John Wenazhıı 18:21 - Nǫ̀htsı̨ Nı̨htł'è

²¹ Eyı tł'axǫǫ̀ yak'eet'ı̨į̀ nàtsoo kwe nechàa behchı̨kè laı̨hcho neyıìchı gà teyį̀ı̨hk'ah, hadı, “Kǫ̀godeè Babylon weghǫ enıìyah sìı dànì hodàètł'ı eyı lanì hodàgoetł'ì ha. K'achı̨ wenagot'a ha nıìle.

John Wenazhıı 18:21 ပူးပေါင်းရင်းမြစ်များ

John Wenazhıı 10:1

Eyı tł'axǫǫ̀ k'achı̨ yak'e gots'ǫ yak'eet'ı̨į̀ nàtsoo hodàèhtła weehɂı̨. K'oh wemoèhdo eyıts'ǫ k'àlemį̀į̀ wekwì godo nawhet'ıì wègaat'ı̨. Wınì sa lanì wek'e saı̨dı̨ eyıts'ǫ wedzaà kǫ̀ dèk'ǫ̀ǫ nàı̨ɂa lanì.

John Wenazhıı 12:8

Hanìkò eyı tıts'aàdìıcho dek'oo sìı hoehnè ha nàtso-le t'à yak'e gots'ǫ xàgogeèhde.

John Wenazhıı 16:20

Dıa hazǫǫ̀ whelaa sìı whìle ajà eyıts'ǫ shìh hazǫǫ̀ wègoèht'į̀-le ajà.

John Wenazhıı 18:10

Eyı ts'èkojıı sıì hòtł'ò daı̨ɂa t'à k'àowocho sıì geejı̨į̀ agede ha. Nıwà gots'ǫ gıghàeda ha, getse xè dıı hagedı ha: ‘Hoìla hodeè! Heè, kǫ̀godeè Babylon weghǫ enıhoòyah ne là! Kǫ̀godeè nàtsoo elı̨ ı̨lè, hanìkò ı̨łè sadzeè zǫ t'à wexè hoìla agòjà!’ gedıì getse ha.

John Wenazhıı 18:22

Kǫ̀godeè ekǫ enı̨htł'èjı̨ı̨ dedı ets'ıìkw'o ha-le. Ekǫ dǫ wı̨ı̨zìı tł'ık'eetı̨ı̨ eyıts'ǫ dechı̨shì t'à sǫnàwo ha-le. Dechı̨-eghàlaedaa-dǫǫ̀, satsǫ̀-eghàlaedaa-dǫǫ̀ eyıts'ǫ ehtł'ı̨-gehtsı̨ı̨-dǫǫ̀ hanıı gıts'eɂį̀ ha-le. Kwe wet'à łè nàts'eèdee sìı wenats'ıìkw'o ha-le.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.

John Wenazhıı 5:2

Yak'eet'ı̨į̀ nàtsoo ı̨łè hòtł'ò dıı hadı, “Amìı eyı enı̨htł'èyeè łǫ̀hdı̨ ts'ǫ̀ wedaàdzeh sìı yets'ǫdaà xàehdlà ha edegha hoèhnǫ?” hadı.