John Wenazhıı 20:2 - Nǫ̀htsı̨ Nı̨htł'è

² Eyı yak'eet'ı̨į̀ tıts'aàdìıcho dek'oo daachì. Eyı tıts'aàdìıcho sìı ı̨nę̀ę whaà gots'ǫ gòocho hǫt'e eyıts'ǫ wehłı̨ı̨ hǫt'e. Įłè-lemì xo gots'ǫ̀ wek'èhodì ha t'à yak'eet'ı̨į̀ dayeèzà.

John Wenazhıı 20:2 ပူးပေါင်းရင်းမြစ်များ

Dànì Kèhoį̀wo 3:1

Gòocho sìı Nǫ̀htsı̨ tıts'aàdìı whatsǫǫ̀ edegeedaa whehtsı̨ı̨ sìı hazǫǫ̀ t'à gonahk'e eghǫyaeɂà gha gǫǫzǫ hǫt'e. Ts'èko ts'ǫ̀ hadı, “Nǫ̀htsı̨, dıı dèè-goehshee-k'è ts'ı t'alàa-sìı wets'ǫ shèahtı̨ ha-le, hadı nì?” yèhdı.

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 19:29

Amìı sets'ıhɂǫ̀ edekǫ̀, edechı, ededè, edetà, edemǫ, edeza, eyıts'ǫ wets'ǫ dèè gots'ǫǫ̀ naèhtła k'èxa, eyı weɂǫ̀ǫ̀ ı̨łèakw'eènǫ laàtłǫ ts'ǫ̀ weghǫ̀zhe ha eyıts'ǫ welǫ whìle ts'ǫ̀ edaa eyı sı weghǫ̀t'à ha.

Matthew 8:29

Hòtł'ò gezeh xè hagedı, “Nǫ̀htsı̨ Weza, ayìıha gok'alaąwo? Gogha nèhòkw'ı kwe gogha hoìla hoı̨htsı̨-le, neghǫnàdats'eetì,” gedı.

Mark 4:15

Dǫ mǫ̀hdaa wet'à t'asìı dehshee tı̨lı k'e nàı̨tł'ıı lagı̨ı̨t'e. Nǫ̀htsı̨ weyatıì gıìkw'o ts'ǫ̀et'ıì wehłı̨ı̨ eyı yatı goghǫ yìhchı.

Mark 5:7

Zezì yets'ǫ̀ hadı, “Įnìłı̨ı̨, dıı dǫ yìı gots'ǫ xàı̨tłe,” yèhdı. Eyıt'à eyı dǫ hòtł'ò ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Nǫ̀htsı̨ wıızì dahxà hoìla ası̨ı̨le ha-le gha neyatıì seghàı̨ɂà,” yèhdıì ezeh.

John 12:31

Hòt'a dǫ hazǫǫ̀ gısınìyaetı ha nìkw'o; hòt'a dıı nèk'e k'àowo elı̨ı̨ sìı xàwedeezhı ha.

John 16:11

Eyıts'ǫ dıı nèè ts'ǫ̀ k'àowo sìı hòt'a wesınìyaetı ne t'à dıı nèk'e dǫ gıhołı̨į̀ k'èxa gısınìyaetı hǫt'e.

Rome 16:20

Nǫ̀htsı̨ ts'èwhı̨į̀ wehòhɂǫǫ sìı whaà-le-t'ıì naxıt'ǫ̀ǫ̀ wehłı̨ı̨ dıhohtsı̨ ha. Zezì-Krı wesǫnıwǫ naxıxè welè.

Hebrew 2:14

Weza ts'ı̨ı̨lı̨ı̨ sìı dǫ ats'ı̨ı̨t'e, ededı̨ sı goxèht'eè dǫ whelı̨. Gogha ełaı̨wo t'à amìı ełaàgòhdee nàtsoo elı̨ı̨ sìı yedıhòèhtsı̨; eyı sìı wehłı̨ı̨ hǫt'e.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

2 Peter 2:4

Nǫ̀htsı̨ wets'ǫ yak'eet'ı̨į̀ hołı̨ı̨ hogèhtsı̨ ekò etegoèhɂı̨-le ı̨lè, hanìkò wehłı̨kǫ̀ ts'ǫ̀ agǫ̀ǫ̀là. Gısınìyaetıı dzęę̀ gots'ǫ̀ togoòtł'òo gòɂǫǫ k'è gıdanìı̨la hǫt'e.

