John Wenazhıı 19:15 - Nǫ̀htsı̨ Nı̨htł'è

¹⁵ Eyı dǫ gık'èè gıadèe sìı behcho dènıı wewà gots'ǫ xàı̨ɂa. Yet'à dıı nèk'e dǫ hazǫǫ̀ ghǫehnè ha. “Eyıts'ǫ satsǫ̀-geh t'à dǫ hazǫǫ̀ ts'ǫ̀ K'àowo elı̨ ha.” Nǫ̀htsı̨ t'asìı wegha dìì-le sìı wek'èch'a t'à, tǫhcho yìı t'asìı whelaa sìı tàtsǫyeèhɂe ha.

John Wenazhıı 19:15 ပူးပေါင်းရင်းမြစ်များ

2 Thessalonıca 2:8

Eyı tł'axǫǫ̀-ı̨dè eyı dǫ wejıı sìı wègoèt'į̀ ha. Hanìkò gots'ǫ̀ K'àowo Zezì nììtła nı̨dè, ededaàzhìı t'à yek'e ehsò t'à yeghǫehnè ha eyıts'ǫ enıìyah deè t'à yedıhohtsı̨ ha.

John Wenazhıı 1:16

Nàgòts'ehnèe ts'ǫ edılà t'à whǫ̀ łǫ̀hdı̨ dayele, eyıts'ǫ wewà gots'ǫ behcho wek'à į̀ła-ts'ǫ̀ dènıı xàı̨ɂa. Wınì sadeè nàtsoo lanì wègaat'ı̨.

John Wenazhıı 12:5

Eyı ts'èko dǫzhìa nìı̨htı̨. Eyı dǫzhìa sìı satsǫ̀-geh t'à dǫ hazǫǫ̀ xàɂaa ts'ǫ̀ k'ahowo ha. Ekòet'ıì eyı dǫzhìa sìı ı̨dòo Nǫ̀htsı̨ ts'ǫ̀ eyıts'ǫ wedaèhchı̨cho ts'ǫ̀ nıwıìtı̨.

John Wenazhıı 14:10

Nǫ̀htsı̨ hòtł'ò nàyeehkwa ha. Nǫ̀htsı̨ sıì wets'ǫ̀ wek'èch'a t'à hòtł'ò daı̨ɂa yeghàhòɂà ha. Sahzǫ̀ą eyıts'ǫ yak'eet'ı̨į̀ gınadąą̀ kwe dèk'ǫ̀ǫ t'à daı̨ɂaà awedle ha hǫt'e.

John Wenazhıı 19:21

Eyı tłı̨cho degoo k'e whedaa sìı wewà gots'ǫ behcho xàı̨ɂaa t'à k'àowocho eyıts'ǫ gıts'ǫ eghǫǫ-dǫǫ̀ hazǫǫ̀ ełaàgòı̨hdè. Yat'a k'edèe sìı dǫweè k'enį̀ı̨laa ts'ǫ̀ hodàgı̨ı̨de gà gıbò dagoòɂǫ ts'ǫ̀ dǫkwǫ̀ ghǫ shègıazhe.

John Wenazhıı 2:12

“Kǫ̀ta Pergamum Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ behcho wek'à į̀ła-ts'ǫ̀ dènıı wets'ǫ sìı eyı weyatıì hǫt'e.

John Wenazhıı 2:16

Eyıt'à edek'eahłı̨! Edek'eahłı̨-le nı̨dè whaà-le-t'ıì naxıts'ǫ̀ ehtła gà behcho sewà xàı̨ɂa t'à nàgeehtł'ì ha.

John Wenazhıı 2:27

‘Ededı̨ sìı satsǫ̀-geh t'à gıgha k'àowocho nàtsoo elı̨ ha, nàgoèhtł'ı xè kwetǫ yetaezhì lagole ha.’ Setà ededahxà k'àowo ehłı̨į̀ asį̀į̀là lanì, ededı̨ sı sedahxà k'àowo elı̨į̀ awehłe ha.