John Wenazhıı 2:10 - Nǫ̀htsı̨ Nı̨htł'è

¹⁰ Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.

John Wenazhıı 2:10 ပူးပေါင်းရင်းမြစ်များ

Matthew 10:22

Sı̨ sets'ıhɂǫ̀ dǫ hazǫǫ̀ naxıdzagı̨ı̨hwhǫ ha, hanìkò amìı nǫǫde dzęę̀ ts'ǫ̀ Nǫ̀htsı̨ ts'ǫ̀ wınì nàtsoò adìhwhǫǫ sìı edaxàeda ha.

Matthew 10:28

Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Matthew 24:13

Hanìkò amìı nǫǫde ts'ǫ̀ wegha ehkw'ı-ahodıı sìı edaxàeda ha.

Mark 13:13

Sı̨ sets'ıhɂǫ̀ dǫ hazǫǫ̀ naxıdzagı̨ı̨hwhǫ ha, hanìkò amìı nǫǫde ts'ǫ̀ Nǫ̀htsı̨ ghǫ wınì nàtsoò adìhwhǫǫ sìı edaxàweetè ha.

Mark 8:35

Amìı edınì k'ę̀ę̀ eda ha nıwǫǫ sìı wedıhołè ha, hanìkò amìı sets'ıhɂǫ̀ eyıts'ǫ godı nezı̨ı̨ ts'ıhɂǫ̀ edınì k'ę̀ę̀ eda ha nıwǫ-le sìı edaxàweetè ha hǫt'e.

Luke 21:12

“Hanìkò eyı hazǫǫ̀ hagode kwe sìı naxegìhchı xè danaxegį̀ı̨hɂa ha. Nàyaetıı-kǫ̀ eyıts'ǫ dǫ-danìı̨laa-kǫ̀ ts'ǫ̀ anaxegele ha. K'àowocho eyıts'ǫ dèe-ts'ǫ̀-k'àowo gınadąą̀ naxısınìyaetı anaxegele ha. Sı̨ sets'ıhɂǫ̀ hanì naxıts'ǫ̀ eghàlageeda ha.

John 12:25

Dǫ edınì k'ę̀ę̀ eda ha nıwǫǫ sìı wedıhołè ha, ekò dıı nèk'e dǫ edınì k'ę̀ę̀ eda ha nıwǫ-le sìı welǫ whìle ts'ǫ̀ eda ha.

John 13:2

Xèhts'ǫ̀ shègezhe ha kw'à nègı̨ı̨la. Ekìıyeè k'e wehłı̨ı̨, Sımon weza Zhıdàà-Iscarıyot, Zezì k'èch'a nànıwoò ayį̀į̀là ı̨lè, eyıt'à Zezì, k'aodèe gotł'aàyehtè ha nıwǫ.

John 13:27

Zhıdàà łèt'è nıìchì ts'ǫ̀et'ıì wehłı̨ı̨ yets'ǫ̀ ajà. Zezì hayèhdı, “Ayìı dàąle ha sìı ı̨whąą̀ haąle,” yèhdı.

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Zezì Wecheekeèdeè 21:13

Hanìkò Paul hadı, “Ayìıha seghǫ aahtse xè sedzeè etseè aahɂı̨? Zezì wıızì ts'ıhɂǫ̀ dasegeezà gha ts'atà whıhda hǫt'e, eyı zǫǫ̀-le wets'ıhɂǫ̀ ekǫ ełaehwhı ha segha asanìle hǫt'e,” gòhdı.

1 Corınth 9:25

Amìı ehdaàtı̨mǫgeedè goxè at'ı̨ ha nıwǫǫ sìı eyı gha edexè sınìhòɂà hǫt'e. Dǫ hanıı sìı t'asìı sǫǫ̀mbaekwo t'à hòèlı̨ı̨ eyıts'ǫ t'asìı whaà ts'ǫ̀ wheɂǫ ha-le sìı geehnè gha aget'ı̨, hanìkò goxı̨ sìı t'asìı deè welǫ whìle ts'ǫ̀ goghaelı̨ gha ats'et'ı̨ hǫt'e.

