John Wenazhıı 2:1 - Nǫ̀htsı̨ Nı̨htł'è

¹ “Kǫ̀ta Ephesus Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ nàgòts'ehnèe whǫ̀ łǫ̀hdı̨ welatł'aà whela xè ek'aèk'ǫchı̨į̀ łǫ̀hdı̨ ta k'etłoo sìı dıı weyatıì hǫt'e:

John Wenazhıı 2:1 ပူးပေါင်းရင်းမြစ်များ

Matthew 18:20

Dǫ nàke, dǫ taı sıızì dahxà łą̀ą nègı̨ı̨de gà yagehtı nı̨dè gıxè whıhda ha hǫt'e,” Zezì gòhdı.

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

John 5:35

John-Baptıst tłeèk'ǫ̀ǫ dèk'ǫ̀ǫ laı̨t'è, wet'à dzęh nı̨ı̨dı̨ ı̨lè. Naxıgha nezı̨ t'à whaà-lea gots'ǫ̀ wexè aaht'ı̨ ı̨lè.

Zezì Wecheekeèdeè 18:19

Kǫ̀ta Ephesus nègı̨ı̨de ekò Paul, Prıscılla eyıts'ǫ Aquıla ekǫ gots'ǫǫ̀ naèhtła. Ededı̨ t'aa ełègehdèe-kǫ̀ ts'ǫ̀ ajà, ekǫ Israel got'ı̨į̀ ts'ǫ̀ goı̨de.

Zezì Wecheekeèdeè 18:21

Paul naetła kwe, hagòhdı, “Nǫ̀htsı̨ hanıwǫ nı̨dè k'achı̨ jǫ ts'ǫ anahde ha,” gòhdı. Eyı tł'axǫǫ̀ elàcho t'à kǫ̀ta Ephesus gots'ǫǫ̀ naèhɂe.

Zezì Wecheekeèdeè 19:1

Apollos kǫ̀ta Corınth wheda ekò Paul tı̨lı k'èè kǫ̀ta Ephesus ts'ǫ̀ naèhtła. Ekǫ Nǫ̀htsı̨ wecheekeè mǫ̀hdaa goaɂı̨.

2 Corınth 6:16

Nǫ̀htsı̨kǫ̀-gocho eyıts'ǫ nǫ̀htsı̨ hòèlı̨ı̨ wets'ǫ yahtıı-kǫ̀ sìı ełek'ę̀ę̀ agı̨ı̨wǫ nıìle. Goxı̨ sìı Nǫ̀htsı̨ edaa wekǫ̀ lats'ı̨ı̨t'e hǫt'e. Nǫ̀htsı̨ dıı hadı ı̨lè, “Gıdzeè yìı nàhdè ha eyıts'ǫ gıta aht'e ha, Gınǫ̀htsı̨ ehłı̨ ha, eyıts'ǫ sets'ǫ dǫ gı̨ı̨lı̨ ha.”

John Wenazhıı 1:16

Nàgòts'ehnèe ts'ǫ edılà t'à whǫ̀ łǫ̀hdı̨ dayele, eyıts'ǫ wewà gots'ǫ behcho wek'à į̀ła-ts'ǫ̀ dènıı xàı̨ɂa. Wınì sadeè nàtsoo lanì wègaat'ı̨.

John Wenazhıı 1:20

Whǫ̀ łǫ̀hdı̨ nàgòts'ehnèe selatł'aà whelaa eyıts'ǫ ek'aèk'ǫchı̨į̀ łǫ̀hdı̨ sǫǫ̀mbaekwo t'à hòèlı̨ı̨ sìı dıı awèts'edı hǫt'e: Whǫ̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıyak'eet'ı̨į̀ gha hǫt'e, eyıts'ǫ ek'aèk'ǫchı̨į̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gha hǫt'e.

John Wenazhıı 12:1

T'asìı enıìyah yak'e wègoèht'į̀: ts'èko ɂeh yìı wheda lanì sadeè t'à nàhtł'ı̨. Adzęzah weketł'a wheɂǫ eyıts'ǫ sǫǫ̀mbaekwo kwìt'ıì whǫ̀ hoònǫ-daats'ǫ̀-nàke wek'e whela wekwì k'e wheɂǫ.

John Wenazhıı 2:12

“Kǫ̀ta Pergamum Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ behcho wek'à į̀ła-ts'ǫ̀ dènıı wets'ǫ sìı eyı weyatıì hǫt'e.

John Wenazhıı 2:18

“Kǫ̀ta Thıyatıra Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı Nǫ̀htsı̨ Weza weyatıì hǫt'e. Ededı̨ sìı wedaà kǫ̀ dèk'ǫ̀ǫ lanì eyıts'ǫ wekè satsǫ̀ dekwoo wek'e saı̨dı̨ lanì hǫt'e.

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.

John Wenazhıı 3:1

“Kǫ̀ta Sardıs Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ Nǫ̀htsı̨ wets'ǫ ı̨nì degaı łǫ̀hdı̨ eyıts'ǫ whǫ̀ łǫ̀hdı̨ welatł'aà whelaa sìı dıı weyatıì hǫt'e: Dànì aahdaa sìı wek'èehsǫ, dǫ nezı̨į̀ aahda naxegı̨ı̨hwhǫ hanìkò dǫ ełaı̨dèe laaht'e.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.