John Wenazhıı 19:5 - Nǫ̀htsı̨ Nı̨htł'è

⁵ Eyı daèhchı̨cho gots'ǫ dıı hats'edıì hǫt'e: “Naxı̨ hazǫǫ̀ wecheekeè yàahłı̨ı̨ sìı, naxı̨ hazǫǫ̀ wek'èaht'ee sìı, eyıts'ǫ dǫ wet'àaɂàa, wet'àaɂà-le yàahłı̨ı̨ sìı Gonǫ̀htsı̨ weghàsǫahdı,” hats'edıì hǫt'e.

John Wenazhıı 19:5 ပူးပေါင်းရင်းမြစ်များ

John Wenazhıı 13:16

Dǫ hazǫǫ̀ nàgòts'ehnèe gılà k'e hanì-le-ı̨dè gıts'abeè k'e t'asìı dek'eèhtł'è ha agǫ̀ǫ̀là. Dǫ wet'àaɂàa, dǫ wet'àaɂà-le, dǫ ahxee, dǫ-teèt'ı̨ı̨, dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le, hazǫǫ̀ t'asìı gık'e dek'eèhtł'è ha agǫ̀ǫ̀là.

John Wenazhıı 16:17

Eyı tł'axǫǫ̀ yak'eet'ı̨į̀ łǫ̀hdı̨ t'à elı̨ı̨ sìı edets'ǫ kw'àyį̀ą yat'a nałayeèhtł'ı ekò Nǫ̀htsı̨kǫ̀-gocho goyìı daèhchı̨cho gots'ǫ hòtł'ò dıı hats'edıì hǫt'e, “Hòt'a enahǫ̀t'e!” hats'edıì hǫt'e.

John Wenazhıı 19:18

K'àowocho gıkwǫ̀, eghǫǫ-dǫǫ̀ gha k'aodèe gıkwǫ̀, dǫ wet'àaɂàa gıkwǫ̀, tłı̨cho eyıts'ǫ dǫ gık'eèhkw'ee sìı gıkwǫ̀ ghǫ shèahzhe ha. Dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le gıkwǫ̀ eyıts'ǫ dǫ wet'àaɂàa eyıts'ǫ dǫ wet'àaɂà-le gıkwǫ̀, dǫkwǫ̀ hazǫǫ̀ ghǫ shèahzhe ha,” yak'eet'ı̨į̀ gòhdı.

John Wenazhıı 20:12

Eyıts'ǫ dǫ ełaı̨dèe sìı gìgoèht'į̀. Dǫ wet'àaɂàa eyıts'ǫ dǫ wet'àaɂà-le hazǫǫ̀ eyı daèhchı̨cho degoo gà nàgeèhza. Enı̨htł'ècho mǫ̀hdaa ts'ǫdaà xàaza wègaat'ı̨, eyıts'ǫ k'achı̨ enı̨htł'è ı̨łè wets'ǫdaà xàatǫ. Eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è. T'akwełǫ̀ǫ̀ enı̨htł'è whelaa wek'e ayìı dek'eèhtł'èe sìı eyı weghàà dǫ ełaı̨dèe sìı gısınìyaetı hǫt'e.

John Wenazhıı 7:15

Eyıt'à, Nǫ̀htsı̨ wedaèhchı̨cho nadąą̀ nàgeèhza hǫt'e. Dzęę̀, toò, Nǫ̀htsı̨kǫ̀-gocho goyìı gıgha eghàlaeda. Eyı daèhchı̨cho k'e whedaa sìı edets'ǫ nı̨hbàa gok'e ayele ha.