Ephesus 2:2

Hołı̨ı̨ nàowoò k'ę̀ę̀ aahda ı̨lè, eyıts'ǫ dıı nèk'e hołı̨ı̨-hogehtsı̨ı̨-dǫǫ̀ gık'ę̀ę̀ aahda ı̨lè, eyıts'ǫ ı̨nìłı̨ı̨ yat'a ts'ǫ̀ k'àowo elı̨ı̨ sìı wek'èaht'e ı̨lè. Eyı ı̨nìłı̨ı̨ sìı dǫ Nǫ̀htsı̨ k'èagı̨ı̨t'e-le sìı dıì gıgha k'àowo elı̨ hǫt'e.

Ephesus 6:12

Dǫ xè ełets'egǫ ats'et'ı̨ nıìle, hanìkò yat'a k'aodèe gı̨ı̨lı̨ı̨ eyıts'ǫ dıı nèk'e togoòtł'òo gha k'aodèe gı̨ı̨lı̨ı̨ sìı gıxè ełets'egǫ hǫt'e, eyıts'ǫ yat'a ı̨nìłı̨ı̨ nàgetsoo sìı gıxè ełets'egǫǫ̀ ats'et'ı̨ hǫt'e.

James 1:12

Dǫ weèdzà t'à wexè hoìla kò wınì nàtso-le ade-le sìı wexè sìghà hǫt'e. Ayìı t'à weèdzàa sìı yeghǫèhnǫ nı̨dè wek'èxa welǫ whìle ts'ǫ̀ edaà awedle ha. Amìı Nǫ̀htsı̨ ghǫnegeètǫǫ sìı hanì edeyatıì goghàı̨ɂǫ hǫt'e.

1 Peter 5:4

Haaht'ı̨ nı̨dè Nǫ̀htsı̨ wesahzǫ̀ą-k'èdìı-deè nììtła nı̨dè welǫ whìle ts'ǫ̀ enıìyah k'ę̀ę̀ aahdaà anaxedle ha hǫt'e.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

John Wenazhıı 13:14

Tıts'aàdìı wekwì łǫ̀hdı̨ wedahxà hanì enıìyah deè hòèhtsı̨ t'à dıı nèk'e dǫ goghǫyaàɂǫ. Weyatıì k'e tıts'aàdìı nechàa behcho t'à gego hanìkò xàı̨dàa sìı kwe t'à wek'ę̀ę̀ wègaat'ı̨ı̨ nàı̨hɂaà agı̨į̀là. Eyıt'à tıts'aàdìı wekwì łǫ̀hdı̨ ghàsǫgeedıì agǫ̀ǫ̀là.

John Wenazhıı 13:2

Eyı tıts'aàdìı nechàa tıcho yìı ts'ǫ xàèhtłaa sìı nǫ̀da “leopard” lanì wègaat'ı̨, eyıts'ǫ wekè sahkè lanì eyıts'ǫ wewà goìjìıcho wewà lanì wègaat'ı̨. Eyı tıts'aàdìıcho dek'oo sìı tıts'aàdìı nechàa nàtsoò ayį̀į̀là xè edetł'axǫǫ̀ k'àowocho elı̨į̀ ayį̀į̀là.

John Wenazhıı 13:7

Tıts'aàdìı nechàa sìı Nǫ̀htsı̨ wets'ǫ dǫ ts'ǫ̀ eghǫ xè goghǫehnè ha weghàhòt'ǫ hǫt'e. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ hazǫǫ̀ nèk'e ts'ǫ̀ k'àowo elı̨ ha weghàhòt'ǫ hǫt'e.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.

John Wenazhıı 2:9

Dànì naxıxè hoìla xè eteaht'ı̨ı̨ sìı naxık'èehsǫ, hanìkò dǫ ahxee aahłı̨ hǫt'e! Dǫ xàè Israel got'ı̨į̀ ats'ı̨ı̨t'e gedıı sìı naxıızì jıı gehtsı̨ wek'èehsǫ. Hanìkò xàè Israel got'ı̨į̀ agı̨ı̨t'e nıìle, wehłı̨ı̨ wecheekeè agı̨ı̨t'e.