John Wenazhıı 18:14 - Nǫ̀htsı̨ Nı̨htł'è

¹⁴ “Eyı k'aàwı gı̨ı̨lı̨ı̨ sìı ts'èkojıı ts'ǫ̀ dıı hagedı ha, ‘Jìecho neɂà ghaı̨wı̨ ı̨lèe sìı neghǫ whìle ajà. Eyıts'ǫ t'asìı dètìı hazǫǫ̀ nets'ǫ ı̨lèe sìı neghǫ whìle ajà, eyı hazǫǫ̀ naneet'į̀ ha nıìle,’ hagedı ha.

John Wenazhıı 18:14 ပူးပေါင်းရင်းမြစ်များ

Matthew 11:8

Hanì-le-ı̨dè ayìı ghàahda ha ekǫ k'eahdè? Dǫ nezı̨į̀ nàhtł'ı̨ ghàahda ha nì aaht'ı̨? Į̀le, dǫ goht'ǫ dètìı t'à-aget'ı̨ı̨ sìı k'àowocho wekǫ̀ nàgedè hǫt'e.

Luke 12:20

“Hanìkò Nǫ̀htsı̨ yets'ǫ̀ hadı, ‘Gonezǫ-le dìì! Dıı toò nedą̀ązhį̀ı̨ neghǫ ìchı ha. T'asìı łǫ edegha ts'atà wheęhłaa sìı hot'eè amìı weghaelı̨į̀ ade ha?’ yèhdı.

Luke 16:25

“Hanìkò Abraham yets'ǫ̀ hadı, ‘Ekò seza, dıı nèk'e nàądè ekò t'asìı nezı̨ı̨ zǫ t'à ı̨da ı̨lè; ekò Lazarus t'aa wexè hoìla zǫ ı̨lè. Dıì Lazarus wexè hoı̨zı̨į̀ agòjà, ekò nı̨ sìı nexè hoìla hǫt'e.

1 Corınth 10:6

Eyı hagòjàa sìı weghàà gocho gıxèht'eè godzeè t'à hołı̨ı̨ ts'ı̨ı̨wǫ ha-le gha hoghàdets'eetǫ gha agòjà hǫt'e.

James 4:2

T'asìı łǫ dahwhǫ hanìkò naxıghǫ̀t'à hǫı̨lı̨-le. Dǫ eyıì-le t'asìı gıts'ǫ sìı naxıdzeè t'à weahwhǫ hanìkò naxıghaelı̨ ha dìì, eyıt'à dǫ ełaahwhı xèht'e lanì. Ełets'ǫ̀ naxınì-le xè ełetawhıahdè. Nǫ̀htsı̨ weahkè-le ts'ıhɂǫ̀ t'asìı naxıghǫ̀t'à nıìle.

John Wenazhıı 18:13

Eyıts'ǫ dı̨ı̨ts'ıa łǫ xàɂaa, wet'à ło łekǫǫ dèk'ǫ̀ǫ xàɂaa, yìk'eetł'òo, jìetì, tłeh wet'à bò xàet'èe, łè nezı̨ı̨, ejıe eyıts'ǫ sahzǫ̀ą, tłı̨cho webehchı̨į̀ xè, eyıts'ǫ dǫ sı gıghǫ nàedì ı̨lè.

John Wenazhıı 18:15

Eyı ts'èkojıı wets'ıhɂǫ̀ k'aàwı gı̨ı̨lı̨ı̨ sìı t'asìı łǫ gıghǫ nàèdì t'à ahxe gehłè ı̨lè. Hanìkò ts'èkojıı sıì hòtł'ò daı̨ɂa t'à k'aàwı gı̨ı̨lı̨ı̨ sìı hòtł'ò geejı̨ ha. Nıwà gots'ǫ gıghàeda ha eyıts'ǫ gıdzeè t'à gıgha dìì xè gıghǫ etse ha.