e, tı k'e eyıts'ǫ ts'ı ta nı̨hts'ı ade ha-le t'à nı̨hts'ı ı̨dè ts'ǫ̀ gıtǫ̀.