John Wenazhıı 19:7 - Nǫ̀htsı̨ Nı̨htł'è

⁷ Goınà xè weghàsǫts'eedı welè! Hòt'a Sahzǫ̀ą honìda ha nìhǫǫwo; ts'èko ìhchı ha sìı hòt'a sedììdlà hǫt'e.

John Wenazhıı 19:7 ပူးပေါင်းရင်းမြစ်များ

Matthew 1:20

Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.

Matthew 22:2

“Nǫ̀htsı̨ Wenàowoò k'ę̀ę̀ hòɂǫǫ dıı lanì hǫt'e: K'àowocho weza honìda ha yegha nàsı̨ whehtsı̨.

Luke 12:36

K'àowo nàsı̨deè gots'ǫ nǫ̀ǫtła gots'ǫ̀ wecheekeè gıdanaèhɂı̨ laaht'e. K'àowo nǫ̀ǫtła xè enìı̨tǫ ts'aht'ı nı̨dè ekòet'ıì gıts'ǫ̀ enìxàechı ha. Eyı wecheekeè lanì weda ts'atà dahkw'e.

John 3:29

Ts'èko honìdzaa sìı wedǫzhıì ghaelı̨ hǫt'e. Dǫ honìdaa weàgı̨ą yekaɂeèhkw'ǫ hǫt'e. Dǫ ts'ǫ̀ gode yeèhkw'ǫ nı̨dè sıì wınà hǫt'e. Eyı xèht'eè dıì hòt'a sınà hǫt'e.

2 Corınth 11:2

Nǫ̀htsı̨ wınì k'ę̀ę̀ hotıì naxıxoehdı hǫt'e. T'eeko wetà dǫzhìı ghàyı̨ı̨htı̨ lanì Zezì-Krı ghànaxèehtè ha dehwhǫ. T'eekogòò lanì weghànaxèehtè ha dehwhǫ.

Ephesus 5:23

Zezì-Krı edets'ǫ dǫ gha nakweè wheda lanì dǫzhìı hoet'ı̨ı̨ sìı edets'èkeè gha nakweè whedaa elı̨ hǫt'e. Zezì wecheekeè sìı wezhį̀į̀ agı̨ı̨t'e, eyıts'ǫ ededı̨ Edaxàgolee elı̨ hǫt'e.

Ephesus 5:32

Dıı sìı gogha enıìyah dìì eyıts'ǫ wenıts'eedì ha dìì. Eyı sìı Zezì-Krı eyıts'ǫ wets'ǫ dǫ ghǫ gohde aehsı̨.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 21:2

Yak'e gots'ǫ Kǫ̀godeè Degaı ı̨zhıì ajà wègaat'ı̨. Kǫ̀godeè wegòò Jerusalem, Nǫ̀htsı̨ gots'ǫ ı̨zhıì ajà. Ts'èko dǫzhìı xè honìda ha goht'ǫ wèdaat'ı̨ı̨ yìı wheda lanì eyı kǫ̀godeè wèdaat'ı̨.

John Wenazhıı 21:9

Yak'eet'ı̨į̀ łǫ̀hdı̨ kw'àyį̀ą yìı wet'à hoìla dagoòɂǫ dagıale ı̨lèe sìı k'achı̨ geehɂı̨. Yak'eet'ı̨į̀ ı̨łè sets'ǫ̀ ajà, hasèhdı, “Sek'èı̨tła. Eyı ts'èko sahzǫ̀ą xè honìda ha sìı weghàı̨daà anehłe ha,” sèhdı.