John Wenazhıı 2:25 - Nǫ̀htsı̨ Nı̨htł'è

²⁵ Naxıts'ǫ̀ nèehtła gots'ǫ̀ seghǫ naxınì nàtsoo sìı hotıì wek'èahdì.

John Wenazhıı 2:25 ပူးပေါင်းရင်းမြစ်များ

John 14:3

Ekǫ naxıda gòɂǫǫ̀ ahłà nı̨dè naxıxàhtła ha, eyıts'ǫ sexè anaxehłe ha. Hanì-ı̨dè edı̨į̀ whıhdaa sìı sexè aaht'e ha.

Zezì Wecheekeèdeè 11:28

Nakwenàoɂǫǫ ı̨łè Agabus wìyeh sìı dǫta nàwo xè Yedàyeh Nezı̨ı̨ dahxà gots'ǫ̀ goı̨de. Įdaà dàgode ha sìı gha yatı nìı̨ɂǫ. Hazǫǫ̀ nèk'e Rome got'ı̨į̀ k'aodèe gı̨ı̨lı̨ı̨ sìı dǫ gha bò whìle agode ha, hadı. (Claudıus dèe-ts'ǫ̀-k'àowo whelı̨ ekò eyı hagòjà.)

Rome 12:9

Naxıdzeè t'à dǫ ghǫnıahtǫ. Hołı̨ı̨-nàowoò sìı wedzaahwhǫ, hanìkò t'asìı ehkw'ı xè nezı̨ı̨ sìı wedeahchı-le.

1 Corınth 11:26

Dıı łèt'è ghǫ shèahzhe eyıts'ǫ dıı lıbò wets'ǫ aahdǫ taàt'eè, gots'ǫ̀ K'àowo nǫ̀ǫtła gots'ǫ̀, dànì gogha ełaı̨woo sìı dǫ gık'èezǫǫ̀ agıahɂı̨ hǫt'e.

1 Corınth 4:5

Eyıt'à eyı nèhòkw'ı kwe t'asìı wesınìyaahtı-le, hanìkò gots'ǫ̀ K'àowo nììtła ts'ǫ̀ naahɂı̨. Togoòtł'òo t'à t'asìı deɂı̨į̀ whelaa sìı wègaat'ı̨į̀ ayele ha, eyıts'ǫ dǫ dàgı̨ı̨wǫ t'à k'ehogı̨ı̨ɂaa sìı wek'èedzǫǫ̀ ayele ha. Eyı dzęę̀ k'e nı̨dè dànì godzeè t'à ehkw'ı nànıts'edèe sìı k'ę̀ę̀ Nǫ̀htsı̨ goghǫ sìghà adı ha.

1 Thessalonıca 5:21

Hanìkò t'asìı hazǫǫ̀ weahdzà. T'asìı nezı̨ı̨ sìı ààhchı.

Hebrew 10:23

Nǫ̀htsı̨ sìı t'aats'ǫǫ̀ edeyatıì k'èdì ne t'à, goınì nàtsoo xè t'aats'ǫǫ̀ weyatıì ts'ıtǫ̀ ha hǫt'e.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

Hebrew 4:14

Zezì Nǫ̀htsı̨ Weza gogha yahtıı-wet'àaɂàa-deè elı̨ı̨ sìı yak'e Nǫ̀htsı̨ nadąą̀ eghàlaı̨dàa sìı hòtł'ò gogha ehkw'ı-ahodıı ts'edı nı̨dè Zezì wexè ats'et'ı̨ hǫt'e.

2 Peter 3:10

Hanìkò gots'ǫ̀ K'àowo nǫ̀ǫtłaa dzęę̀ k'e nı̨dè dǫ gıxaelı ha-le, eeɂį̀ı̨-dǫǫ̀ enìxàezhì lagode ha. Ekìıyeè k'e nı̨dè hòtł'ò nàgoekw'ǫ xè yat'a hazǫǫ̀ whìle agode ha, whǫ̀ dawhelaa hazǫǫ̀, dıı nèè eyıts'ǫ t'asìı hazǫǫ̀ wek'e whelaa sìı kǫ̀ t'à wedıhołè ha.

John Wenazhıı 1:7

Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.

John Wenazhıı 22:20

Ededı̨ dıı godı t'à godee sìı dıı hadı, “Hęɂę, whaà-le-t'ıì jǫ nèehtła ha,” hadı. Hęɂę, gots'ǫ̀ K'àowo Zezì, gots'ǫ̀ anede!

John Wenazhıı 22:7

“Kexoahdı, hòt'a whaà-le-t'ıì jǫ ts'ǫ̀ ahde ha! Dıı enı̨htł'è k'e godı dek'eèhtł'èe sìı hòt'a wek'ę̀ę̀ agode ha. Amìı dıı godı wegha ehkw'ı-ahodıı sìı wexè sìghà hǫt'e.”

John Wenazhıı 3:11

“Whaà-le-t'ıì naxıts'ǫ̀ ehtła ha. Seghǫ naxınì nàtsoo sìı hotıì wek'èahdì, hanì-ı̨dè edegha t'asìı deahnǫǫ sìı dǫ wı̨ı̨zìı naxıghǫ neyıìwa ha-le.

John Wenazhıı 3:3

Eyıt'à ayìı naxıghǫ̀t'ǫǫ eyıts'ǫ ayìı aàhkw'oo sìı wenaahdì. Eyı yatı wek'èaht'e xè edek'eahłı̨. Ts'ıahdè-le nı̨dè eeɂį̀ı̨-dǫǫ̀ lanì naxınaàhtǫ naxıts'àhtła ha. Ayìı sadzeè k'e naxıts'àhtła ha sìı wek'èahsǫ ha nıìle.