John Wenazhıı 17:18 - Nǫ̀htsı̨ Nı̨htł'è

¹⁸ Ts'èkojıı weneeɂı̨ı̨ sìı kǫ̀godeè Babylon hǫt'e, eyı kǫ̀godeè sìı dıı nèk'e k'àowocho hazǫǫ̀ ts'ǫ̀ k'àowo hǫt'e,” yak'eet'ı̨į̀ sets'ǫ̀ hadı.

John Wenazhıı 17:18 ပူးပေါင်းရင်းမြစ်များ

Luke 2:1

Ekìıyeè k'e k'àowodeè Augustus Rome nèk'e dèe-ts'ǫ̀-k'àowo elı̨ ı̨lè. Eyı k'àowo sìı dǫ hazǫǫ̀ nagıhtà gha nàowo whehtsı̨.

John Wenazhıı 11:8

Kǫ̀godeè wenı tı̨lı k'e gıweè whela ha. Eyı kǫ̀godeè wıızì sìı Sodom-lanì eyıts'ǫ Egypt-lanì wìyeh hǫt'e, ekǫ gıts'ǫ̀ K'àowo dechı̨et'aa k'e wedıìtsò ı̨lè.

John Wenazhıı 12:4

Edetsè t'à whǫ̀ tanı k'aɂį̀ yat'a whelaa sìı dıı nèk'e ts'ǫ̀ hodàyeèhde. Eyı tıts'aàdìıcho dek'oo sìı ts'èko webebìa gòhłè ha nıìkw'oo yenadąą̀ nàwo, eyı bebìa wegǫ̀hłı̨ ts'ǫ̀et'ıì yeɂà ha nıwǫ t'à.

John Wenazhıı 16:19

Kǫ̀godeè Babylon taı ts'ǫ̀ łats'ıgoı̨dla eyıts'ǫ dıı nèk'e kǫ̀godeè hazǫǫ̀ nàgoı̨tł'ı. Nǫ̀htsı̨ sìı Babylon got'ı̨į̀ gıhołı̨į̀ yenadì t'à eyı k'èxa nàgoı̨hkwa. Nǫ̀htsı̨ gots'ǫ̀ wek'èch'a t'à hòtł'ò dagı̨ı̨ɂa ha goghàhòı̨ɂǫ.

John Wenazhıı 18:2

Hòtł'ò ezeh xè hadı: “Kǫ̀godeè nàı̨tł'ı! Kǫ̀godeè Babylon hodàètł'ı. Eyı kǫ̀godeè gòlaa sìı ı̨nìłı̨ı̨ nàdè ajà. Įnìłı̨ı̨ łǫ ekǫ aget'ı̨, t'asìı wejıı k'edèe sìı hazǫǫ̀ ekǫ aget'ı̨.