John Wenazhıı 20:4 - Nǫ̀htsı̨ Nı̨htł'è

⁴ Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 20:4 ပူးပေါင်းရင်းမြစ်များ

Matthew 19:28

Zezì edecheekeè gots'ǫ̀ hadı, “Ehkw'ı anaxèehsı̨, t'asìı hazǫǫ̀ wegòò anagòjà xè Dǫ-wet'àaɂàa-deè k'àowocho whelı̨ t'à ededaèhchı̨cho k'e wheda nı̨dè naxı̨ sek'èè k'eahdè ı̨lèe sìı daèhchı̨cho hoònǫ-daats'ǫ̀-nàke k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha.

Matthew 24:10

Ekìıyeè k'e dǫ łǫ gıgha ehkw'ı-ahodı-le agode ha, eyıts'ǫ k'aodèe ghàłegìle ha eyı xè ełedzagı̨ı̨hwhǫ ha hǫt'e.

Mark 6:16

Eyıt'à k'àowocho Herod yeghǫ ıìkw'o ekò hadı, “John-Baptıst wekwì k'egı̨ı̨hkà ahłà ı̨lè naìdà at'ı̨ ne!” hadı.

Mark 6:27

Ekòet'ıì Herod eghǫǫ-dǫǫ̀ ts'ǫ̀ hadı, “John-Baptıst wekwì jǫ-į̀chı,” yèhdı. Eyıt'à eghǫǫ-dǫǫ̀ dǫ-danìı̨laa-kǫ̀ John-Baptıst wekwì k'ı̨ı̨hkà

Mark 9:11

Wecheekeè taı dageehke, “Dànìghǫ Nǫ̀htsı̨-yatıì-k'ègedìı-dǫǫ̀ nakwenàoɂǫǫ Elıjah t'akwełǫ̀ǫ̀ nììtła ha, gedı,” gıìhdı.

Luke 1:17

Ededı̨ sìı gots'ǫ̀ K'àowo nakweè etłe ha, eyıts'ǫ nakwenàoɂǫǫ Elıjah wets'ǫ ı̨nì nàtsoo wets'ǫ̀-èlı̨ ha. Dǫ edeza ghǫnegeètǫ anagole ha. Eyıts'ǫ Nǫ̀htsı̨ k'èagı̨ı̨t'e-le sìı gogı̨ı̨zǫ xè ehkw'ı geedaà agole ha. Gots'ǫ̀ K'àowo gha dǫ ts'atà geèhkw'eè agole ha,” yak'eet'ı̨į̀ yèhdı.

Luke 14:14

Hanejà nı̨dè nexè sìghà agode ha. Ek'èt'à neghǫ̀geedì ha dìì kò nǫǫde dzęę̀ k'e dǫ ehkw'ı geedaa sìı nagìdà nı̨dè ek'èt'à nets'àɂeedì ha hǫt'e,” Zezì yèhdı.

Luke 22:30

K'àowocho whıhłı̨ nı̨dè seladà k'e shèahzhe ha eyıts'ǫ daèhchı̨cho k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha,” gots'ǫ̀ hadı.

John 14:19

Hòt'a whaà-le-t'ıì dıı nèk'e dǫ hazǫǫ̀ k'achı̨ segeɂį̀ ha-le, hanìkò naxı̨ seahɂį̀ ha. Sı̨ ehda t'à naxı̨ sı aahda ha.

Rome 11:15

Nǫ̀htsı̨ Israel got'ı̨į̀ ɂǫ̀goèhde t'à dıı nèk'e dǫ Nǫ̀htsı̨ xè ts'èwhı̨į̀ geedaà agejà hǫt'e. Ekò Israel got'ı̨į̀ Nǫ̀htsı̨ nagòchì nı̨dè weghǫ enıìyah nechà ha hǫt'e; ełaàgı̨ı̨dè gots'ǫ nagìdà lagede ha.

Rome 8:17

Eyıt'à Nǫ̀htsı̨ weza ats'ı̨ı̨t'e nı̨dè Nǫ̀htsı̨-Gotà ayìı edeza ghàyele ha sìı goxı̨ sı goghàyele ha hǫt'e. Zezì-Krı wexè Nǫ̀htsı̨ weza ats'ı̨ı̨t'e nı̨dè Weza xè t'asìı goghàyele ha hǫt'e. Zezì-Krı wexè dats'ı̨ı̨ɂa nı̨dè goxı̨ sı wexè enıìyah deè goghàhòt'à ha hǫt'e.

2 Tımothy 2:12

Dats'ı̨ı̨ɂa kò weghǫ goınì nàtso ats'ı̨ı̨hwhǫ nı̨dè, wexè k'ahots'edè ha hǫt'e. Wek'èts'eezǫ-le ts'edı nı̨dè ededı̨ sı gok'èezǫ-le hadı ha.

John Wenazhıı 1:2

John t'asìı hazǫǫ̀ yaɂı̨ı̨ sìı yeghǫ goı̨de. Nǫ̀htsı̨ weyatıì eyıts'ǫ Zezì wegodıì ghǫ goı̨de.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 11:11

Hanìkò taı dzęę̀ daats'ǫ̀ tanı tł'axǫǫ̀ Nǫ̀htsı̨ gok'e ehsò t'à nagìdà agǫ̀ǫ̀là. Nàgeèhzaà agejà t'à amìı gogıaɂı̨ı̨ sìı sıì geèhyeh.

John Wenazhıı 11:15

Yak'eet'ı̨į̀ łǫ̀hdı̨ t'à whedaa sìı edets'ǫ dechı̨shì yeèhdı ekò yak'e gots'ǫ hòtł'ò dıı hats'edıì hǫt'e, “Gots'ǫ̀ K'àowo eyıts'ǫ wets'ǫ Chrıst xè dıı nèk'e gogha k'àowo gı̨ı̨lı̨į̀ agejà eyıts'ǫ ededı̨ sìı welǫ whìle ts'ǫ̀ K'àowo elı̨ ha,” hats'edıì hǫt'e.

