John Wenazhıı 2:26 - Nǫ̀htsı̨ Nı̨htł'è

²⁶ “T'aa hołı̨ı̨ ghǫehnèe eyıts'ǫ nǫǫde ts'ǫ̀ sek'ę̀ę̀ edaa sìı dǫ hazǫǫ̀ xàɂaa ts'ǫ̀ k'àowoò awehłe ha.

John Wenazhıı 2:26 ပူးပေါင်းရင်းမြစ်များ

Matthew 10:22

Sı̨ sets'ıhɂǫ̀ dǫ hazǫǫ̀ naxıdzagı̨ı̨hwhǫ ha, hanìkò amìı nǫǫde dzęę̀ ts'ǫ̀ Nǫ̀htsı̨ ts'ǫ̀ wınì nàtsoò adìhwhǫǫ sìı edaxàeda ha.

Matthew 19:28

Zezì edecheekeè gots'ǫ̀ hadı, “Ehkw'ı anaxèehsı̨, t'asìı hazǫǫ̀ wegòò anagòjà xè Dǫ-wet'àaɂàa-deè k'àowocho whelı̨ t'à ededaèhchı̨cho k'e wheda nı̨dè naxı̨ sek'èè k'eahdè ı̨lèe sìı daèhchı̨cho hoònǫ-daats'ǫ̀-nàke k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha.

Matthew 24:13

Hanìkò amìı nǫǫde ts'ǫ̀ wegha ehkw'ı-ahodıı sìı edaxàeda ha.

John 6:29

Zezì hadı, “Nǫ̀htsı̨ sìı dıı hanì eghàlaahda ha naxı̨ı̨hwhǫ: dǫ naxıts'ǫ̀ yı̨ı̨hɂàa sìı ehkw'ı adı weahwhǫ ha,” gòhdı.

Rome 2:7

Dǫ t'aats'ǫǫ̀ Nǫ̀htsı̨ gha nezı̨į̀ k'ehogeɂaa sìı gıxè enıìyah hòɂǫ ha, Nǫ̀htsı̨ goghǫ sìghà anıwǫ ha, eyıts'ǫ welǫ whìle ts'ǫ̀ geeda gha aget'ı̨ hǫt'e. Hanıı dǫ sìı Nǫ̀htsı̨ welǫ whìle ts'ǫ̀ geedaà agole ha hǫt'e.

Rome 8:37

Goxè hanì k'ehokw'o kò, Zezì goghǫneètǫǫ sìı wets'ıhɂǫ̀ goxı̨ hòt'a hots'eèhnǫ hǫt'e.

1 Thessalonıca 3:5

Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

James 2:20

Gonezǫ-le dìì! Gogha ehkw'ı-ahodı hanìkò wek'ę̀ę̀ ts'eeda-le nı̨dè wet'àhoòɂà nıìle. Dıı weghàà wek'èı̨zǫ anııhłe:

1 John 2:19

Gota gots'ǫ xàgeède, hanìkò xàè gots'ǫ agı̨ı̨t'e nıìle. Gots'ǫ agı̨ı̨t'e nı̨dè ı̨łaà goxè geèhkw'e ha ı̨lè, hanìkò gots'ǫǫ̀ xàgeède t'à xàè gots'ǫ agı̨ı̨t'e-le wek'èts'eezǫ.

1 John 3:23

Dıı nàowo goghàı̨ɂǫ hǫt'e: Weza Zezì-Krı gogha ehkw'ı adı ha hǫt'e, eyıts'ǫ ełeghǫnets'eètǫ ha hǫt'e.

1 John 5:5

Amìı, Zezì, Nǫ̀htsı̨ Weza hǫt'e wegha ehkw'ı-ahodıı sìı dıı nèè ts'ǫ nàowołı̨ı̨ ghǫèhnǫ hǫt'e.

John Wenazhıı 2:11

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı nàekeè t'à ełaàts'ewıı sìı t'à daı̨ɂa ha-le.

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.

John Wenazhıı 2:7

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welè. T'aa hołı̨ı̨ ghǫ hoehnèe sìı ts'ı wet'à ts'eedaa gots'ǫ shètı̨į̀ awehłe ha. Eyı ts'ı sìı Nǫ̀htsı̨ wets'ǫ hoı̨zı̨-nèk'e nàı̨ɂa hǫt'e.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 21:7

T'aa hołı̨ı̨ ghǫ hoehnèe sìı eyı hazǫǫ̀ weghǫ̀zhe ha hǫt'e. Wenǫ̀htsı̨ ehłı̨ ha eyıts'ǫ ededı̨ seza elı̨ ha.

John Wenazhıı 22:5

To agode ha nıìle. Nǫ̀htsı̨ ededı̨ sìı gok'e daaɂa ha ne t'à, dǫ wı̨ı̨zìı ek'aèk'ǫ nıwǫ ha nıìle eyıts'ǫ dǫ wı̨ı̨zìı sadeè nıwǫ ha nıìle. Eyıts'ǫ welǫ whìle ts'ǫ̀ k'àowo gı̨ı̨lı̨ ha.

John Wenazhıı 3:12

T'aa hołı̨ı̨ ghǫehnèe sìı Nǫ̀htsı̨kǫ̀-gocho goyìı kwe nàtsoo nàı̨ɂa elı̨į̀ awehłe xè t'aats'ǫǫ̀ ekǫ wehòhɂǫ ha. Nǫ̀htsı̨ wıızì eyıts'ǫ Nǫ̀htsı̨ wekǫ̀godeè wıızì wek'e dek'eèhtł'è ha. Eyı kǫ̀godeè wegòò sìı Jerusalem wìyeh; Nǫ̀htsı̨ yak'e gots'ǫ ı̨zhıì adeè ayele ha. T'aa wınì nàtsoo sìı sıızì wegòò wek'e dek'enèehtł'è ha.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.

John Wenazhıı 3:5

T'aa hołı̨ı̨ ghǫehnèe sìı eyı lanì goht'ǫ degoo yìı geèhkw'e ha. Nı̨htł'è k'e dǫ welǫ whìle ts'ǫ̀ geeda gha gıızì dek'eèhtł'èe sìı gots'ǫ gıızì ejınahwha ha-le, hanìkò Setà wenadąą̀ eyıts'ǫ yak'eet'ı̨į̀ gınadąą̀ eyı dǫ wek'èehsǫ dehsı̨ ha.