John Wenazhıı 17:8 - Nǫ̀htsı̨ Nı̨htł'è

⁸ Eyı tıts'aàdìı nechàa weneeɂı̨ı̨ sìı eda ı̨lè, hanìkò dıì ełaı̨wo hǫt'e. Nǫǫde-ı̨dè dǫ ełaı̨dèe k'è gòɂǫǫ gots'ǫ xàetła ha, eyı tł'axǫǫ̀ dèè wedıhołè ha. Dıı nèk'e dǫ łǫ eyı tıts'aàdìı nechàa ghàgeeda nı̨dè gıgha enıìyah dìì ha ne, eyı tıts'aàdìı nechàa sìı eda ı̨lè, dıì ełaı̨wo hǫt'e, hanìkò k'achı̨ naìdà ha hǫt'e. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è-le sìı agı̨ı̨t'e. Eyı enı̨htł'è sìı dèè hòèlı̨ gots'ǫ hǫt'e.

John Wenazhıı 17:8 ပူးပေါင်းရင်းမြစ်များ

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Luke 10:20

Hanìkò ı̨nìłı̨ı̨ naxık'èagı̨ı̨t'e t'à eyı ghǫ naxınà welè-le. Hanìkò naxıızì yak'e dek'eèhtł'è t'à eyı ghǫ naxınà welè,” Zezì gòhdı.

Luke 8:31

Įnìłı̨ı̨ k'èdaà Zezì ghǫnàdageetì, edı̨į̀ ı̨nìłı̨ı̨ dagı̨ı̨ɂaa sìı ts'ǫ̀ agole ha gı̨ı̨wǫ-le t'à.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

Zezì Wecheekeèdeè 15:18

Eyı sìı whaà gots'ǫ dǫ gık'èezǫ hǫt'e.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Tıtus 1:2

Nǫ̀htsı̨ hots'ì-le sìı, dıı dèè hòèlı̨ kwe gots'ǫ welǫ whìle ts'ǫ̀ ts'eeda agodle gha edeyatıì goghàı̨ɂǫ ı̨lè. Eyıt'à gogha ehkw'ı-ahodı xè nàowo ehkw'ıı k'èts'eezǫ ha dìì-le.

1 Peter 1:20

Dèè hòèlı̨ kwe wììchì hǫt'e, hanìkò dıì nǫǫde dzęę̀ gha wègoèht'į̀ adlà.

John Wenazhıı 11:7

Hòt'a dǫ ts'ǫ̀ gogede ghǫnagı̨ı̨t'e nı̨dè tıts'aàdìı nechàa dèè goyìı gots'ǫ xàetła ha eyıts'ǫ gok'aàwo xè goghǫehnè ha, eyıts'ǫ ełaàgòhde ha.

John Wenazhıı 17:11

Eyı tıts'aàdìı nechàa eda ı̨lè hanìkò dıì ełaı̨woo sìı eyı k'àowocho ek'èdı̨ t'à whedaa elı̨ hǫt'e. K'àowocho łǫ̀hdı̨ gota gots'ǫ hǫt'e, hanìkò wedıhołè ha hǫt'e.

John Wenazhıı 17:2

Dıı nèk'e k'àowocho hazǫǫ̀ eyı ts'èkojıı xè hołı̨ı̨ hogehtsı̨, eyıts'ǫ dıı nèk'e dǫ hazǫǫ̀ yenàowoò k'ę̀ę̀ eghàlageeda gıgha nezı̨. Wets'ǫ jìetìłı̨ı̨ t'à geèhde lagı̨ı̨t'e,” hadı.

John Wenazhıı 20:10

Eyıts'ǫ wehłı̨ı̨ goghǫyaàɂǫǫ sìı kwe dèk'ǫ̀ǫ ta ts'ǫ̀ geèhxà. Ekǫ tıts'aàdìı nechàa eyıts'ǫ wets'ǫ nakwenàoɂǫǫ ehkw'ı gode-le sìı ekǫ gogeèhde ı̨lè. Welǫ whìle ts'ǫ̀ dzę eyıts'ǫ to hòtł'ò dagı̨ı̨ɂa ha.

John Wenazhıı 20:12

Eyıts'ǫ dǫ ełaı̨dèe sìı gìgoèht'į̀. Dǫ wet'àaɂàa eyıts'ǫ dǫ wet'àaɂà-le hazǫǫ̀ eyı daèhchı̨cho degoo gà nàgeèhza. Enı̨htł'ècho mǫ̀hdaa ts'ǫdaà xàaza wègaat'ı̨, eyıts'ǫ k'achı̨ enı̨htł'è ı̨łè wets'ǫdaà xàatǫ. Eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è. T'akwełǫ̀ǫ̀ enı̨htł'è whelaa wek'e ayìı dek'eèhtł'èe sìı eyı weghàà dǫ ełaı̨dèe sìı gısınìyaetı hǫt'e.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.

John Wenazhıı 3:5

T'aa hołı̨ı̨ ghǫehnèe sìı eyı lanì goht'ǫ degoo yìı geèhkw'e ha. Nı̨htł'è k'e dǫ welǫ whìle ts'ǫ̀ geeda gha gıızì dek'eèhtł'èe sìı gots'ǫ gıızì ejınahwha ha-le, hanìkò Setà wenadąą̀ eyıts'ǫ yak'eet'ı̨į̀ gınadąą̀ eyı dǫ wek'èehsǫ dehsı̨ ha.