John Wenazhıı 19:18 - Nǫ̀htsı̨ Nı̨htł'è

¹⁸ K'àowocho gıkwǫ̀, eghǫǫ-dǫǫ̀ gha k'aodèe gıkwǫ̀, dǫ wet'àaɂàa gıkwǫ̀, tłı̨cho eyıts'ǫ dǫ gık'eèhkw'ee sìı gıkwǫ̀ ghǫ shèahzhe ha. Dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le gıkwǫ̀ eyıts'ǫ dǫ wet'àaɂàa eyıts'ǫ dǫ wet'àaɂà-le gıkwǫ̀, dǫkwǫ̀ hazǫǫ̀ ghǫ shèahzhe ha,” yak'eet'ı̨į̀ gòhdı.

John Wenazhıı 19:18 ပူးပေါင်းရင်းမြစ်များ

Matthew 24:28

Edı̨į̀ t'asìıweè whedaa sìı ekǫ tatsǫ̀gaà ełègehdè hǫt'e.

Luke 17:37

Wecheekeè Zezì dageehke, “K'àowo, edı̨į̀ hagode ha?” gıìhdı. Zezì hagòhdı, “Edı̨į̀ t'asìıweè whedaa sìı ekǫ tatsǫ̀gaà łǫ ełègehdè hǫt'e,” gòhdı.

John Wenazhıı 11:18

Dǫ hazǫǫ̀ xàɂaa gìch'è, eyıt'à dıì nàgı̨ı̨hkwa ha. Dǫ ełaı̨dèe sìı dıì gısınìyaetı ha nèhòı̨wo. Nakwenàoɂǫǫ negha eghàlagı̨ı̨dàa, nets'ǫ dǫ gı̨ı̨lı̨ı̨, eyıts'ǫ nets'ǫ̀ nezı̨į̀ kànegı̨ı̨ɂaa sìı nezı̨į̀ gıts'ǫ̀ eghàlaı̨da ha. Eyıts'ǫ dǫ wet'àaɂàa, dǫ wet'àaɂà-le, nek'èagı̨ı̨t'ee sìı nezı̨į̀ gıts'ǫ̀ eghàlaı̨da ha. Hanìkò amìı dıı dèè yedıhohtsı̨ı̨ sìı godıhohtsı̨ ha hǫt'e,” hagedı.

John Wenazhıı 13:16

Dǫ hazǫǫ̀ nàgòts'ehnèe gılà k'e hanì-le-ı̨dè gıts'abeè k'e t'asìı dek'eèhtł'è ha agǫ̀ǫ̀là. Dǫ wet'àaɂàa, dǫ wet'àaɂà-le, dǫ ahxee, dǫ-teèt'ı̨ı̨, dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le, hazǫǫ̀ t'asìı gık'e dek'eèhtł'è ha agǫ̀ǫ̀là.

John Wenazhıı 17:16

Eyı tıts'aàdìı nechàa eyıts'ǫ edè hoònǫ weneeɂı̨ı̨ sìı eyı ts'èkojıı dzagı̨ı̨hwhǫ ha. Wekwǫ̀ǫyaà-geleè xè goht'ǫ dę whedaà agele ha. Wekwǫ̀ geɂà xè kǫ̀ t'à gık'eehk'ǫ̀ ha.

John Wenazhıı 19:5

Eyı daèhchı̨cho gots'ǫ dıı hats'edıì hǫt'e: “Naxı̨ hazǫǫ̀ wecheekeè yàahłı̨ı̨ sìı, naxı̨ hazǫǫ̀ wek'èaht'ee sìı, eyıts'ǫ dǫ wet'àaɂàa, wet'àaɂà-le yàahłı̨ı̨ sìı Gonǫ̀htsı̨ weghàsǫahdı,” hats'edıì hǫt'e.

John Wenazhıı 6:15

Dıı nèk'e k'aodèe, gıza hazǫǫ̀, eghǫǫ-dǫǫ̀-gha-k'aodèe hazǫǫ̀, dǫ ahxee, dǫ wet'àaɂàa gı̨ı̨lı̨ı̨, dǫ edets'ǫ̀ k'agedè-le eyıts'ǫ dǫ edets'ǫ̀ k'agedèe hazǫǫ̀ kwe yìı eyıts'ǫ shìh ta kwe whelaa ta nàdegeeɂį̀.