John Wenazhıı 17:5 - Nǫ̀htsı̨ Nı̨htł'è

⁵ Wets'abeè k'e wıızì dek'eèhtł'è, eyı wıızì sìı wenıts'eedì ha gogha dezhì. Wek'e dıı hanì dek'eèhtł'è: “Babylon kǫ̀godeè hǫt'e, ts'èkojıı hazǫǫ̀ gha gomǫ elı̨ hǫt'e eyıts'ǫ dıı nèk'e dǫ hazǫǫ̀ yenàowojıı k'ę̀ę̀ geeda,” hanì dek'eèhtł'è.

John Wenazhıı 17:5 ပူးပေါင်းရင်းမြစ်များ

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

2 Thessalonıca 2:7

Dıì hòt'a deɂı̨į̀ Nǫ̀htsı̨ k'èch'a eghàlaeda hǫt'e, hanìkò amìı dıı nèk'e wègoèt'į̀ ch'à ayį̀į̀hwhǫǫ sìı ı̨ɂǫ̀ǫ̀ awedle gots'ǫ̀ ı̨łaà ı̨dè ayį̀į̀hwhǫ ha hǫt'e.

John Wenazhıı 1:20

Whǫ̀ łǫ̀hdı̨ nàgòts'ehnèe selatł'aà whelaa eyıts'ǫ ek'aèk'ǫchı̨į̀ łǫ̀hdı̨ sǫǫ̀mbaekwo t'à hòèlı̨ı̨ sìı dıı awèts'edı hǫt'e: Whǫ̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıyak'eet'ı̨į̀ gha hǫt'e, eyıts'ǫ ek'aèk'ǫchı̨į̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gha hǫt'e.

John Wenazhıı 11:8

Kǫ̀godeè wenı tı̨lı k'e gıweè whela ha. Eyı kǫ̀godeè wıızì sìı Sodom-lanì eyıts'ǫ Egypt-lanì wìyeh hǫt'e, ekǫ gıts'ǫ̀ K'àowo dechı̨et'aa k'e wedıìtsò ı̨lè.

John Wenazhıı 14:8

Eyı tł'axǫǫ̀ k'achı̨ yak'eet'ı̨į̀ ı̨łè wègoèht'į̀, hadı, “Kǫ̀godeè nàgoı̨tł'ı! Kǫ̀godeè Babylon hazǫǫ̀ nàgoı̨tł'ı, eyı kǫ̀godeè sìı dıı nèk'e dǫ hazǫǫ̀ edehołı̨į̀ k'ę̀ę̀ eghàlagı̨ı̨dà agǫ̀ǫ̀là,” hadı.

John Wenazhıı 16:19

Kǫ̀godeè Babylon taı ts'ǫ̀ łats'ıgoı̨dla eyıts'ǫ dıı nèk'e kǫ̀godeè hazǫǫ̀ nàgoı̨tł'ı. Nǫ̀htsı̨ sìı Babylon got'ı̨į̀ gıhołı̨į̀ yenadì t'à eyı k'èxa nàgoı̨hkwa. Nǫ̀htsı̨ gots'ǫ̀ wek'èch'a t'à hòtł'ò dagı̨ı̨ɂa ha goghàhòı̨ɂǫ.

John Wenazhıı 17:1

Yak'eet'ı̨į̀ łǫ̀hdı̨ kw'àyį̀ą łǫ̀hdı̨ k'egelee sìı ı̨łè segà nììtła, hadı, “Sek'èè ı̨ı̨tła. Ts'èkojıı tı łǫ k'e whedaa sìı dànì daı̨ɂaà awedle ha sìı weghàı̨daà anehłe ha.

John Wenazhıı 17:2

Dıı nèk'e k'àowocho hazǫǫ̀ eyı ts'èkojıı xè hołı̨ı̨ hogehtsı̨, eyıts'ǫ dıı nèk'e dǫ hazǫǫ̀ yenàowoò k'ę̀ę̀ eghàlageeda gıgha nezı̨. Wets'ǫ jìetìłı̨ı̨ t'à geèhde lagı̨ı̨t'e,” hadı.

John Wenazhıı 17:7

Eyıt'à yak'eet'ı̨į̀ sets'ǫ̀ hadı, “Dànìghǫ sıì negha enıìyah dìì? Eyı ts'èko eyıts'ǫ eyı tıts'aàdìı nechàa k'e whedaa sìı ayìı gha agı̨ı̨t'ee sìı nedaehsı̨ ha. Eyıts'ǫ wekwì łǫ̀hdı̨ eyıts'ǫ wedè hoònǫ wek'e whelaa sìı eyı ghǫ nedaehsı̨ ha.

John Wenazhıı 18:2

Hòtł'ò ezeh xè hadı: “Kǫ̀godeè nàı̨tł'ı! Kǫ̀godeè Babylon hodàètł'ı. Eyı kǫ̀godeè gòlaa sìı ı̨nìłı̨ı̨ nàdè ajà. Įnìłı̨ı̨ łǫ ekǫ aget'ı̨, t'asìı wejıı k'edèe sìı hazǫǫ̀ ekǫ aget'ı̨.

John Wenazhıı 18:21

Eyı tł'axǫǫ̀ yak'eet'ı̨į̀ nàtsoo kwe nechàa behchı̨kè laı̨hcho neyıìchı gà teyį̀ı̨hk'ah, hadı, “Kǫ̀godeè Babylon weghǫ enıìyah sìı dànì hodàètł'ı eyı lanì hodàgoetł'ì ha. K'achı̨ wenagot'a ha nıìle.

John Wenazhıı 19:2

Dànì dǫ sınìyaehtıı sìı ehkw'ı hǫt'e. Eyı ts'èkojıı dıı nèk'e dǫ xè hołı̨ı̨ k'ę̀ę̀ eghàlaı̨dàa sìı yesınìyaı̨htı hǫt'e. Nǫ̀htsı̨ wecheekeè ełaàgòı̨hdè k'èxa Nǫ̀htsı̨ nàyı̨ı̨hkwa hǫt'e,” hagedı.

John Wenazhıı 7:3

“Nǫ̀htsı̨ wecheekeè gıts'abeè k'e nàts'eekwį̀ gots'ǫ̀, dèè, tıcho eyıts'ǫ ts'ı tsį̀ahwhı-le,” gòhdı.