John Wenazhıı 11:3

Sets'ǫ nakwenàoɂǫǫ nàke sìı t'asìı t'à nàgetsoò agehłe ha. Įłè-lemì-daats'ǫ̀-nàkeakw'eènǫ-daats'ǫ̀-ek'ètaènǫ (1,260) dzęę̀ gots'ǫ̀ dǫhshǫ̀ǫ goht'ǫǫ̀ yìı geèhkw'e xè nadąą̀ gogede ha,” sèts'edıì hǫt'e.

John Wenazhıı 11:7

Hòt'a dǫ ts'ǫ̀ gogede ghǫnagı̨ı̨t'e nı̨dè tıts'aàdìı nechàa dèè goyìı gots'ǫ xàetła ha eyıts'ǫ gok'aàwo xè goghǫehnè ha, eyıts'ǫ ełaàgòhde ha.

John Wenazhıı 12:11

Gòet'ı̨ Sahzǫ̀ą wedoò t'à eyıts'ǫ edeyatıì sı t'à gıghǫèhnǫ hǫt'e. Eyı gha ełaàgııde kò gıgha t'asanìle hǫt'e.

John Wenazhıı 14:11

Hanıı dǫ gık'eek'ǫ̀ gots'ǫ ło welǫ whìle ts'ǫ̀ ı̨dòo deekw'e ha. Amìı eyı tıts'aàdìı nechàa ts'ǫ̀ eyıts'ǫ kwe wek'ę̀ę̀ wègaat'ı̨ı̨ ts'ǫ̀ yagehtıı eyıts'ǫ wıızì gık'e aatł'èe sìı ts'èwhı̨į̀ hòɂǫ hǫı̨lı̨ ha-le.”

John Wenazhıı 15:2

Tıdeè lanıı, eja wek'e saı̨de xè weta kǫ̀ dèk'ǫ̀ǫ lanıı wègoèht'į̀. Amìı eyı tıts'aàdìı nechàa “ek'ètaekw'eènǫ-daats'ǫ̀-ek'ètaènǫ-daats'ǫ̀-ek'ètaı” (666) wìyeh eyıts'ǫ kwe wek'ę̀ę̀ wègaat'ı̨ı̨ ghǫgeèhnǫǫ sìı eyı tıdeè lanıı gà nàgeèhza, Nǫ̀htsı̨ tł'ık'eetı̨ı̨ goghàyı̨ı̨laa sìı dagıale.

John Wenazhıı 17:8

Eyı tıts'aàdìı nechàa weneeɂı̨ı̨ sìı eda ı̨lè, hanìkò dıì ełaı̨wo hǫt'e. Nǫǫde-ı̨dè dǫ ełaı̨dèe k'è gòɂǫǫ gots'ǫ xàetła ha, eyı tł'axǫǫ̀ dèè wedıhołè ha. Dıı nèk'e dǫ łǫ eyı tıts'aàdìı nechàa ghàgeeda nı̨dè gıgha enıìyah dìì ha ne, eyı tıts'aàdìı nechàa sìı eda ı̨lè, dıì ełaı̨wo hǫt'e, hanìkò k'achı̨ naìdà ha hǫt'e. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è-le sìı agı̨ı̨t'e. Eyı enı̨htł'è sìı dèè hòèlı̨ gots'ǫ hǫt'e.

John Wenazhıı 2:26

“T'aa hołı̨ı̨ ghǫehnèe eyıts'ǫ nǫǫde ts'ǫ̀ sek'ę̀ę̀ edaa sìı dǫ hazǫǫ̀ xàɂaa ts'ǫ̀ k'àowoò awehłe ha.

John Wenazhıı 20:6

Eyı t'akwełǫ̀ǫ̀ dǫ nagìdàa sìı degaı agı̨ı̨t'e eyıts'ǫ gıxè sìghà agǫ̀ht'e. K'achı̨ ełaàgııde ha nıìle, hanìkò Nǫ̀htsı̨ wets'ǫ yahtıı gı̨ı̨lı̨ ha eyıts'ǫ ı̨łè-lemì xo gots'ǫ̀ wexè k'àowo gı̨ı̨lı̨ ha.

John Wenazhıı 22:5

To agode ha nıìle. Nǫ̀htsı̨ ededı̨ sìı gok'e daaɂa ha ne t'à, dǫ wı̨ı̨zìı ek'aèk'ǫ nıwǫ ha nıìle eyıts'ǫ dǫ wı̨ı̨zìı sadeè nıwǫ ha nıìle. Eyıts'ǫ welǫ whìle ts'ǫ̀ k'àowo gı̨ı̨lı̨ ha.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.

John Wenazhıı 4:4

Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.

John Wenazhıı 6:9

Sahzǫ̀ą enı̨htł'èyeè wedaàdzeh sı̨làı t'à wheɂǫǫ sìı nàyı̨ı̨zhì. Kwe-ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı wetł'a dǫ gıdą̀ązhį̀ı̨ wègoèht'į̀. Nǫ̀htsı̨ weyatıì k'ę̀ę̀ geeda ts'ıhɂǫ̀ ełaàgogį̀ı̨hdèe agı̨ı̨t'e.

John Wenazhıı 7:3

“Nǫ̀htsı̨ wecheekeè gıts'abeè k'e nàts'eekwį̀ gots'ǫ̀, dèè, tıcho eyıts'ǫ ts'ı tsį̀ahwhı-le,” gòhdı.