Jude 1:6

Eyıts'ǫ yak'eet'ı̨į̀ mǫ̀hdaa gıts'ǫ̀ dàgòjàa sìı eyı sı wenaahdì. Dànì k'ahogedè ha gıghàhòt'ǫǫ sìı gıghàehdı ı̨lè. Eyı yak'eet'ı̨łı̨ı̨ sìı welǫ whìle ts'ǫ̀ satsǫ̀tł'ıì gık'e whela xè Nǫ̀htsı̨ togoòtł'òo yìı gok'èdì, eyıts'ǫ nǫǫde dzęę̀ k'e Nǫ̀htsı̨ gosınìyaehtı ha hǫt'e.

John Wenazhıı 12:13

Eyı tıts'aàdìıcho dek'oo dıı nèk'e ts'ǫ̀ hodàweèhdo yek'èhoèhzà t'à ts'èko dǫzhìa nìı̨htı̨ı̨ sìı yedeèzhì.

John Wenazhıı 12:15

Eyı tł'axǫǫ̀ gòocho edewà gots'ǫ tı xàehse. Eyı tı sìı deh whelı̨. Gòocho eyı ts'èko deh nàtsoo t'à weehłı̨į̀ ayele ha nıwǫ ı̨lè.

John Wenazhıı 12:17

Tıts'aàdìıcho dek'oo eyı ts'èko ghǫ sıì ìch'è t'à weza hazǫǫ̀ ts'ǫ̀ ajà; weza hazǫǫ̀ Nǫ̀htsı̨ nàowoò k'èagı̨ı̨t'e eyıts'ǫ Zezì wegodıì k'ègedì. Eyı tıts'aàdìıcho dek'oo eyıts'ǫ ts'èko weza ełexè ełegıagǫ.

John Wenazhıı 12:3

Eyı tł'axǫǫ̀ k'achı̨ t'asìı enıìyah yak'e wègoèht'į̀: tıts'aàdìıcho dek'oo wekwì łǫ̀hdı̨ wek'e whela eyıts'ǫ sǫǫ̀mbaekwo kwìt'ıì łǫ̀hdı̨ wekwì k'e whela wègoèht'į̀.

John Wenazhıı 12:4

Edetsè t'à whǫ̀ tanı k'aɂį̀ yat'a whelaa sìı dıı nèk'e ts'ǫ̀ hodàyeèhde. Eyı tıts'aàdìıcho dek'oo sìı ts'èko webebìa gòhłè ha nıìkw'oo yenadąą̀ nàwo, eyı bebìa wegǫ̀hłı̨ ts'ǫ̀et'ıì yeɂà ha nıwǫ t'à.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:2

Eyı tıts'aàdìı nechàa tıcho yìı ts'ǫ xàèhtłaa sìı nǫ̀da “leopard” lanì wègaat'ı̨, eyıts'ǫ wekè sahkè lanì eyıts'ǫ wewà goìjìıcho wewà lanì wègaat'ı̨. Eyı tıts'aàdìıcho dek'oo sìı tıts'aàdìı nechàa nàtsoò ayį̀į̀là xè edetł'axǫǫ̀ k'àowocho elı̨į̀ ayį̀į̀là.

John Wenazhıı 13:4

Tıts'aàdìı nechàa edetł'axǫǫ̀ eghàlaedaà ayį̀į̀là t'à dǫ hazǫǫ̀ tıts'aàdìıcho dek'oo ts'ǫ̀ yagehtı. Eyıts'ǫ dǫ hazǫǫ̀ tıts'aàdìı nechàa sı ts'ǫ̀ yagehtı, hagedı, “Amìı dıı tıts'aàdìı nechàa xèht'e? Dǫ wı̨ı̨zìı yedaèt'è gǫ̀hłı̨-le!” gedı.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 20:7

Įłè-lemì xo k'ehǫǫwo nı̨dè wehłı̨ı̨ sìı wedaànìı̨tǫ ts'ǫ xàetłaà agele ha.

John Wenazhıı 9:11

Gıts'ǫ k'àowo sìı dèè yìı gǫǫ̀ɂàa gots'ǫ yak'eet'ı̨łı̨ı̨ hǫt'e. Eyı yak'eet'ı̨łı̨ı̨ sìı Israel got'ı̨į̀ gıyatıì k'ę̀ę̀ “Abadon” wìyeh eyıts'ǫ Greece got'ı̨į̀ gıyatıì k'ę̀ę̀ “Apollyon” wìyeh (eyı sìı “t'asìı yedıhohtsı̨” gedıì-agedı).