John Wenazhıı 18:12 - Nǫ̀htsı̨ Nı̨htł'è

¹² T'asìı dıı hanıı gıghǫ nàedì ı̨lè: sǫǫ̀mbaekwo, sǫǫ̀mba degoo, sǫǫ̀mbakweè; ehtł'ı̨ dètìı; jìechochı̨į̀ gots'ǫ dechı̨kàà nezı̨ı̨, tıts'aàdìıcho weghòò t'à t'asìı hòèlı̨ı̨, dechı̨kàà dètìı t'à t'asìı hòèlı̨ı̨, satsǫ̀ dekwoo t'à t'asìı hòèlı̨ı̨, satsǫ̀ nedàa t'à t'asìı hòèlı̨ı̨ eyıts'ǫ kwe wèdaat'ı̨ı̨ t'à t'asìı hòèlı̨ı̨.

John Wenazhıı 18:12 ပူးပေါင်းရင်းမြစ်များ

John Wenazhıı 17:3

Eyı tł'axǫǫ̀ Yedàyeh Nezı̨ı̨ wedahxà yak'eet'ı̨į̀ ekìı-ka nèk'e ts'ǫ̀ naseèhtı̨. Ekǫ ts'èko tıts'aàdìı nechàa k'e wheda wègaat'ı̨. Eyı tıts'aàdìı nechàa sìı wek'aàtsı̨į̀ dek'o-dezǫ hǫt'e, Nǫ̀htsı̨ k'èch'a wıızìłı̨ı̨ łǫ gǫ̀hłı̨ı̨ sìı hazǫǫ̀ wedzıìwı k'e aatł'è, eyıts'ǫ wekwì łǫ̀hdı̨ gǫ̀hłı̨ xè edè hoònǫ wek'e whela.

John Wenazhıı 17:4

Eyı ts'èko goht'ǫ dek'o-dezǫǫ yìı wheda. Sǫǫ̀mbaekwo eyıts'ǫ sǫǫ̀mbakweè wek'e whela xè wek'e saı̨de. Eyı ts'èko sǫǫ̀mbaekwo lıbò dayaka. Eyı lıbò sìı t'asìıłı̨ı̨ eyıts'ǫ wenàowołı̨ı̨ weyìı dagoòɂǫ hǫt'e.

John Wenazhıı 18:15

Eyı ts'èkojıı wets'ıhɂǫ̀ k'aàwı gı̨ı̨lı̨ı̨ sìı t'asìı łǫ gıghǫ nàèdì t'à ahxe gehłè ı̨lè. Hanìkò ts'èkojıı sıì hòtł'ò daı̨ɂa t'à k'aàwı gı̨ı̨lı̨ı̨ sìı hòtł'ò geejı̨ ha. Nıwà gots'ǫ gıghàeda ha eyıts'ǫ gıdzeè t'à gıgha dìì xè gıghǫ etse ha.